Zôo 14:1 - Ŋ̀âla Kɔlɔ Maa Waai

¹ “Ǹúui nyii kélee nɛnî è maa sɔlɔ ƃôi, víi kpɛɛ̂i, pɔ̂ri maa fé mì. Ŋɔfúlu-laai láa fɛ̂ɛi a mɛni kpɔ̂lu, m̀ɛni ma, a sâa a maa félaa.

Zôo 14:1 ပူးပေါင်းရင်းမြစ်များ

Zɛnɛse 3:17

È mò nalôŋ ma ǹyɛɛ, “Náɣaŋ káa ǹɔii ma ílaai su, kpɛ́ni fêi, ƃa íwoli tɔ́ɔ ínɛnîi wóo ma ƃa ŋ̀úru-ƃai mii, nyii ŋa mò yâ a gɛɛ ífe mìi. Ƃa pâi íkɔnɔŋ sɔlɔ ƃôi ǹɔii su a mɛni-soli káa ífulu-laai su.

Zɛnɛse 47:9

Zeeka ǹyɛɛ mai, “Ŋásia-sia kóraŋ-ŋai da kɛ́ a kóraŋ ŋuŋ tɔnɔ pôlu buu saaƃa (130). Ŋáfulu-laai ŋɔtãi su kpuâai, ǹáa fɛ́ɛ a mɛni-kpɔ̂lu. Vé yɛ̂ɛ ńâŋ-ni dífulu-laai su sia-siai ŋɔtãi.”

Kâloŋ Veerɛi 4:19

È mò ǹâŋ ma ǹyɛɛi, “Ŋ́uŋ a sôlii! Ŋ́uŋ a sôlii!” Ǹâŋ è mò ǹyée mu-nuui dɔnɔ ma ǹyɛɛi, “Lí la ǹee pɔ́.”

Zôo 10:20

Ŋá kɛ-ɣeniɛi su fé ŋɔ́nɔ kôyaa-ni. Tée ma a da-loŋ a gɛɛ ŋá fii-tɔɔ loŋ sɔlɔ ƃó,

Zôo 15:14

“Núu da fé naa nyii maa waai. Núu da fa pɔ̂ri kɛ̂i a deniŋ ƃôɔɔ Ɣâla ŋɛ́i-tuɛ.

Zôo 25:4

Núu-kpune a pɔ̂ri ǹɛ́i léŋ a gɛɛ deniŋ ƃôɔɔi? Núu da káa naa nyii maa waâi Ɣâla ŋɛ́i-tuɛ?

Zôo 25:5

Ŋ̀áloŋ da bɛmɛlɛŋ-kao-ŋai kpîŋ dímaa fé waa ní Ɣâla ŋɛ́i-tuɛ.

Zôo 5:7

Kɛ́lɛ mɛni kpɔ̂lu a pâi wɔ̂lɔ kɛ̂i nɔ́ núu pôlu é síɣe maa sɔlɔ-ƃo tãi ma, yɛ̂ɛ berei ŋɔŋ-kpã̂le a tâa la ɣelêi.

Zôo 7:1

“Ŋ̀éniɛi ŋí su, núu-kpune ŋɔkɛ ɣéniɛi káa nɔ́ yɛ̂ɛ núu ƃé kɔ-kuluƃa tii kɛ̂i. Díkɛ̀ ɣéniɛi su, dímɔ̃lɛ-laai káa nɔ́ yɛ̂ɛ diai da tíi kɛ̀ dí dífela fé a ɣele-wulii.

Zôo 7:6

Ŋá kɛ̀ ɣéniɛi a tɛɛ̂i a maa félaa yɛ̂ɛ berei seɣe pala-nuu a ŋɔkenai tɛ̀ɛ la a maa félaai. Ŋá ɣele kûui káa tɛɛ̂i a maa félaa. Kɛ ɣéniɛ maa kili kɛ-zu fé ŋɔ́nɔ ńyêei.

Zôo 8:9

Kúkɛ ɣéniɛi káa nɔ́ a tãi kpua, ǹyaŋ kúfe mɛni da kɔ́lɔŋ. Nàa a kɛ̀ tí, kúfulu-laai é tɛ́ɛ nɔ́ yɛ̂ɛ ninîŋ ƃé siâi ǹɔii ma.

Zôo 9:25

Ŋáfulu-laai aâ gbâa kpɛ́ɛ, fé mɛni lɛ́lɛɛ da kula ní zu.

Wule-woo-ŋa 39:5

Gáa berei yâ ŋáfulu-laai su kpua lai! Ŋáfulu-laai maa mɛ̂ni fé íŋɛi a sɛŋ da. Núu-kpune ŋɔfúlu-laai káa nɔ́ yɛ̂ɛ fãa lâɣi.

Wule-woo-ŋa 39:6

Núu-kpune káa nɔ́ yɛ̂ɛ ninîŋ. Gɛ́ mɛni kélee káa nɔ́ kpɛ́ni-kpɛni. A tɔɔ-sãa sɔlɔ ƃô kɛ́lɛ vé gɔ́lɔŋ gbɛ̂ɛ ƃé a lɛ̂ɛ ǹyêei.

Wule-woo-ŋa 51:5

É síɣe ḿaa-sɔlɔ ƃó tãi ma, ŋ́gaa nɔ́ a ŋwana-lɔ̂ɔ-nuu. É síɣe tãi mâ ńee è ḿaa kôo sìɣe lai, ŋ́gaa nɔ́ a sɔnyɔ̂ŋ nuu.

Wule-woo-ŋa 89:47

Gɔ́lɔŋ a gɛɛ ŋáfulu-laai su fé ŋɔ́nɔ kôyaa ní. Í kú kpɛ̀tɛ, kɛ́lɛ kú kɛ̀ ɣeniɛi káa nɔ́ kpɛ́ni-kpɛni.

Ikilisiati 2:17

Ŋá ɣéniɛ kpɔ̀ara, kpɛ́ni fêi, núu-kpune ŋɔmɔ̃lɛ-laai káa a maloŋ-too-maa tee-tee ŋ́ɛi. Gélee káa nɔ́ kpɛ́ni-kpɛni. Gáa nɔ́ yɛ̂ɛ núu a kɛ̀ vãai kpɛ̂i.

Ikilisiati 2:23

Ŋ̀éniɛi káa nɔ́ a mɛni-soli da lii-too pôlu. Kpíni a pɛ̀lɛ, núu fa nyîi. Nyíŋi máŋ káa nɔ́ kpɛ́ni-kpɛni.

Zɛlemaya 20:18

Lé mɛni ƃé dí ḿaa sɔlɔ ƃô lai? A gɛ́ nɔ́ ŋ́gɛ ƃò mɛni kpɔ̂lu da lii-too pôlu su, ŋ́gɛ ŋákɛ-ɣeniɛi kɛ̀ nɔ́ ŋumɛ-pere su.

Maafîu 11:11

“Ŋá tɔ̃yâ ƃôi kâa, diai kélee nɛyâa dí dísɔlɔ ƃôi, da fé kɛ́tɛ ní é tɛ́ɛ Batâi-kɛ-nuui Zɔ̂ŋ ma. É máŋ kɛ́ tí Ŋ̀âla-taa kâloŋ-laai su-ƃelai guro-te-ɣelei kɛ̂tɛi é tɛ́ɛ mà.