Zôo 11:7 - Ŋ̀âla Kɔlɔ Maa Waai

⁷ Ya pɔ̂ri târei Ɣâla kɛ́-mɛni maa pɔlɔ-pɔlɔɔ-ŋai su? Ya pɔ̂ri kpîŋ târei Ɣâla maa tɔ̃yâ da ŋɔtárei su?

Zôo 11:7 ပူးပေါင်းရင်းမြစ်များ

Zôo 22:12

“Ɣâla káa Ɣâla-taa ŋ̀elei su. Ye ŋ̀elei su káa í gáa berei bɛmɛlɛŋ-kao-ŋai díkaa la kwaa kôyaa mai.

Zôo 26:14

M̀ɛnii nyii-ŋai ŋ́gaa sâa môi díkaa nɔ́ a dûa-pere-ŋai sũa loŋ, ǹyaŋ m̀ɛnii nyii kélee kwa m̀ɛnii é pîlaŋ mɛni-ŋai dîa a gɛ̀i, díkaa nɔ́ a nɛɣɛ-nɛɣɛ. Gbɛɛ ƃa pɔ̂ri Ɣâla ŋɔkɛ́tɛ-laai ŋá kâai.”

Zôo 27:11

“Ŋa pâi Ɣâla ŋɔwála-wala-laai lɛ̂i kâa. Ŋa pâi Ɣâla ŋɔmɛni kpɛtɛɛ-ŋai lɛ̂i kâa.

Zôo 33:12

“Zôo, ŋa môi yâ a gɛɛ m̀ɛni-ŋai ya môi íwɔ̂i fé lɛ́lɛ ní. Ɣâla maa pɔlɔ-pɔlɔɔi a gɛɛ da núu-kpune dí mɛni su kula.

Zôo 33:13

Lé mɛni ƃé ya Ɣâla sɔŋ siɣêi la íkɛ mò yɛ̂ɛ, ‘Ŋá Ɣâla sɔŋ sîɣe kpɛ́ni fêi vé maa kɔ̃ɔ̂i m̀ɛnii ŋí sui?’

Zôo 35:5

“Ye ŋ̀elei su káa í gáa berei ŋ̀ele-kɔlɔŋ kolei káa la ímɛi-pere póŋ-poŋ.

Zôo 36:26

Ɣâla kɛ̂tɛi kpɔ́ a maa pɔlɔ-pɔlɔɔ. Kúfa pɔ̂ri târei m̀aa mɛ̂ni su. Kúfa pɔ̂ri Ɣâla ŋɔpɔlɔ-pɔlɔ-laa lɛ̂i.

Zôo 37:23

Núu da fa Ŋ̀wála-wâla kélee Ɣâlai kâa. Ŋɔwála-wala-laai kɛ̂tɛi. Zɔŋ lɛ̂lɛɛi, deniŋ ƃôɔɔ, va núu fìli.

Zôo 37:5

Ɣâla a lòno, ŋ̀óo a kɛ̂ yɛ̂ɛ ŋ̀ele-gbana tíŋ, ǹyaŋ ya ŋ̀óo mɛ̀ni, a kɛ̂ a mɛni maa pɔlɔ-pɔlɔɔ. A mɛni kpaya-kpaya kɛ̀ nyii núu fa tarê zui.

Zôo 42:3

Í marê kɛ̀ yɛ̂ɛ wála-wala-laa lé kɛ́ɛ ƃé ńyêei a gɛɛ ŋá ítɔ̃yâ tua-pere-ŋai maa marê kɛ̀ɛ kɛi. Ŋá lòno é pîlaŋ m̀ɛnii ma ḿve kɛ́ ní a gɔ́lɔŋɔɔi. Ŋá lòno é pîlaŋ mɛni maa pɔlɔ-pɔlɔɔ-ŋa dîa nyii ḿva târe zui.

Zôo 5:9

Kúfa târe gili-ŋa tɛ̂i mɛni kpaya-kpaya-ŋai su Ɣâla a gɛ̀i, ǹyaŋ ŋɔzugbɛrɛ-gbɛrɛ mɛni-ŋai kóyaŋ fé ma.

Wule-woo-ŋa 139:6

Ítareɛ̂ɛi ḿaa mɛ̂ni kélee su, ḿva táre zui.

Wule-woo-ŋa 145:3

Yâwɛɛ kɛ̂tɛi, ǹyaŋ gáa a sɛŋ kú laa maa tɛ́ kɛ́tɛ tɛ́ɛ ƃɔ́. Ŋɔkɛ́tɛ-laai tɛɛ̂i kú mɛni ŋá káai ma.

Wule-woo-ŋa 77:19

Í sìa ǹyá ɣîliŋ su, í ǹyúo siŋɔɔi tíyeŋ, kɛ́lɛ núu da fé íkɔɔ pɔɔ káa ní.

Táre-woo-ŋa 30:4

Gbɛ̂ɛ ƃé tɛ̀ Ɣâla-taa é pá pôlui? Gbɛ̂ɛ ƃa vãai sôŋ a ǹyée? Gbɛ̂ɛ ƃa Yúo maa kpîniŋ a seɣe? Gbɛ̂ɛ ƃa ǹɔii kóyaŋ lɛ́? Ǹáa ƃa gbɛ̂ɛ? Ǹóŋ láa ƃa gbɛ̂ɛ? Tɔ̃yâ ma í gɔ́lɔŋ.

Ikilisiati 3:11

A m̀ɛni-ŋai kélee kɛ̀ a ǹɛ́lɛɛ díkɛ tãi ma. A tínaa tuɛ-pere mɛni kɔ́lɔŋɔɔ maa târe lɛ́ kûa. Kɛ́lɛ núu-kpune fa pɔ̂ri kili-ŋa pôno lɛ́lɛɛ tɛɛ̂i é pîlaŋ m̀ɛnii ma ǹyaa Ɣâla a gɛ̂i é kúla gɔ́ɔ pîlanii é tóo sâa ma.

Ikilisiati 7:24

Núu da fa pɔ̂ri târei ɣéniɛ mɛni kélee su. Ɣéniɛ mɛni su siŋɔɔ̂i, ŋ̀á kâai kpanaŋɔɔ.

Azaya 40:28

Ífe niî gɔ́lɔŋ ní? Ífe niî m̀ɛni ní a gɛ́ɛ Yâwɛɛ ƃa ŋ̀wɔ́lɔ-wɔlɔ Ɣalai? Ǹyaa ƃé ŋ̀éniɛi kpɛ̀tɛ. Víi fa kpɛ̂ɛ kpaa máŋ é fôa. Núu da fa târe ŋɔkili-ŋa sîai su.

Maafîu 11:27

Nàŋ-nuui a sɛŋ kélee tɛ́ɛ ḿbɔ. Núu da fé Nòŋ-nuui kɔ́lɔŋ fɛ̂ɛ Nàŋ-nuui, kpaa máŋ núu da fé Nàŋ-nuui kɔ́lɔŋ fɛ̂ɛ Nòŋ-nuui, bɛlɛɛ ǹúui ma nyii Nòŋ-nuui a zìɣe a gɛɛ é ǹɛ́ mài.

Lomaŋ 11:33

Óo Ɣâla ŋɔtárei da ŋɔmɛni kɔlɔŋɔɔi nyíi-ŋai dísiŋɔɔ̂i dítɔɔ-laai sui! Berei káa ŋɔmɛni ŋa-teɛɛ-ŋai kúfa pɔ̂ri maa-kɔrii la da ŋɔpere-ŋai nyíi dɛɛi kúkili-ŋa-siai mai!

Kɔleŋtiɛŋ Maa-ŋuŋ 2:10

Ɣâla a gélee lɛ́ kûa M̀ɔlêŋ sârai. Kpɛ́ni fêi, M̀ɔlêŋ a sɛŋ kélee kɔ̀ri é tóo máŋ Ɣâla ŋɔtárei kpóŋ seêi ma.

Kɔleŋtiɛŋ Maa-ŋuŋ 2:16

“Kpɛ́ni fêi, gbɛ̂ɛ ƃe Kúnuu-namui kíli ŋá mɛni kɔ́lɔŋ a gɛ́ɛ é mɛni lɛ́ mà?” Kɛ́lɛ, Kôrai ŋɔkili-ŋa-siai káa kúyêei.

Ifisiɛŋ 3:8

Ɣâla è m̀ɛlɛ-seei ŋí tɛ̀ɛ ḿbɔ a gɛ́ɛ ŋá Kôrai ŋɔtɔɔ-laai maa-mɛni ƃo Zɛ̃tai-ŋai dîa, nyíi dɛɛ̂i kúkili-ŋa-siai mai, berei máŋ ŋ́gaa la a Ɣâla ŋɔnûai kélee dídoo-mui.