Zôo 11:18 - Ŋ̀âla Kɔlɔ Maa Waai

¹⁸ Yao da kélee fé pâi kɛ̂i ŋɔ́nɔ íkɛ̀-ɣeniɛi su, kili-kɛ-zu a pâi kɛ̂i íyêei. Ɣâla a pâi ímaa kɔ̃ɔ̂i ífe pâi yaôi. Ya pâi ífii tɔɔ̂i.

Zôo 11:18 ပူးပေါင်းရင်းမြစ်များ

Zôo 11:17

Vólo-leŋ a pâi pîlanii íkɛ̀-ɣeniɛi ma yɛ̂ɛ fólo tɛ́ɛ ŋuŋ ma fòlo. Ǹyaŋ m̀ɛni-kpɔ̂luɔɔi nyii gáa íkɛ̀ ɣéniɛi sui, maa a pâi fáleni yɛ̂ɛ kpíni a pène a ɣele-ƃɔɔ.

Zôo 11:19

Sɛŋ-da fé pâi ímaa yaôi. Núu támaa a pâi é ǹyée sée íŋɛi.

Zôo 6:11

Wála-wala-laa fé ŋɔ́nɔ ńyêei a gɛɛ ŋá kɛ́ ɣele ma. Mɛni ma, lé mɛni ƃé ŋa pâi ńii maa sonîi la tãi kili-kɛ-zu fé ŋɔ́nɔ ńyêei tínaa tuɛ-pere mɛni mai.

Zôo 7:6

Ŋá kɛ̀ ɣéniɛi a tɛɛ̂i a maa félaa yɛ̂ɛ berei seɣe pala-nuu a ŋɔkenai tɛ̀ɛ la a maa félaai. Ŋá ɣele kûui káa tɛɛ̂i a maa félaa. Kɛ ɣéniɛ maa kili kɛ-zu fé ŋɔ́nɔ ńyêei.

Wule-woo-ŋa 127:2

Núu kɛ́ɛ mu siɣêi a ɣele ƃɔ̂i, é lɛ́ɛ tíi kɛ̂i kpíni é pɛ́lɛ ŋɔkɛ ɣéniɛi kɛ́ mɛni ma, káa nɔ́ kpɛ́ni-kpɛni, kpɛ́ni fêi, diai Yâwɛɛ è díwɛli-nii, zãâi ǹɛ̂lɛɛi dímɛni mai, a dɛ̀ɛ dípɔ a tãi da kɛ̂ nyîi lai.

Wule-woo-ŋa 3:5

Ŋà làa ŋá nyìi, ɣele a ƃɔ̀, ŋa ŋ́ɛi lá ƃò ŋa ḿû sîɣe ŋɔ́nɔ, kpɛ́ni fêi, Yâwɛɛ a ḿɛi kâai.

Wule-woo-ŋa 4:8

Ŋa pâi lâai ŋá nyíi lii-see su. Óo Yâwɛɛ, yá tɔnɔ nɔ́ ƃa gɛ̀ ŋ́gɛ ƃò ŋuŋ ma ƃô su.

Wule-woo-ŋa 43:5

Ŋa malôŋ see ƃôi a ŋ̀ánaa lé mɛni ma? Ńii a kɔ kɔ̂i lé mɛni ma? Ŋa pâi ŋ́gili tɔɔ̂i Ɣâla ma ŋá ǹáa ma tɛ́ ŋɔ́nɔ. Ǹyaa ƃa ŋ́uŋ ma ƃó-nuui da Ŋáɣâlai.

Táre-woo-ŋa 14:32

Ŋ̀wana-lɔ̂ɔ-nuui ŋɔŋwana-lɔ̂ɔ-tuai a ǹyée mɛi ɣâle, kɛ́lɛ tɔ̃yâ-nuu ŋɔtɔ̃yâ-tuai a maa kɔ̃ɔ.

Kolasiɛŋ 1:27

Ɣâla è gbɛ̀tɛ gíli ŋá a gɛ́ɛ é ǹɛ́ berei noo-mɛnii ŋí ŋɔtɔɔ-laai da ŋɔfólo-laai kɛ́tɛ̂i la Zɛ̃tai-ŋai sama, nyíi gáa a Kôrai kákponôi. Ǹyaa ƃa volo-laai maa-kili-kɛ-zui.