Zôo 10:9 - Ŋ̀âla Kɔlɔ Maa Waai

⁹ Ɣâla, kɛ́ a gɔ́lɔŋɔɔ a gɛɛ í ŋ́gbɛ̀tɛ a pɔ̂rɔ. Ya pâi ŋɔ́nɔ ḿvũa-fũai yɛ̂ɛ pɔ̂rɔ?

Zôo 10:9 ပူးပေါင်းရင်းမြစ်များ

Zɛnɛse 2:7

Nya ƃe Yâwɛɛ Ɣâla è pɔ̂rɔ sìɣe ǹɔii ma é núu-kpune kpɛtɛ la, é vúlu-laa lɛwoi pú zũai. Nya ƃe núu-kpune è kɛ̀ a vúlu.

Zɛnɛse 3:19

Ƃa pâi fɔ́nɔ fâyai í lɛ́ɛ pâi íkɔnɔŋ sɔlɔ ƃôi, é lɛ́ɛ la zu í lí pôlu ǹɔii pɔ́. Kpɛ́ni fêi, naa ƃé í kùla naa. Íkaa a pɔ̂rɔ, ǹyaŋ ƃa pâi liî pôlu pɔ̂rɔ pɔ́.”

Zôo 10:10

Ífe gɛ́-ni ńee é ḿaa kôo siɣe, é ƃɔlɔ é lɛ́ɛ la zu ḿaa sɔlɔ ƃó tãi é seri?

Zôo 17:14

Ŋa pâi môi m̀olôŋ ma ńyɛɛi, ‘Ƃolôŋ, íkaa nɔ́ yɛ̂ɛ ńâŋ.’ Ŋá mó gbeli-ŋai dîa ńyɛɛ, ‘Kpeli-ŋa, kákaa nɔ́ yɛ̂ɛ ńee da ńzaaƃɔlɔ-nɛyaa.’

Zôo 33:6

Ye gáa, kwaa yá kúkaa nɔ́ tɔnɔɔ. Ɣâla è kúfeerɛ kúkpɛ̀tɛ a pɔ̂rɔ.

Zôo 34:15

gɛ̀ ní fúlu-sɛŋ kélee a pâi saâi a ɣele tɔ̂nɔ, núu-kpune máŋ é sáa é kɛ́ pôlu a pɔ̂rɔ.

Zôo 4:19

gɛ̀ ní a pɔ̂ri lâai a núu-kpune nyii è gbɛ̀tɛ a pɔ̂rɔi, nyii è gbɛ̀tɛ a muluŋ, nyii ƃa gìiŋ a sâa a maa félaa yɛ̂ɛ núu a gôi-gono kîiŋ?

Zôo 7:21

Lé ƃé ífa íyee sèe ŋá pɔara mɛni mai mu, í nia ŋá mɛni nyɔ́mɔɔi mai? Ŋuŋ-la a pá pilîi tãi kpua yée mu. Ya pâi ŋ́gɔ̂rii a ŋ̀ánaa kɛ́lɛ fé pâi ŋɔ́nɔ kɛ̂i naa.”

Zôo 7:7

“Óo Ɣâla, é lɛ́ɛ íkili-ŋa a gɛɛ ŋáfulu-laai káa nɔ́ yɛ̂ɛ fãa. Ḿve ŋɔ́nɔ pâi koi-nɛ̃ɛ kulâi a dɔnɔ kpîŋ.

Wule-woo-ŋa 103:14

È kúkpɛtɛ-pere kɔ́lɔŋ. È gɔ́lɔŋ a gɛɛ kúkaa nɔ́ a pɔ̂rɔ.

Wule-woo-ŋa 104:29

Yà íŋɛi lòo dîa, dílii a tôo pôlu dí yao. Ya dílɛ̂wo kùla díkponôi, da sâa, dí lene pôlu bɔ̂rɔi pɔ́.

Wule-woo-ŋa 106:4

Yâwɛɛ, yà kɛ̀ kpɔnîi ínûai dîa, ḿaa mɛni kíli é lɛ́ɛ íkili ŋá. Yà kɛ̀ díŋuŋ ma ƃôi, ŋ́gɛ a díta,

Wule-woo-ŋa 22:15

Ŋ́gɔŋ lá kpâlai yɛ̂ɛ ŋɔŋ ŋá leɣi folo. Ńɛŋ kánaŋɔɔ ŋ́gâno mu. Ya gɛ́ saa a lɛɣɛ a ńyãa.

Wule-woo-ŋa 25:18

Ŋá mɛni kpɔ̂lui da ŋá lii too pôlu káa, í ńzu mɛni lɛɛ zɔnyɔ̂ŋ-ŋai mɛ̂ni ma ŋa gɛ̀i.

Wule-woo-ŋa 78:39

È gɔ̀lɔŋ a gɛɛ díkaa nɔ́ a núu-kpune-ŋa. Díkaa nɔ́ yɛ̂ɛ fãa nyii a tɛ̀ɛ va ŋɔ́nɔ lène pôlui.

Wule-woo-ŋa 89:47

Gɔ́lɔŋ a gɛɛ ŋáfulu-laai su fé ŋɔ́nɔ kôyaa ní. Í kú kpɛ̀tɛ, kɛ́lɛ kú kɛ̀ ɣeniɛi káa nɔ́ kpɛ́ni-kpɛni.

Wule-woo-ŋa 90:3

Ya gɛ̀ núu-kpune é lí pôlu bɔ̂rɔi pɔ́, yɛ̂ mai, “Óo núu-kpune, lí pôlu bɔ̂rɔi pɔ́!”

Ikilisiati 12:7

Bɔ̂rɔi a pâi liî bɔ̂rɔi pɔ́, m̀ɔlêŋ é lí Ɣâla pɔ́ nyii dɛ̀ɛi.

Azaya 45:9

Kpalo-ƃelaâi ǹúui ma a tɔ̂ɔ gbɛtɛ nûu lai. Íkaa nɔ́ yɛ̂ɛ pɔ̂rɔ-leɣi. Pɔ̂rɔ-leɣe fa mò gbɛtɛ nuu ma ǹyɛɛi, “Ya ŋ́gɛtɛ-pere kɛ̂i léŋ tí?” Pɔ̂rɔ-leɣi a pɔ̂ri m̀ôi ǹyɛɛ gbɛtɛ nuu fé yɛrɛ ní?

Azaya 64:7

Núu da fé naa a gɛɛ é tínaŋ ípɔ naa pêre, é ífɛli. Núu da fé naa é pá ípɔ naa a gɛɛ íkpɔŋ-mâ tɛɛ bɔ́. Ya íŋɛi lóo kûa, ya ípôlu tɔɔ kûa, kpɛ́ni fêi kwa sɔnyɔ̂ŋ kɛ́ a yá.

Azaya 64:8

Kɛ́lɛ, óo Yâwɛɛ, yá nɔ́ ƃa Kúnâŋ. Kúkaa yɛ̂ɛ leɣi-pɔ̂rɔ, ǹyaŋ yá ƃa ǹeɣi-tɔɔ nûui. Yá ƃé kúkpɛ̀tɛ.

Zɛlemaya 18:6

“Pɔri ḿâ fé ḿî a gɛɛ ŋátûa a Eezuɛ-ƃela yɛ̂ɛ berei ǹeɣi-tɔɔ-nuui a tûai la a ǹeɣi pɔ̂rɔi? Kákaa nɔ́ ńyee-ŋa yɛ̂ɛ berei tí ǹeɣi pɔ̂rɔi káa la ǹeɣi-tɔɔ-nuui yêei.

Lomaŋ 9:21

Wala-wala káa leɣi-tɔɔ-nuu yêei ŋɔleɣi-pɔrɔi mɛi, a gɛ́ɛ e da tɔɔ a ǹɛ́lɛɛ e da tɔɔ gɔ kpaaŋ tee mɛni ma a neɣi-pɔrɔ tɔnɔi ti, Kɛrɛ̂e?

Kɔleŋtiɛŋ Veerɛi 4:7

Kɛ́lɛ, dɔɔ-sɛŋ ŋí káa kúyêei pɔrɔ-leɣi su, nyíi a nɛ̀ a gɛ́ɛ ŋwála-wala su-kɛ́tɛi ŋí fa kûla kúyêei, kɛ́lɛ, a kûla Ɣâla yêei.