Zôo 1:3 - Ŋ̀âla Kɔlɔ Maa Waai

³ Núu da fé kɛ́ ní a dɔ̂ɔ é seri Zôo pɔ́ nyii kɛ̀ Eezuɛ-lɔii ŋɔfólo kulâi pere. Ƃála wála lɔ́ɔlu mɛi feerɛ (7,000) da soo-fáleŋ wála saaƃa (3,000) da tíi-kɛ-niŋa sirɛ wála tɔnɔ (1,000) é pɛ́lɛ wɛlɛ-sôo ŋuŋ lɔ́ɔlu (500) ma. Nalôŋ ŋí yée-mu-ƃelai díwɔlɔ kɛ̀ kpɔ́ a dítamaa pólo-polo.

Zôo 1:3 ပူးပေါင်းရင်းမြစ်များ

Zɛnɛse 12:16

Gâloŋ è ǹyée sèe Eberaŋ mu a ǹɛ́lɛɛ ŋɔnɛnîi sârai. È ƃála tɛ̀ɛ bɔ́, niŋa, soo-sirɛ-ŋa, tíi kɛ́-sinaa, tíi kɛ-nɛyaa, soo-saa-ŋa da soo-fáleŋ-ŋa.

Zɛnɛse 12:5

Nya ƃe Eberaŋ è ŋɔnɛnîi Serai sìɣe, da ǹîa lóŋ La, da díkɔ̃liŋ kélee nyii-ŋai dí zɔlɔ ƃô Araŋ, é pɛ́lɛ ǹûai kélee dîa kɛ̀ díyêei, dí Keena lɔii su-siai kúla, dí seri naa.

Zɛnɛse 13:6

Ǹɔii fé kɛ́ ní a gɛ́tɛ a gɛɛ dífeerɛ dí sée ma. Kpɛ́ni fêi, díkɔ̃liŋ è kɛ̀ a dámaa a sɛŋ dífa pɔ̂ri seêi kwaa tɔnɔ ma.

Zɛnɛse 24:35

Yâwɛɛ a lûwa láa ḿɛi-nuui ŋí ma a zu kɛ́tɛ, a kɛ́ a núu kɛ́tɛ. A ƃála suu tɛɛ bɔ́ da taa-tulɛ támaa. A sɛŋ-kao támaa tɛ́ɛ bɔ́ da gôo, da yée mu-sinaa támaa, é pɛ́lɛ yée mu-nɛyaa dîa, soo-fáleŋ-ŋa da wɛlɛ-sôo-ŋa.

Zɛnɛse 25:6

Kɛ́lɛ Eberaɣɛ̃ɛ è sama-sãa tɛ̀ɛ nɔ́ ŋɔnɛnî gbeli-ŋai dílônii pɔ́ é díkula ǹóŋ Aise kɔlɛ a tãi Eberaɣɛ̃ɛ è kɛ̀ niî la ɣele mai, é dítɛɛ vóloi ƃelai-pere lɔii su.

Zɛnɛse 29:1

Nya ƃe Zeeka è ŋɔsiai kûla é seri vóloi ƃelai-pere.

Zɛnɛse 32:14

È ƃoli-saa ŋuŋ feerɛ (200) sìɣe, ƃoli-sirɛ buu feerɛ, ƃála-saa ŋuŋ feerɛ (200) da ƃála-sirɛ buu feerɛ,

Zɛnɛse 34:23

À kɛ̀ kwà fàa a gɛɛ kwa dîa-ni kú sée kúlɔii su, gɛ̀ ní díƃala-ŋai, díkɔ̃liŋ da dítaa-tulɛ-ŋai kélee da pâi kɛ̂i a kúpɔɔ.”

Samia Veerɛi 12:2

Taa-tulɛ támaa è kɛ̀ dɔɔ-nuui yêei.

Kâloŋ Maa-ŋuŋ 4:30

Saloma è kɛ̀ a dáreɛɛ é tɛ́ɛ vóloi kulâi-perei tare-ƃelai dîa, Ize tare-ƃelai da ǹúu da kpɛ́ni-ŋai kélee dîa kɛ̀ ŋ̀éniɛi sui.

Kâloŋ Veerɛi 15:20

Minaŋɛŋ è zɛŋ kâoi ŋí kélee kùla Eezuɛ lɔii su. È ŋ̀óo tɛ̀ɛ Eezuɛ lɔii su gwaa kélee a gɛɛ dɔɔ-ƃelai kélee dí sɛŋ kâo kole kpua-kpua buu lɔ́ɔlu tɛ́ɛ é bú gîe ma, é dɛ́ɛ Asiria kaloŋ pɔ́. Tãi dɔɔ-ƃelai dí zɛŋ kâoi ŋí tɛ̀ɛ lai, Minaŋɛŋ è gélee pù gîe ma é dɛ́ɛ. Naa pôlu ma, Gâloŋ Tigila Pileza è ŋɔkɔ-kuluƃa-ŋai sìɣe dí kúla Eezuɛ lɔii su.

Kâloŋ Veerɛi 3:4

Môa lɔii è kɛ̀ Eezuɛ yée mu. Môa Kaloŋ Misa è kɛ̀ ƃála tɔɔ̂i, ǹyaŋ kóraŋ kélee a kâa ƃála-loŋ wála ŋuŋ tɔ̂nɔ (100,000) tɛ̀ɛ Eezuɛ kaloŋ pɔ́ da ƃála sîrɛ wála ŋuŋ tɔ̂nɔ (100,000) leɣa a ŋuŋ fela-fei.

Kɔlɔnikɔ Veerɛi 26:10

È yeŋkêŋ-ŋa tɔ̀ɔ máŋ vɛ̃ɛ-kpâlaŋ su é lóa-ŋa tée yá soŋ mɛni ma, kpɛ́ni fêi, taa-tulɛ támaa è kɛ̀ ǹyêei ǹyéei kwára da diŋ-tiŋ su. Ǹûai díkɛ̀ ǹyéei-ŋa díkɛ tíi kɛ̀ mì gbâlaŋ-ŋa da gbɔmɔ-ƃa kpalaŋ ŋá nyii-ŋai kɛ̀ ǹyéei mai da ǹɔii lɛ́lɛɛi mai. È kɛ̀ a núu nyíi kɛ̀ a ǹɔii wɛ́liɛɛi.

Kɔlɔnikɔ Veerɛi 32:29

È kpânaŋ-ŋa pu é ƃála da niŋa kpulu támaa sɔlɔ ƃo. Kpɛni fêi Ɣâla è tɔɔ-sãa támaa tɛɛ bɔ.

Zôo 1:10

Ya Zôo da ŋɔnûai dí gɔ̃liŋ kélee mɛi kâai. Ya lûwa láa m̀ɛnii kélee ma nyii a gɛ̂i. Ya gɛ́ ŋɔtaa-tulɛ-ŋai da poo da ǹɔii láa fɛ́ɛ.

Zôo 1:4

Zôo ǹônii sinaai da kâa kɛ̀ kúu kɛ̂i dí pɛ́rɛ-ŋai lá tɛi-tɛi. Tãi da kâa kɛ̀ gúu-ŋai ŋí kɛ̂i lai, da kâa dísaaƃɔlɔ saaƃai tòli naa a gɛɛ dí dílaa míi, díkpele-sãa kpele gîe ma.

Zôo 21:28

Ká mare kɛ̂ɛ kɛ̀ kâai, ‘Ŋ̀wana-lɔ̂ɔ kaloŋ tí ŋɔpɛ́rɛi kɔɔ?’

Zôo 29:25

Ńyãa ƃé kɛ̀ a dílaa túɛ-nuu ŋ́gɛ díteniŋ tɔ̀ɔ. Ŋá kɛ̀ dísama yɛ̂ɛ kâloŋ ƃé ŋɔkɔ-kuluƃa-ŋai sáma, ŋ́gɛ díŋa-nɛnɛ yɛ̂ɛ núu à kɛ̀ saa wɔ̂lɔ kɛ́-ƃela ŋánɛnɛ̂i.”

Zôo 31:25

kpaa máŋ ŋá yoŋka tée ŋá tɔɔ-sãai mɛni ma kpɛ́ni fêi ŋa sɛŋ támaa sɔlɔ ƃó.

Zôo 31:37

Ŋâi pà m̀ɛni-ŋai ŋá gɛ̀i, gélee ŋá lɛ̂i mà. Ŋâi pà lônoi bɔ́ yɛ̂ɛ kâloŋ nyii zɔŋ fé m̀ɛnii su.

Zôo 42:10

Zôo kɛ́ɛ a kpɛɛ a Ɣâla fɛliɛɛ m̀arâai mɛ̂ni mai, Yâwɛɛ è nâa gɛ̀ a tɔɔ-nuu é ŋɔsãai kélee pɔɔ-ŋa tôo tɛɛ bɔ́ feerɛ-feerɛ.

Zôo 42:12

Nya ƃe Yâwɛɛ è lûwa làa Zôo ŋɔɣéniɛi gbɛɛ-ŋai ma é tɛ́ɛ duɛ-tuɛi ma. Zôo ŋɔtaa-tulɛ-ŋai dí nâa kɛ̀ a ƃála wála puu kao náaŋ (14,000), soo-fáleŋ wála lɔ́ɔlu mɛi da (6,000), da tíi kɛ́-niŋa sirɛ wála feerɛ (2,000), é pɛ́lɛ wɛlɛ-sôo wála tɔnɔ (1,000) ma.

Táre-woo-ŋa 10:22

Ɣâla Yâwɛɛ ŋɔlûwai ƃa pâ a tɔɔ-laa, kɛ́lɛ tíi kpanaŋ kɛ́ɛ fêi da mɔ̃lɛ-laa.

Zɛlemaya 49:28

M̀ɛnii ŋí ƃé Yâwɛɛ è mò é pîlaŋ Kedɛ sii-ŋai da Azɔ kpiniŋ ma, nyíi Babelɔŋ kaloŋ Nɛbukinaza è wɔ́lɔ ǹaa sòŋ ma. “Kɔ́ pɛ́lɛ Kedɛ-ƃelai dîa í dísîi su-kara. Ǹûai ŋí seɛ́ɛ káa vóloi kulâi-pere.

Nɔŋba 23:7

Nya ƃe Bâlaŋ è ŋ̀óo-ŋai ŋí ƃò ǹyɛɛi, “Môa kaloŋ Bâla è ŋ́gula, Siria vóloi-kulai pere yee-ŋai ma. Ǹyɛɛ mâ, ‘Pa í Zeeka fóo ḿî. Pá í kpalo ƃéla Eezuɛ-ŋai dîa.’

M̀ɛni-sâa Ƃó-ƃelai 6:3

Eezuɛ-ŋai da kâa sí-sãa sì, Midiɛŋ-ŋai, Amɛlɛka-ŋai da ǹûai kùla vóloi kulâi-pere da pâ dí kɔ́ pɛ́lɛ dîa.

M̀ɛni-sâa Ƃó-ƃelai 6:5

Da kâa kɛ̀ pâi, da pâ a díkpulu kɛ́tɛ yɛ̂ɛ gotó-ŋa. Da kâa pà a dítaa tulɛ-ŋai kélee da díƃûu-ŋai. Núu da fa kâa pɔri dílônii da dísoo-fáleŋ-ŋai lônoi. Dí Eezuɛ lɔii su kàra kpɔ́ a dámaa.

M̀ɛni-sâa Ƃó-ƃelai 7:12

Midiɛŋ-ŋai, Amɛlɛka-ŋai da vɛ̃ɛ-kpâlaŋ su nuu suui su-ƃelai díkɛ̀ a dítaa-taa diŋ-tiŋ su yɛ̂ɛ gotó-ŋa. Dísoo-fáleŋ-ŋai díkɛ̀ kpɔ́ a dítamaa yɛ̂ɛ yúo ma ŋãya.

M̀ɛni-sâa Ƃó-ƃelai 8:10

Zeƃa, Zamuna da díkɔ-kuluƃa-ŋai díkɛ̀ Kákɔ taai su. Vóloi kulâi-pere vɛ̃ɛ-kpâlaŋ su nuu suui díkɔ-kuluƃa-ŋai dílɛ̀ɛ a núu wála puu káo lɔ́ɔlu (15,000). Midiɛŋ kɔ-kuluƃa-ŋai Eezuɛ kɔ-kuluƃa-ŋai dí dípàai díkɛ̀ a núu wála ŋuŋ tɔ̂nɔ pôlu buu feerɛ (120,000).

Samia Maa-ŋuŋ 25:2

Nya ƃe Deeƃé è ŋɔƃûui kòloŋ é lí la Paraŋ Fɛ̃ɛ-kpalaŋ su. Nalôŋ tɔnɔ è kɛ̀ Maɔŋ, ǹáa ƃé kɛ̀ a Neeba. Gɔ̃liŋ-ŋa díkɛ̀ Kamɛɛ Tiŋ-tiŋ kɔlɛ ma. Ƃála wála saaƃa è kɛ̀ ǹyêei da ƃoli wála tɔnɔ ma. Ƃála wála saaƃa (3,000) è kɛ̀ ǹyêei da ƃoli wála tɔnɔ (1,000). Ŋɔnɛnîi láa ƃé kɛ̀ a Aƃigee. Aƃigee è kɛ̀ a nɛnî lɛ́lɛɛ, dáreɛɛ. Kɛ́lɛ Neeƃɔ è kùla Kelɛ nuu suui su. Neeƃɔ è kɛ̀ a gomáa, ŋ̀ôyaa, dûa pere kpanaŋɔɔ ŋ̀ɛi kpálaa.

Samia Maa-ŋuŋ 27:9

Deeƃé da ŋɔkɔ́-kuluƃa-ŋai da kâa kɔ́ pɛ̀lɛ ǹûai ŋí dítaa-ŋai dîa, da kâa díƃala-ŋai, ǹiŋa-ŋai, ŋ̀wɛlɛ-sôo-ŋai, zoo-faleŋ-ŋai da díseɣe-ŋai kélee sìɣe diai da kâa kɛ̀ naai dí díkelee páa. Deeƃé a kâa kùla kpɔ́ nɔ́ too-maa kɛ̂i, a lì a gɛ́ɛ é Âke káa.