Zôo 1:20 - Ŋ̀âla Kɔlɔ Maa Waai

²⁰ Nya ƃe malôŋ è tòo Zôo ma è mù sìɣe é tɔ́ɔ é ŋɔseɣei fála ma, é ŋuŋ kálaŋ ma é pîlaŋ ŋ̀úme ŋá, é dôŋ-la pîlaŋ ǹɔii ma gɛ́ Ɣâla fɛ̀li.

Zôo 1:20 ပူးပေါင်းရင်းမြစ်များ

Zɛnɛse 37:29

Tãi Lubiŋ è lì la pôlu ǹóai lái, vé Zosɛ káa ní zui, è ŋɔseɣei fála a lii-soli.

Zɛnɛse 37:34

Nya ƃe Zeeka è ŋɔseɣei fâla é maloŋ too-maa seɣe tôo mà é wɔ́lɔ kpɔ́ ǹóŋ mɛni ma a ɣele kûu támaa.

Kâloŋ Veerɛi 2:12

Ilasa è nyíŋi kàa ǹyaŋ è wɔ̀lɔ a ɣelêi pere, “Ńâŋ! Ńâŋ! Eezuɛ ŋɔkɔ́-keleŋ da ŋɔsoo sia kpakolo-ŋai!” Ǹyaŋ Ilasa fé ŋɔ́nɔ Ilaiza káa ní. Nya ƃe è ŋɔseɣei kùla ma é vála.

Kɔlɔnikɔ Veerɛi 7:3

Tãi Eezuɛ-ŋai dí ŋɔŋ kâa la gɛ́ kùla Ɣâla-taai, dí ŋɔ́nɔ Yâwɛɛ ŋɔmaa-waa-laai kâa a Ŋ̀âla-pɛrɛ Kɛ́tɛi láa fɛ́ɛ, díkelee dí díkpeleŋ pìlaŋ ǹɔii ma dí díŋuŋ pîlaŋ ǹɔii ma díkɛ Ɣâla fɛ̀li, díkɛ sɛɣɛ fêi tɛ̀ɛ Yâwɛɛ pɔ́, díkɛ mò dîyɛɛi, “Zɔŋ lɛ̂lɛɛi, ŋɔwɛli-kɛ-maai káa naa wɔ́lɔ-wɔlɔ da wɔ́lɔ-wɔlɔ.”

Ɛzura 9:3

Tãi ŋá m̀ɛnii ŋí mɛ̀ni lai, ńii è tòo pôlu a ŋ̀ánaa. Nya ƃe ŋá ŋáseɣe fàla-fala ḿâ ŋá ŋ́uŋ lêɣa wêyeŋ, ŋá ńa-leɣa pú, ŋá sée ǹɔii ma a malôŋ-pere.

Zôo 1:19

Nya ƃe fãa kɛ́tɛ è kùla vɛ̃ɛ-kpâlaŋ su-pere é bɛ́rɛi wólo é pú dímɛi é díkelee kpúŋ páa. Ńyãa tɔnɔ nɔ́ ƃé kùla. Ŋá pà a gɛɛ ŋá mó yâ!”

Zôo 2:12

Dí kɛ́ɛ liî, dílɛ̀ɛ kwaa-koyaa ma dí Zôo káa kɛ́lɛ dífe gɔ́lɔŋ-ni kɛ̀ a dɔnɔ kpîŋ. Kɛ́lɛ tãi nâa dí lɛ̀ɣɛ lai dí gɔ́lɔŋ, dí nâa pɛ̀lɛ wɔ́lɔɔ ma a ɣelêi-pere. Dí díseɣe-ŋai fàla-fala. Díkɛ̀ muluŋ pilîi ŋ̀elei su díkɛ bù díŋua. Dí mɛni-ŋai ŋí kɛ̀ a gɛɛ dí berei lɛ́ Zôo malôŋ è kɛ̀ dísônii lai.

Ɛsedɔ 4:31

Ǹûai dí làa a mɛni-ŋai Eelɔŋ è m̀oi. Tãi dí mɛ̀ni la a gɛɛ Yâwɛɛ è Eezuɛ-ŋai nàa kàa lai a gɛɛ ŋɔ́nɔ a dímɛni-solii káai, dí díŋuŋ ma pìlaŋ dí Ɣâla fɛli.

Zɛlemaya 7:29

“Ka káŋuŋ ƃó ká káŋuŋ-leɣa pili. Ka wɔ́lɔ kpɔ́ ǹyée kpaya-kpayai dîa, kpɛ́ni fêi, Yâwɛɛ a ǹyée kúla ká mu, a bôlu tɔɔ kâa, káai a ǹúu-suui nyíi ǹíi ŋwânai kâai.

Zooɛ 2:13

Ka kálii su waa, kɛ́lɛ ká seɣe-ŋai fêi.” Ka tínaŋ Yâwɛɛ, Káɣâla pɔ́naa pere, kpɛ́ni fêi, zɔŋ lɛ̂lɛɛi gɛ́ núu malôŋ kàa. Va ǹíi ŋwàna a maa félaa ǹyaŋ ŋɔwɛli kɛ́-maai káa nɔ́ naa wɔ́lɔ-wɔlɔ, gɛ́ sɔnyɔ̂ŋ su mɛni lɛ̀ɛ.

Maafîu 26:39

Nya ƃe è zu kùla dîa é lí a guro, é ŋ̀uŋ mâ pîlaŋ é Ɣâla fɛli, ǹyɛɛi, “Ńâŋ, à kɛ̀ pɔ̂ri à kɛ̀ naa, nɛ̀ɛ naa gbele-kɔɛi ŋí é tɛ́ɛ ḿâ. Kɛ́lɛ, ńîa-mɛni fêi fɛ̂ɛ ínîa-mɛnii é kɛ́.”

Dutɛrɔnome 9:18

Ŋá tòo ǹɔii ma Yâwɛɛ ŋɛ́i-tuɛ ŋá gɛ́ naa a fólo kûu buu náaŋ da kpíni kûu buu náaŋ. Fé Ńaa mii ní, fé tela yá kpele ní. Ŋá gɛ̀ tí zɔnyɔ̂ŋ-ŋai ká gɛ̀ lai gélee mɛni ma.

Zasua 7:6

Nya ƃe Zasua da ǹúu ŋuŋ túɛ-ƃelai kɛ́ Eezuɛ dí díseɣe-ŋai fàla dí luu pú díŋûa dí tóo ǹɔii ma Yâwɛɛ Ŋɔkono-têe gãlai ŋɛ́i túɛ é lɛ́ɛ la zu ɣele wulii é kɛ́.

Pitɛ Maa-ŋuŋ 5:6

M̀ɛni ma ka kákpîŋ maa yéŋ Ɣâla yée wâla-walai mu a gɛɛ tãi à sèri é kámaa tɛ́.