Zôo 1:16 - Ŋ̀âla Kɔlɔ Maa Waai

¹⁶ È lɛ̀ɛ nɔ́ pâi ŋ̀óo-ŋuŋ lâai gélai dɔnɔ kɛ́ ŋɔ́nɔ pà ǹyɛɛ mai, “Ŋ̀ele-gbana è tòo kpɔ́ kûa é m̀ála-ŋai da dímɛi káa-ƃelai kélee kpúŋ páa, ńyãa tɔnɔ nɔ́ ƃé lɛ̀ɛ a gɛɛ ŋá pá ŋá mó yâ!”

Zôo 1:16 ပူးပေါင်းရင်းမြစ်များ

Zɛnɛse 19:24

Nya ƃe Yâwɛɛ è Sodɔŋ da Gomora su kâra a kɔni-fãa da ŋɔŋ nyii-ŋai kùla ŋ̀élei sui.

Kâloŋ Maa-ŋuŋ 18:38

Nya ƃe Yâwɛɛ ŋɔŋɔŋ è kùla ŋ̀elei su é tóo, é zâla-sɛŋ kéreŋ gɔi da gɔni-ŋai é tóo ǹɔii ma è ǹyái kpála nyíi kɛ̀ a dínaŋɔɔ ŋ̀âla-teƃelei mai.

Kâloŋ Veerɛi 1:10

Ilaiza è gɔ-kuluƃa-ŋai mɛi-nuui wóo su tòo ǹyɛɛ mai, “À kɛ̀ ŋ́gaa a Ɣâla-naloŋ, ŋɔŋ é kúla Ɣâla-taa é tóo yâ ka íkɔ-kuluƃa buu lɔ́ɔlui é ká kéreŋ.” Nya ƃe ŋɔŋ è kùla Ɣâla-taa, é tóo gɔ-kuluƃa-ŋai mɛi-nuui ma da ŋɔkpakolo-ŋai dîa é dí kéreŋ.

Kâloŋ Veerɛi 1:12

Ilaiza è zu tòo, “À kɛ̀ ŋ́gaa a Ɣâla-naloŋ, ŋɔŋ é kúla Ɣâla-taa é tóo yâ ka í kpakolo-ŋai é kákereŋ!” Nya ƃe ŋɔŋ è kùla Ɣâla-taa é tóo gɔkuluƃa-ŋai mɛi-nuui ma da ŋɔkpakolo-ŋai é díkereŋ.

Kâloŋ Veerɛi 1:14

Ƃɛ́ káa, ŋɔŋ è kùla ŋ̀elei su Ɣâla-taa é gɔ-kuluƃa-ŋai mɛi-ƃela feerɛi kéreŋ da dí kɔ-kuluƃa-ŋai kélee. Kɛ́lɛ kú malôŋ káa íku-fulu-laai lɛ́ɛ kúyêei!”

Wule-woo-ŋa 45:3

Íƃoa-sɔkpɔi tóo íleŋei, gâloŋ wála-walaai. Ímu wuyɛ̂ɛi, ƃaa kɛ́-maa kɛ́ ƃò yâ.

Ɛsedɔ 9:28

Yâwɛɛ kpera fé, kpɛ́ni fêi, ŋ̀ele-gbanai da zãɔi dí su kɛ̂tɛi kú mɛni ma. Ŋa pâi kálɛɛ̂i naa ká lí, káfe pâi ŋɔ́nɔ lɛɛ̂i ƃɛ́.”

Levetekɔ 10:2

Ǹyaŋ Yâwɛɛ è ŋɔŋ tɛ̀ɛ é díkereŋ dí sàa kpɔ́ nɔ́ naa Yâwɛɛ ŋɛ́i-tuɛ.

Levetekɔ 9:24

Nya ƃe ŋɔŋ è kùla Yâwɛɛ yêei é zama-sɛŋ kéreŋ da zua wulɔi nyii kɛ̀ teƃelei ŋái. Ǹyaŋ tãi ǹûai dí m̀ɛnii ŋí naa kàa lai, dí làɣi a zu kɛ́tɛ, dí díŋuŋ maa pîlaŋ ǹɔii ma.

Emɔ 7:4

Ŋá ŋɔ́nɔ zĩ̂a da kpɛ́ni kàa. Zĩai ŋí su, Ɣâla Yâwɛɛ è ŋɔŋ tɛ̂ɛ a mɛni ŋá-téɛɛ, ǹyaŋ ŋɔŋ è ǹya-loa-ŋai kélee kpàla, ǹyaŋ eêi pɔ̂ri ǹɔii kérenîi.

M̀ɛni-lɛɛi 13:13

A ŋɛi-kɛ-maa kɛ́tɛ kɛ̀. Gɛ́ ŋɔŋ kɛ̂ máŋ a gɛɛ é kúla Ɣâla-taa é pá ǹɔii ma núu-kpune ŋɛi-tuɛ.

Samia Maa-ŋuŋ 14:15

Felesia kɔ kɔ́-ƃelai kɛ̀ ƃuui sui, díkelee kpɔ́ dí yào. Diai kɛ̀ m̀ûui mɛi kâai dí yào. Diai kɛ̀ galai ŋái dí yào, dîai lì too-maa kɛ̂i díkɛ wúlee. Nya ƃe Ɣâla è gɛ̀ ǹɔii é pɛ́lɛ kpɛ̃linii.