Zɛnɛse 7:9 - Ŋ̀âla Kɔlɔ Maa Waai

⁹ da Nôa-ni dí tɛ̀ géleŋ su feerɛ-feerɛ, zirɛ da záa, yɛ̂ɛ berei Ɣâla è mò la Nôa mai.

Zɛnɛse 7:9 ပူးပေါင်းရင်းမြစ်များ

Zɛnɛse 2:19

Nya ƃe Yâwɛɛ Ɣâla è sua sîi kélee kpɛ̀tɛ a pɔ̂rɔ da ŋɔni-ŋai é pá a dia nalôŋ pɔ́ a gɛɛ é gáa berei a pâi dílaa seêi lai. Ǹyaŋ ǹáai nalôŋ è fúlu-sɛŋ tɛi-tɛi kélee tòli lai, ǹáa ká kɛ̀ tí.

Zɛnɛse 6:22

Nôa è nyíŋi kɛ̀. È mɛni-ŋai kélee ŋàa-see kɛ̀ nyii-ŋai Ɣâla è mò ma a gɛɛ é gɛi.

Zɛnɛse 7:10

Ɣele kûu lɔ́ɔlu mɛi feerɛ tɛ́ɛ pôlu ma, ǹya-fɛɛ kɛ́tɛi è pà ǹɔii ma.

Zɛnɛse 7:15

Fúlu sãa sii kélee veerɛ-feerɛ dí tɛ̀ géleŋ su da Nôa-ni.

Zɛnɛse 7:16

Fúlu sãa kélee, zirɛ da záa dí tɛ̀ géleŋ su yɛ̂ɛ berei Ɣâla è mò la mai. Nya ƃe Yâwɛɛ è géleŋ lá tɛ̀.

Zɛnɛse 7:8

Zua maa waa-ŋai da nyii-ŋai dímaa fé waa níi, da ŋɔni-ŋai da ŋála sãai kélee ǹɔii mai,

Azaya 65:25

Lɔɔ-ɣîla-ŋa da ƃála-lônii-ŋa da pâi kɛ̂i dílaa miî gîe ma. Yala-sulu-ŋa da pâi kɛ̂i kala miî yɛ̂ɛ berei tí niŋa-ŋa da gɛ̀ lai. Kali-ŋa dífe ŋɔ́nɔ pâi kɛ̂i a sɛŋ nyɔ́mɔɔ. Sɛŋ-nyɔ́mɔɔ sîi da fé ŋɔ́nɔ pâi kɛ̂i ŋáyee-maa waai Zãiyɔŋ ma kpaa máŋ mɛni nyɔ́mɔɔ da.”

Zɛlemaya 8:7

Ŋɔni kɛ́ɛ yɛ̂ɛ kpála-ŋɔni, ya-ŋɔni, niŋa pôlu lɛŋkpɛŋ da ŋɔni nyíi a pâ gɛ́ lì tãi kpua yée mui, dí díkula tãi kɔ́lɔŋ. Kɛ́lɛ ŋánûai dífe Yâwɛɛ ŋɔtɔ̂ŋ kɔ́lɔŋ.

Galesiɛŋ 3:28

Zûu-nuu fé ŋɔ́nɔ ma kpaa máŋ Gurii, luɛ kpaa wɔ̂lɔ, surɔ̂ŋ kpaa nɛnî. Kpɛ́ni fêi, kákelee kákaa tɔnɔ Zîsɛ Kôrai kponôi.

Kolasiɛŋ 3:11

Zɛŋ kpɛtɛɛ ninai ŋí su ŋa-kɔlɛ-mɛni fé núu-sii kélee loai, a nɛ̃ɛ ma kpîŋ é kɛ́ a Gurii-nuu kpaa Zûu-nuu, núu seɛɛ kpono mâ kpaa ǹúui ve see-ní kpono mai, ŋɔ̃yâ, Satiaŋ-nuu, luɛ, da núu ŋuŋ ma ƃoɔɔ. Kɛ́lɛ, Kôrai ƃa gélee, gɛ ƃo gélee su.