Zɛnɛse 1:3 - Ŋ̀âla Kɔlɔ Maa Waai

³ Nya ƃe Ɣâla è mò ǹyɛɛ, “Tɔɔ kwaa é pono.” Ǹyaŋ kwaa è pòno.

Zɛnɛse 1:3 ပူးပေါင်းရင်းမြစ်များ

Zɛnɛse 2:4

Ŋelei da ǹɔii díkpɛtɛ-pere ká ŋí tãi Ɣâla è díkpɛ̀tɛ lai. Tãi Yâwɛɛ Ɣâla è ǹɔii da ŋ̀elei kpɛ̀tɛ lai,

Zôo 36:30

A gɛ̀ ŋ̀ele-gbana ŋɔkwaa ponoɔɔi kɛ́ tɛ̀ɛ ŋ̀elei su. A yúo mɛi pɛ̂lɛ mù-pere é kpíni.

Zôo 38:19

“Í ƃɛ́i kɔ́lɔŋ kwaa ponoɔɔ a kûla naai, kpaa máŋ ƃɛ́i kpíni a lî naai?

Wule-woo-ŋa 104:2

Ya ímaa tínaŋ a kwaa ponoɔɔ yɛ̂ɛ yokpo kole. Ya ŋ̀ele-kɔlɔŋ tɛ́ ɣelêi yɛ̂ɛ núu a kêre pìli ɣelêi.

Wule-woo-ŋa 118:27

Yâwɛɛ káa a Ɣâla. Zɔŋ lɛ̂lɛɛi kúmɛni ma. Ka gúui kɔ́ɔ pîlaŋ, ká tóu laa soŋ káyee ŋá ka kɛ̀ sìa, ka kɛ́ lì ŋ̀âla-teƃelei ma pere.

Wule-woo-ŋa 148:5

Tɔɔ díkelee dí Yâwɛɛ láa maa tɛ́, kpɛ́ni fêi, è sɛŋ kélee kpɛ̀tɛ a ŋ̀óo.

Wule-woo-ŋa 33:6

Yâwɛɛ è ŋ̀ele-kɔlɔŋ-ŋai kpɛ̂tɛ a ŋ̀óo, da dísu sãa kélee, vóloi, ŋ̀áloŋ da bɛmɛlɛŋ kao-ŋai.

Wule-woo-ŋa 33:9

È ŋ̀éniɛi kpɛ̀tɛ a ŋ̀óo. È lòno, ǹyaŋ m̀ɛni-ŋai kélee è m̀oi, ŋ̀aa-see è kɛ̀.

Wule-woo-ŋa 97:11

Yà sìa a dɔ̂ŋ wóo, íkɛ tɔ̃yâ mɛni kɛ̀, ya pâi kɛ̂i kwaa ponóɔɔ su, lii-see kɛ́ ƃò íyêei.

Azaya 45:7

Ńyãa ƃé kpíni da kwaa ponóɔɔ kpɛ̀tɛ. Ŋa lûwa làa nûa dîa, ŋ́gɛ mɛni kpɔ̂lu làa da-ŋa dîa. Ńyãa ƃa Yâwɛɛ. Ńyãa ƃa m̀ɛni-ŋai ŋí kɛ̀.

Azaya 60:19

“Vóloi fé ŋɔ́nɔ pâi kɛ̂i a íkwaa ponoɔɔi a ɣele-ƃɔ́ɔ, kpaa máŋ ŋáloŋ é kɛ́ a íkwaa ponoɔɔ a kpíni. Ńyãa Yâwɛɛ ƃé pâi kɛ̂i a íwɔlɔ-wɔlɔ kwaa ponoɔɔi. Ŋáfolo-laai ŋɔkwaa ponoɔɔi a pâi kɛ̂i fôloi yá.

Maafîu 8:3

Nya ƃe è ǹyée sãa é bɛlɛ mà, ǹyɛɛi, “Ŋa ŋ̀wɛ̂lii. Ƃálo.” Gbôdoi è kpɛ̀ɛ ma ŋ̀á má.

Zɔ̂ŋ 1:5

Gwaa-ponoɔi a fôlo gbínii su, ǹyaŋ gbínii fé tá ǹiîŋ ní.

Zɔ̂ŋ 1:9

Dɔ̃yâ kwaa-ponoɔi nyii a fôlo núu-kpune kélee mai, è kɛ̀ pâi ǹɔii su.

Zɔ̂ŋ 11:43

Tãi è nyiŋi ƃò lai, è làɣi a ŋ̀óo su kɛ́tɛ, ǹyɛɛi, “Lâzara, kula.”

Zɔ̂ŋ 3:19

Mɛni-ŋa-teɛɛi ká ŋi, a gɛɛ gwaa-ponoɔi a pá ǹɔii su, núu-kpune ǹyaŋ dí kpini wɛ̀li é tɛ́ɛ kwaa-ponoɔ ma, kpɛ́ni fêi, dítûai e kɛ̀ a nyɔ́mɔɔ.

Kɔleŋtiɛŋ Veerɛi 4:6

Ŋ̀âlai ŋí ƃé m̀o, ǹyɛɛi, “Tɔɔ kwaa-ponoɔ é folo gbínii su,” nyíi a fólo kúlii su a gɛ́ɛ e Ɣâla ŋɔfólo-laai maa-tarei ŋɔkwaa-ponoɔi tɛ́ɛ kúpɔ volo-laai su nyíi gáa Kôrai mai.

Ifisiɛŋ 5:14

Mɛni ma m̀ôɔi, “Óo nyíi-nuu, íŋɛi lá ƃo í kúla saa yêei, Kôrai a pâi kwaa-ponoɔɔ tɛɛ̂i ípɔ.”

Ifisiɛŋ 5:8

kpɛ́ni fêi, ká kɛ̀ a kpini a tãi da, kɛ́lɛ, kákaa nâa a kwaa-ponoɔ Kúnuu-namui kponôi. Ka sia yɛ̂ɛ kwaa-ponoɔɔ su-nia-pɛlɛɛ.

Temete Maa-ŋuŋ 6:16

Ɣâla ǹyaa tɔnɔ nɔ́ ƃe va sâa, gáa gwaa-ponoɔi su, nyíi núu fa lɛ̂ɣɛ gɔlɛi. Núu da fé niî Ɣâla káa ní, kpaa máŋ núu da fa pɔ̂ri gâai. Ƃaa-kɛ-maa é lí bɔ é kɛ́ sɛŋ kélee mɛi wɔlɔ-wɔlɔ da wɔlɔ-wɔlɔ. É kɛ́ ti.

Zɔ̂ŋ Maa-ŋuŋ 1:5

Ŋorɛ̂-wooi ká ŋí kú mɛ̀ni é kúla ǹá, ǹyaŋ kwa m̀ôi a gɛɛ Ɣâla ƃa gwaa-ponoɔi. Kpini kélee da fé gbonôi.

Zɔ̂ŋ Maa-ŋuŋ 2:8

É máŋ kɛ́ tí, ŋa tɔ̂ŋ nina pɔ̃yɛɛ̂i kápɔ naa nyíi gáa a tɔ̃yâ gbonôi da kákponôi, kpɛ́ni fêi, gbínii káa tɛ̂ɛi, dɔ̃yâ-kwaa-ponoɔi kɛ́ nâa fólo.