Wule-woo-ŋa 92:3 - Ŋ̀âla Kɔlɔ Maa Waai

³ Kwa kɛ̀ ŋ̀ule-ŋai ŋí toôi m̀a, kú kɛ́ ƃɔɔ fɛ̂ɛi, kúkɛ kɔnîŋ ɣàle.

Wule-woo-ŋa 92:3 ပူးပေါင်းရင်းမြစ်များ

Wule-woo-ŋa 33:2

Ka sɛɣɛ-fei tɛ̀ɛ Yâwɛɛ pɔ́ a kɔnîŋ-woo. Ka kɔnîŋ ɣale mà a lii-nɛ̃ɛ-pere.

Wule-woo-ŋa 68:25

Ŋ̀ule too-ƃelai díkɛ̀ tuɛ pere, ŋ̀ale-sãa ɣale-ƃelai dí kɛ́ ƃò pôlu-pere, nɛnî-kpela-ŋai díkɛ ƃò sâmai díkɛ díɣale-sãai ɣâle.

Niɛmaya 12:27

Dí kɛ́ɛ pâi Zerusâlɛŋ siɣãŋ tɛɛ̂i Ɣâla pɔ́i, dí Liiva-ŋai kélee kùla ƃɛ́ɛ-ŋai díkɛ̀ a séɛɛ naai dí pá a dia Zerusâlɛŋ. Dí pà a dia a gɛɛ da kɛ̀ ziɣãŋ tɛɛ̂i Ɣâla pɔ́, díkɛ ǹii-nɛ̃ɛ kuláai su, díkɛ sɛɣɛ-fêi tɛ̀ɛ Ɣâla pɔ́ a wule-ŋa tóɔɔ, díkɛ nyɛ̃ŋ-nyɛ̃ŋ-ŋa da kɔnîŋ-ŋa ɣàle.

Kɔlɔnikɔ Veerɛi 23:5

Gbului zaaƃai kɛ́ ƃò gâloŋ-pɛrɛi lá, zaaƃai kɛ́ ǹyái-la siɣãŋ la-ƃerei mɛi kâa, naa pôlu ma, gbakolo-ŋai gbéli-ŋai da pâi kɛ̂i Yâwɛɛ ŋɔpɛ́rɛ kɛ́tɛi maa kpɛ̂i.

Kɔlɔnikɔ Maa-ŋuŋ 13:8

Deeƃé da ǹûai kélee díkɛ̀ lii-nɛ̃ɛ kulâi kpɔ́ a zu kɛ́tɛ díkɛ laa-maa tɛ̂ tɛ̀ɛ Ɣâla pɔ́. Dí kɛ̀ pêle kɛ̂i díkɛ mãla díkɛ ɣale-sãa kɛ́ɛ yɛ̂ɛ kɔnîŋ, gbuŋ-gbuŋ, nyɛ̃ŋ-nyɛ́ŋ ɣàle díkɛ túru fɛɛ.

Wule-woo-ŋa 9:16

Yâwɛɛ a gbîŋ lɛ́ dîa, a ŋɔmɛni ŋá téɛɛ sãai. Zɔnyɔ̂ŋ-ƃelai dí kɔ̀ a díkpɔɔi ƃare-ŋai.

Samia Maa-ŋuŋ 10:5

Ǹaa pôlu ma, lí Giƃia ƃɛ́i Felesia-ŋai da kɔ́ kɔ́-ƃelai díƃûui káa naai. Yà kɛ̀ pâi serîi daai su, yâ pâi Ɣâla ŋɔlóno kɛ́-ƃelai kpulu kâai naa díkɛ yèŋ da kûla ŋ̀âla fɛli kwaai ma. Dà kɛ̀ siâi, da pâi kɛ̂i tuɛ-mɛni ƃôi. Díƃarâai da pâi kɛ̂i dítuɛ pere díkɛ gɔnîŋ ɣàle, díkɛ gbuŋ-gbuŋ tua, díkɛ ŋɔ́nɔ ƃɔ̀ɔ fɛ̂ɛ.

Wule-woo-ŋa 149:3

Ka ǹáa maa tɛ́ kámãla-pere su. Ka ǹáa maa tɛ́ a gbuŋ-gbuŋ da kɔnîŋ woo-ŋa.

Wule-woo-ŋa 57:8

Ŋámɔ̂leŋ, íŋɛi lá ƃó. Ŋakɔnîŋ da ŋá ƃɔɔi, ka káŋɛi lá ƃó. Ŋa pâi vóloi ŋɛ́i lá ƃôi.

Kɔlɔnikɔ Veerɛi 29:25

È Liiva-ŋai see Yâwɛɛ ŋɔpɛ́rɛi mu é ńyɛ̃ŋ-nyɛŋ, kɔniŋ da ɣale-sãa tɛɛ dípɔ yɛ̂ɛ berei Deeƃé da galoŋ ŋɔmɛni maa-kpɛɛ-nuui Gâa da Ɣâla ŋɔlóno kɛ nuui Netaŋ ni díwɔlɔ mò lai. Yâwɛɛ ƃé wɔ́lɔ m̀ɛnii ŋí ƃo ŋɔlóno-kɛ-ƃelai sarâi.

Kɔlɔnikɔ Maa-ŋuŋ 25:6

Emaŋ ǹônii-sinaai ŋí da kâa kɛ̀ wule toôi díkɛ kɔnîŋ da nyɛ-nyɛ́ŋ ɣale Yâwɛɛ ŋɔpɛ́rɛ kɛ́tɛi mu dínaŋ yée mu. Asafa, Zedutuŋ da Eemaŋ díkɛ tíi kɛ̂i gâloŋ ǹyaa kpîŋ-kpiŋ yée mu.

Kɔlɔnikɔ Maa-ŋuŋ 15:16

Deeƃé è mò Liiva ŋɔsuui su-ƃelai láa túɛ-ƃelai dîa a gɛ́ɛ dí dínûai da ni sìɣe zu a gɛ́ɛ díkɛ a wule too-ƃela da ɣale-sãa ɣale-ƃela díkɛ lii-nɛ̃ɛ wule-ŋa tòo díkɛ ɣale-sãa kɛ́ɛ yɛ̂ɛ kɔníŋ, gbuŋ-gbuŋ da nyɛ̃-nyɛ́ŋ ɣàle.

Kɔlɔnikɔ Maa-ŋuŋ 23:30

Dítii-ŋai da ƃé kɛ̀ a gɛ́ɛ díkɛ sɛɣɛ-fêi tɛ̀ɛ Yâwɛɛ pɔ́ díkɛ wule tòo m̀a a ɣele-wala da ɣele-wulii kélee.

Kɔlɔnikɔ Veerɛi 20:28

Dí tɛ̀ Zerusâlɛŋ dí lí Ŋ̀âla-pɛrɛ Kɛ́tɛi lá díkɛ kɔnîŋ ɣâle. Díkɛ ɣale-sãa da kpɛ́ni ŋa nyíi moloŋɔɔ̂i kɔniŋ mai ɣale. Díkɛ túru fɛ̀ɛ Yâwɛɛ ma.

Wule-woo-ŋa 42:9

Ŋá wɔ̀lɔ Ŋáɣâlai ma nyii gáa a ḿaa kɔ̃ɔ-nuu da ŋákɔnii ńyɛɛ, “Ya nia ḿâ lé mɛni ma? Ya ǹɛɛ̂i naa ŋ́gbɔara-ƃelai díkɛ tùa ŋí a ńyãa a dáre kɛ́ɛ ŋí ŋ́gɛ mɔ̃lɛ lé mɛni ma?”