Wule-woo-ŋa 83:4 - Ŋ̀âla Kɔlɔ Maa Waai

⁴ Da môi dîyɛɛi, “Kwaa Eezuɛ-ŋai kélee páa dísuu da fé lɛ̀ɛ ɣele ma.”

Wule-woo-ŋa 83:4 ပူးပေါင်းရင်းမြစ်များ

Zɛlemaya 11:19

Kɛ́lɛ, ŋá kɛ̀ yɛ̂ɛ ƃála-loŋ ŋumɛɛ nyíi dí kɛ̀ liî la bàa mɛ̂ni mai. Ḿve kɛ́ ní a gɔ́lɔŋɔɔ a gɛɛ m̀ɛnii ŋí tɔɔ̂i ḿâ. Díwôya mɛni kpɛ̀tɛ dí kɛ́ mò dîyɛɛi, “Kwaa ŋ̀úrii da ḿa dísu kara, kwaa bàa kú gula ǹúu-fulu-ŋai sáma, a gɛɛ ǹáa fa lâa kɛ́ la ɣele ma.”

Zɛlemaya 48:2

Ƃâa fé ŋɔ́nɔ Môa ma. Ɛsibɔŋ ŋɔkpɔara-ƃelai da naa siɣe da mɛni kpɛtɛɛ kɛ́ a gɛɛ dí Môa lɔii su-kara. Káai a ƃoo-ƃelai, ká-taai su a pâi kɛ̂i tɔ̀ŋ. Kɔkuluƃa-ŋai da pâi tɛ̂i naa.

Wule-woo-ŋa 74:8

Dí kɛ̀ ŋ̀wɛ̂lii dí kúkelee kúsu kara kpúŋ. Dí ŋ̀âla fɛli kwaa-ŋai kélee ma kéreŋ kúlɔii su.

Danîa 7:25

A pâi lônoi a nyɔ́mɔɔ é pîlaŋ Ŋ̀âla Kɛ́tɛi ma. A pâi Ɣâla ŋɔnûai lúani. A pâi kɔ̂i é díɣâla fɛli-pere-ŋai da dítɔ̂ŋ-ŋai maa fáleŋ. Ɣâla Ŋɔnûai da pâi kɛ̂i Ŋɔwála-walai mu a kóraŋ saaƃa da gbûra.

Ɛsedɔ 1:10

Kwaa kú táre-pere da kɔ́ri a gɛɛ kú díkpera dífe ŋɔ́nɔ ƃûu ƃó à wàla kɛ́ tí, tãi kɔ́ a pâi pâi la kûai, da pâi kpɔnîi kúkpɔara-ƃelai dîa dí kɔ́ kúpɔ dí pú dí kúla ǹɔii ŋí su.”

Zɛlemaya 31:36

Yâwɛɛ è mò a gɛɛ à kɛ̀ nɔ́ ŋ̀éniɛi ŋí su-sãai kélee maa a fàleŋ, gɛ̀ ní Eezuɛ fé ŋɔ́nɔ pâi kɛ̂i a lɔii-ŋuŋ.

Táre-woo-ŋa 1:12

Berei máŋ díkaa la ɣele ma díkɔlɔi ponoɔɔi, kwaa dí páa kú nia dímɛni ma.

Zia-ƃelai Kɛ́-mɛni-ŋai 4:17

Kɛ́lɛ, a gɛ́ɛ m̀ɛnii ŋí fé lì kwaa kôyaa ma ǹûai sáma, kwaa dímaa yao a gɛ́ɛ dífe lono núu da kélee pɔ́ ŋɔ́nɔ Zîsɛ láai su.”

Zasua 9:2

Gâloŋ-ŋai ŋí kélee dí díŋaa tɛ̀ díkîe ma dí mɛni kpɛtɛɛ kɛ́ a gɛ́ɛ dí kɔ́ pɛ́lɛ Zasua da Eezuɛ-ŋai dîa.

Niɛmaya 4:2

È m̀arâai da Sameria kɔ kɔ́-ƃelai tòli ǹyɛɛ dîai, “Lé ƃé ǹúu kpulu loŋ su ƃela fíi kpɛɛ-ŋai ŋí da ŋ̀wɛ̂lii dí gɛi? Da gâai da pâi pɔ̂rii daa lêei tɔɔ̂i pôlu? Dí lâai la sâla-ŋa kúlaa a pɔ̂ri gɛ̂i dí daa lêei ŋí tɔ́ɔ pôlu tãi kpua yée mu? Daa pîleŋ ŋa kélee a kɛ́ a túluŋ ŋá. Lé pɔ̂ri ƃé dîɛ a gɛɛ dí gɔni-ŋai ŋí kúla, dí daa lêei tɔ́ɔ la pôlui?”

Izikiɛ 38:10

“ ‘Ńyãai a Ŋ̀wála-wâla kélee Yâwɛɛi ŋa môi yâ Gɔ̂ɔ yâ, fólo da a pâi serîi, ya pâi mɛni nyɔ́mɔɔ kpɛtɛ̂i íkili ŋá.