Wule-woo-ŋa 74:1 - Ŋ̀âla Kɔlɔ Maa Waai

¹ Óo Ɣâla, ya íyee kulâi kúmu a gɛɛ ŋí lé mɛni ma? Ya pâi kɛ̂i nɔ́ a ílii ŋwánaa íkpɔɔi-ƃelai dîa?

Wule-woo-ŋa 74:1 ပူးပေါင်းရင်းမြစ်များ

Dutɛrɔnome 29:20

Vé pâi wɔ́lɔ zu-mɛni lɛɛ̂i. A pâi dí su karâi a tólo da lii ŋwâna su kɛ́tɛ. Ǹáɣaŋ kélee bɔ̃yɛɛ̂i gɔlɔi ŋí sui a pâi lɛɛ̂i ma. Yâwɛɛ a pâi ǹáa kulâi ɣele ma.

Wule-woo-ŋa 100:3

Ka gɔ́lɔŋ a gɛɛ ǹyaa ƃa Ɣâla Yâwɛɛ. Ǹyaa ƃé kúkpɛ̀tɛ, ǹyaŋ kúkaa a bɔ́ɔ. Kúa ƃa ŋɔnûai, kúkɛ ƃò yɛ̂ɛ ŋɔƃála-ŋa.

Wule-woo-ŋa 79:13

Yà gɛ̀ tí, gɛ̀ ní kúai a íƃala-ŋai kwa pâi ísɛɣɛ̂i fêi wɔ́lɔ-wɔlɔ da wɔ́lɔ-wɔlɔ. Kúlônii da díwɔ̂ lònii da pâi kɛ̂i ílaa maa tɛ̂i wɔ́lɔ-wɔlɔ da wɔlɔ-wɔlɔ.

Wule-woo-ŋa 95:7

kpɛ́ni fêi, ǹyaa ƃa Kúɣâlai, kú kɛ́ ƃò a ŋɔnûa, gbáaŋɔɔ kúmɛni ma. Ka káwoli tɔ́ɔ m̀ɛnii ma Ɣâla a m̀ôi:

Wule-woo-ŋa 44:9

Kɛ́lɛ gáa, ya íyee kúla kúmù, ya gɛ́ kúkpɔara-ƃelai da kúyee mɛi ɣále. Ífe ŋɔ́nɔ kɔ̂i kúmɛni ma.

Lûu 12:32

“Káfe yào, núu-kpulu loŋ. Kpɛ́ni fêi, Kánâŋ líi nɛ̃ɛ̂i a gɛɛ é gâloŋ-laai tɛ́ɛ kápɔ.

Izikiɛ 34:31

Ká káa a ŋánûa, ńyaŋ ŋ́gɛ ƃò a Káɣâla. Ńyãai a Ŋ̀wála-wâla kélee Yâwɛɛi Ńyãa ƃé mò tí.”

Zɛlemaya 31:37

À kɛ̀ nɔ́ da pɔ̂ri ŋ̀ele-kɔlɔŋ kɔɔ̂nii, dí kɛ́ pɔ̀ri ǹɔii kpɛtɛ-sãai kélee maa kpɛɛ̂i, gɛ̀ ní maa tãi tí ƃé a pâi ǹyée kulâi la Eezuɛ-ƃelai mu, mɛnii dí gɛ̀i mɛ̂ni ma. Ńyãa Yâwɛɛ ƃé mò tí.

Zɛlemaya 23:1

Kpalo ƃelaâi ǹúu-mɛi-ƃelai dîa nyíi-ŋai Yâwɛɛ ŋɔnûai kɛ̀ dítaa-taa dí kɛ̀ làŋ.

Wule-woo-ŋa 79:5

Óo Yâwɛɛ, ya pâi kɛ̂i a ílii ŋwánaa kûa tãi ɣɛɛlu yée mu? Ya pâi kɛ̂i nɔ́ a ílii ŋwánaa kûa wɔ́lɔ-wɔlɔ da wɔlɔ-wɔlɔ? Ílii ŋwânai a pâi kɛ̂i kúkerenîi yɛ̂ɛ ŋɔŋ a tãi ɣɛɛlu?

Wule-woo-ŋa 77:7

“Ǹuu-namui fé pâi ŋɔ́nɔ ǹyée seêi ḿu ƃei? Ǹíi a pâi lâai ŋɔ́nɔ ńyêei ƃei?

Wule-woo-ŋa 42:11

Ŋa malôŋ see ƃôi lé mɛni ma? Ńii a kɔ kɔ̂i lé mɛni ma? Ŋa pâi ŋ́gili tɔɔ̂i Ɣâla ma ŋá ǹáa ma tɛ́ ŋɔ́nɔ. Ǹyaa ƃa ŋ́uŋ ma ƃó-nuui da Ŋáɣâlai.

Izikiɛ 34:8

Tãi nɔ́ ŋ́gaa la a Ŋ̀wála-wâla kélee Yâwɛɛi, ka káwoli tɔɔ ḿâ. Lɔɔ-fɛnɛ-sãa da ŋáƃala-ŋai sôŋ díkɛ gɛ̀ a dí kɔ̃́nɔŋ, ƃála mɛi-kaa-núu da fé naa é dímɛi káa. Ƃála mɛi-kaa-nuu da fé naa é díkɔri. M̀ala-mɛi káa-ƃelai da díkpîŋ kɔ̃́nɔŋ kɔ̀ri, kɛ́lɛ dífe kpáaŋ ní m̀ala-ŋai mɛ̂ni ma.

Wule-woo-ŋa 78:1

Ŋánûa, ka káwoli tɔ́ɔ ŋásɛŋ lɛ́ɛi ma. Ka káwoli tɔ́ɔ m̀ɛnii ma ŋa pâi môi kâai.

Wule-woo-ŋa 60:10

Óo Ɣâla, ya íyee kúla nɔ́ ƃe ŋí kúmu kwa kúlɔii ma kpɛ́-ƃelai?

Wule-woo-ŋa 60:1

Óo Ɣâla, ya íyee kúla kúmu ya kúkula maa kɛ́. Ya ílii ŋwána kûa a zu kɛ́tɛ. Kúmalôŋ káa í íyee sée kúmu.

Wule-woo-ŋa 42:9

Ŋá wɔ̀lɔ Ŋáɣâlai ma nyii gáa a ḿaa kɔ̃ɔ-nuu da ŋákɔnii ńyɛɛ, “Ya nia ḿâ lé mɛni ma? Ya ǹɛɛ̂i naa ŋ́gbɔara-ƃelai díkɛ tùa ŋí a ńyãa a dáre kɛ́ɛ ŋí ŋ́gɛ mɔ̃lɛ lé mɛni ma?”

Wule-woo-ŋa 18:8

Luru è kùla zũai, ŋɔŋ-leŋ da ŋɔŋ teɣã dí kúla ǹá.

Wule-woo-ŋa 10:1

Óo Yâwɛɛ, yâ ímaa kôyaa kûa lé mɛni ma? Lé mɛni ƃé yâ íloo la kûa a tãi kúkaa la mɛni-kpɔ̂lu sui?

Ɛsedɔ 32:11

Kɛ́lɛ Mose è Ŋɔɣâla Yâwɛɛ kperai fè ǹyɛɛ mai, “Óo Yâwɛɛ, ƃa pâi ínûai nyii-ŋai í díkula Ize lɔii su a íwala-laai kɛ́tɛi su-karai a ílii-ŋwanai lé mɛni ma?

Kâloŋ Veerɛi 21:14

Ŋa pâi m̀bôlu fêi ŋánûai nyii-ŋai pâi lɛɛ̂i a dífulu dîa. Ŋa pâi dí tɛɛ̂i díkpɔara-ƃelai pɔ́ nyii-ŋai pâi díyee mɛi ɣâlei dí dílɔii su sãa kélee síɣe.

Wule-woo-ŋa 50:1

Ŋ̀wála-wâla kélee Ɣâlai, Yâwɛɛ è lono. È ŋ̀éniɛi su-ƃelai kélee tòli é síɣe vóloi kulâi pere é tóo vóloi liî-pere.

Wule-woo-ŋa 77:8

Ŋɔwɛli kɛ́-maa kpanaŋ kɔ̃́yɛŋ nɔ́ ƃé ŋí kúmɛni ma? A ŋɔkono-teei maa fáleŋ ƃe ŋí kúmɛni ma?

Wule-woo-ŋa 80:5

Ya gɛ́ mɛni kpɔ̂lu a láa kûa gɛ́ ƃò yɛ̂ɛ mii-sɛŋ kúkɛ mii, kúŋɛi ya kɛ́ ƃò yɛ̂ɛ kpele ya, gɛ́ ƃò kɔɛɛ su kúkɛ gbèle.

Wule-woo-ŋa 85:6

Gɛ́ kúkponôi é kpanaŋ. Yà gɛ̀ tí, gɛ̀ ní kúai a ínûai kwa pâi kɛ̂i nɔ́ laa maa tɛ̂ tɛɛ̂i ípɔ.

Azaya 64:8

Kɛ́lɛ, óo Yâwɛɛ, yá nɔ́ ƃa Kúnâŋ. Kúkaa yɛ̂ɛ leɣi-pɔ̂rɔ, ǹyaŋ yá ƃa ǹeɣi-tɔɔ nûui. Yá ƃé kúkpɛ̀tɛ.

Zerusâlɛŋ Karáa Maa Wɔ̂lɔ-wooi 5:22

Ya íyee kúla nɔ́ ƃé ŋí kú mu wɔ́lɔ-wɔlɔ da wɔlɔ-wɔlɔ? Ílii ŋwânai kóyaŋ fé ma kúmɛni ma?