Wule-woo-ŋa 72:3 - Ŋ̀âla Kɔlɔ Maa Waai

³ Tɔɔ ǹɔii é sí-sãa kpɛtɛ. É zí-sãai kpɛtɛ ǹûai díteniŋ ƃo-laai sârai.

Wule-woo-ŋa 72:3 ပူးပေါင်းရင်းမြစ်များ

Azaya 52:7

Ka gáa, gáa a mɛni lɛ́lɛɛ a gɛɛ í lii-sêe tuŋ ƃó-nuu káa gɛ́ kùla ǹyée-ŋai su. A pâi a lii-see maa tûŋ lɛ́lɛɛ. A m̀ôi Zãiyɔŋ-ƃelai dîa ǹyɛɛi, “Káɣâlai ƃa gâloŋ.”

Zooɛ 3:18

Maa ɣêlei tí ŋwã̂ai nɛ̃ɛ a pâi kulâi ǹyée kpaya-kpayai su, niŋa-ŋini-ya kɛ́ kula ǹyée pɛlɛ-pɛlɛi su, ǹyaŋ Zuda ya-pɛlɛɛi kélee láa a pâi fɛ̂ɛi a yá. Ya-lêe a pâi kulâi Yâwɛɛ ŋɔpɛ́rɛi mu é Akasia Tiŋ-tiŋ láa fɛ́ɛ.

Danîa 9:24

“Góraŋ lɔ́ɔlu mɛi feerɛ seêi buu lɔ́ɔlu mɛi feerɛi kpɛɛ-ŋa tãi ƃé pâi kɛ̂i a káŋuŋ ma ƃò m̀ɛnii kɔ́ɔ pîlaŋ tãi da kátaa-lee maa waai. Zĩai ŋaa-see a pâi kɛ̂i. Ɣâla a pâi kásɔnyɔ̂ŋ su-mɛni lɛɛ̂i, é tɔ̃yâ-laa mɛni ƃóɔɔ kɔ́ɔ pîlaŋ kámɛni ma. A pâi gɛ̂i káa kpîŋ ka Ŋɔpɛ́rɛ Maa Waai tɛ́ɛ ŋɔ́nɔ bɔ́ pôlu.

Wule-woo-ŋa 72:16

Tɔɔ mii-sãa támaa kɛ́ ƃò ǹɔii ma. Tɔɔ sí-sãa dí kpɛtɛ ǹyée-ŋai su, yɛ̂ɛ Lɛƃanɔŋ lɔii su si-sãai. Tɔɔ daa-lee-ŋai láa é fɛ́ɛ a núu-kpune, yɛ̂ɛ kala a lɔii láa fɛ̀ɛ.

Wule-woo-ŋa 65:12

Ya gɛ̀ kala-ŋa dí kpɛtɛ vɛ̃ɛ-kpâlaŋ-ŋai su, ǹyée-ŋai díkɛ lii-nɛ̃ɛ kùla.

Azaya 45:8

Ŋa pâi ŋ̀ele-kɔ̂lɔŋ láa ƃôi teniŋ-ƃo mɛni é kúla naa é yéŋ ǹɔii ma yɛ̂ɛ tuna a pù. Ŋa pâi ǹɔii ŋuŋ ma ƃôi, ŋá tɔ̃yâ mɛni-ŋa kɔ́ɔ pîlaŋ naa. Ńyãa Ǹuu-namui Yâwɛɛ ƃé pâi m̀ɛni-ŋai ŋí kɛ̂i.”

Azaya 60:17

“Ŋa pâi gôo tɛɛ̂i ípɔ ƃara pɔ́ɔ ŋá, ŋá káne da ƃara tɛ́ɛ ípɔ kɔli da wuru pɔ́ɔ ŋá. Ŋa pâi kɔli tɛɛ̂i ípɔ kɔni pɔ́ɔ ŋá. Kálaa túɛ-ƃelai dífe ŋɔ́nɔ pâi kákîini. Ŋa pâi gɛ̂i dí ká mɛi káa a tɔ̃yâ-laa da lii-sêe.