Wule-woo-ŋa 69:4 - Ŋ̀âla Kɔlɔ Maa Waai

⁴ Diai da ŋ́gbɔara mɛni-ŋa kɛ́ mɛni su nyii ńzɔŋ fé zui, dítâmaai yɛ̂ɛ ŋ́uŋ lêɣa. Da lɛ́ɛ támaa kɛ́ a ńaa. Díwala-walai. Da ŋ̀wɛ̂lii dí ḿbaa. Da ŋ́gɛ ŋa sãa bɔɔ tôoi tɛ̀ɛ nyii fé ŋ̀úma níi.

Wule-woo-ŋa 69:4 ပူးပေါင်းရင်းမြစ်များ

Wule-woo-ŋa 35:19

Ífe ǹɛɛ naa ŋ́gbɔara-ƃelai da ǹɛ́ɛ-ƃelai dí yola kúla ŋ́gbonôi. Diai dítɔɔ̂i ḿâ nyii ŋuŋ da fé mai, ífe ǹɛɛ naa dí díŋɛi níiŋ a ńyãa.

Wule-woo-ŋa 40:12

Mɛni kpɔ̂lu a tínaŋ ḿâ. M̀ɛni kpɔ̂lu-ŋai ŋí tâmaai zu kɛ́tɛ! Ŋásɔnyɔ̂ŋ su a kɛ́tɛ fé gélee kɔ́lɔŋ. Fa pɔ̂ri ŋɔ́nɔ kwaa kâai. Ŋásɔnyɔ̂ŋ a táma a tɛɛ ŋ́uŋ lêɣa ma. Ńii toɔɔ̂i kpɔ́ pôlu a ŋ̀ánaa.

Wule-woo-ŋa 59:3

Gáa, da gbã tée ḿberêi a gɛɛ dí ḿbaa. Ŋwana-lɔ̂ɔ-ƃela tɔɔ̂i ḿâ. Fé tá sɛŋ da kɛ́ ní a dia, kpaa máŋ mɛni nyɔ́mɔɔ da kpɛ́ni.

Wule-woo-ŋa 6:7

Maloŋ too maa wɔ̂lɔ a ŋ́ɛi kélee kɛ́ puu-lɛ̂ɛ. Ŋ́gbɔara-ƃelai da gɛ́ ŋa lɛɛ wɔ̂lɔi ŋ́ɛi fé ŋɔ́nɔ kwaa kâai a ǹɛ́lɛɛ.

Zɔ̂ŋ 15:25

Gáa a sɛŋ a gɛɛ nyiŋi é ŋ̀óoi ŋa-see kɛ́ bɔ̃yɛɛ̂i dítɔ̂ŋ sui, ‘Dí ŋ́gbɔ̀ara nɔ kpɛni-kpɛni.’

Kɔleŋtiɛŋ Veerɛi 5:21

Kpɛ́ni fêi, Kôrai nyíi ve kɛ́ ni a sɔnyɔ̂ŋ kɔ́lɔŋɔɔ̂i, Ɣâla e sɔnyɔ̂ŋ pu mà kúmɛni ma a gɛ́ɛ ku kɛ́ a ǹyaa Ɣâla ŋɔtɔ̃yâ-ƃela Kôrai kponôi.

Pitɛ Maa-ŋuŋ 2:22

Vé sɔnyɔ̂ŋ kɛ́ ní. Núu-pɛlɛ-woo da kélee máŋ fé kúla ní ǹá.

Pitɛ Maa-ŋuŋ 2:24

Ǹyaa kpîŋ è kúsɔnyɔ̂ŋ-ŋai síɣe gbonôi zaa-wurui mâ, a gɛɛ kú kpera kúɣeniɛi kɛ́ɛ ma sɔnyɔ̂ŋ mɛni ma, kú kúɣeniɛi kɛ́ tɔ̃yâ-laa mɛni ma. Ǹókwa-pala-ŋai dí káƃàlo.

Pitɛ Maa-ŋuŋ 3:18

Kpɛni fêi, Kôrai máŋ è sàa sɔnyɔ̂ŋ mɛni ma zu tɔnɔ. Dɔ̃yâ-nuui è sàa kúai kúkaa a zɔnyɔ̂ŋ-ƃelai kúmɛni ma a gɛɛ é pá a kúa Ɣâla pɔ́. Dí gbono pàa, kɛ́lɛ, è kɛ̀ a vúlu mɔlêŋ su.