Wule-woo-ŋa 6:4 - Ŋ̀âla Kɔlɔ Maa Waai

⁴ Óo Yâwɛɛ, tínaŋ í ŋ́uŋ ma ƃó. Ŋ́uŋ ma ƃó íwɔlɔ-wɔlɔ wɛli-kɛ-maai sârai.

Wule-woo-ŋa 6:4 ပူးပေါင်းရင်းမြစ်များ

Danîa 9:18

Íwoli tɔ́ɔ kûa, óo Ɣâla. Íŋɛi lá ƃó í kúkaa daa-lee wóloɔɔi ŋí bilêŋ ŋá nyii ílaa seeɛ̂i mai. Kúfe í marê kɛ̂i nɔ́ ítɔ̃yâ-laai ǹyaa tɔnɔ mɛni ma kɛ́lɛ ímaloŋ kâa kɛ́tɛi mɛni ma.

Wule-woo-ŋa 17:13

Óo Yâwɛɛ, ímu-siɣe í pɛ́lɛ dîa í díyee mɛi ɣále. Ŋ́gula ŋ̀wana-lɔ̂ɔ-ƃelai yêei a í ƃóa sɔkpɔi.

Malakai 3:7

Kámaa mɛ̂ni kɛ̂ɛi nɔ́ yɛ̂ɛ kánuu-pɔ̂lɔ-ŋai, ka kápôlu tɔɔ ŋátɔ̂ŋ-ŋai dîa káfe niî dímɛi káa ní. Ka tínaŋ ḿbɔ-naa pêre ńyaŋ ŋa pâi tínanîi kápɔ-naa pêre. Kɛ́lɛ ka môi kâa, ‘Kwa pâi tínaŋ-pere kɛ̂i léŋ ípɔ-naa pêre?’

Wule-woo-ŋa 121:7

Yâwɛɛ a pâi ímaa kɔ̃ɔ̂i é íkula mɛni kpɔ̂lu sii kélee su. A pâi íŋuŋ maa ƃôi.

Wule-woo-ŋa 116:4

Nya ƃe ŋá Yâwɛɛ tòli ńyɛɛ mai, “Ŋa íkperâ fêi, ye ŋ́uŋ ma ƃó.”

Wule-woo-ŋa 90:13

Óo Yâwɛɛ, kúmalôŋ káa kúai a ítii kɛ́-ƃelai. Ya pâi kɛ̂i a ílii ŋwánaa kûa a tãi ɣɛɛlu?

Wule-woo-ŋa 80:14

Óo Ŋ̀wála-wâla kélee Ɣalai, tínaŋ kúpɔ naa pere. Lɛɛ ŋ̀elei su í íŋuŋ ma pîlaŋ í kúkaa. Ínûai ŋuŋ ma ƃó.

Wule-woo-ŋa 22:20

Ŋ́gula yêei kɛ́ m̀óa-sɔkpɔ kɔ kɔ́-ƃelai yêei. Ŋáfulu-laai maa kɔ̃ɔ ŋ̀îla-ŋai ŋí yêei.

Ifisiɛŋ 1:6

a gɛ́ɛ kú ŋɔfólo-laa ƃɛlɛ-sêei maa tɛ́, nyíi è dɛ̀ɛ kúpɔ a dámaa Ŋɔwɛli-kɛ-maa Loŋ kponôi.

Azaya 38:17

Ya ŋá lii-ŋwânai pene a lii-nɛ̃ɛ. Ya ŋ́uŋ ma ƃó, ya ŋ́gula mɛni nyɔ́mɔɔ támaa perei. Ya ńzu mɛ̂ni lɛɛ ŋásɔnyɔ̂ŋ-ŋai kélee mɛ̂ni ma.

Wule-woo-ŋa 120:2

Óo Yâwɛɛ, ŋuŋ ma ƃó, í ŋ́gula lɛ́ɛ-ƃela da núu-pɛlɛ ƃela yêei.

Wule-woo-ŋa 116:8

Yâwɛɛ è ŋ́gùla saa wôlo lá, é gɛ́ ŋ́ɛi-ya fa ŋɔ́nɔ pù, é gɛ́ fa ŋɔ́nɔ ŋ́gɔɔ tùa.

Wule-woo-ŋa 86:13

Kpɛ́ni fêi, íwɔlɔ-wɔlɔ wɛli-kɛ-maai káa naa ḿaa mɛ̂ni ma. Ya ŋ́gula m̀olôŋ su.

Wule-woo-ŋa 69:13

Kɛ́lɛ à kɛ̀ a ńyãa, óo Yâwɛɛ, ŋa pâi kɛ̂i nɔ́ ífɛlîi. Ɣâla, ŋ́oo su too a ínîa tãi. Ŋ́oo su too íwɛli kɛ́-maa kpanaŋɔɔi sârai, kpɛ́ni fêi, í íkono tèe a gɛɛ ya pâi ŋ́uŋ ma ƃôi.

Wule-woo-ŋa 25:7

Ńzu mɛ̂ni lɛɛ zɔnyɔ̂ŋ-ŋai da bɔara mɛni ma-ŋai ŋá gɛ̀ tãi ŋá kɛ̀ la a nyáŋkpai. Íwɛli kɛ́ maai da ítûa sɔŋ lɛ̂lɛɛi sarâi, ḿaa mɛ̂ni é lɛ́ɛ íkili ŋá Yâwɛɛ.

Wule-woo-ŋa 13:2

Ŋa pâi ńii kpelêi mɛni-soli su tãi ɣɛɛlu yée mu? Tãi ɣɛɛlu ƃé ŋa pâi kɛ̂i la lii-too pôlu su a kpíni da foloi? Tãi ɣɛɛlu ƃé ya pâi ǹɛɛ̂i naa ŋ́gbɔara-ƃelai yée é tɛ́ɛ ḿâi?

Wule-woo-ŋa 74:10

Óo Ɣâla, tãi ɣɛɛlu ƃé kúkpɔara-ƃelai da pâi kɛ̂i ɣɛ́lɛ-maa kulâi la kúkponoi? Da pâi wɔ́lɔ kɛ̂i nɔ́ woo nyɔ̂ŋ pilîi yâ wɔ́lɔ-wɔlɔ da wɔ́lɔ-wɔlɔ?

Wule-woo-ŋa 79:5

Óo Yâwɛɛ, ya pâi kɛ̂i a ílii ŋwánaa kûa tãi ɣɛɛlu yée mu? Ya pâi kɛ̂i nɔ́ a ílii ŋwánaa kûa wɔ́lɔ-wɔlɔ da wɔlɔ-wɔlɔ? Ílii ŋwânai a pâi kɛ̂i kúkerenîi yɛ̂ɛ ŋɔŋ a tãi ɣɛɛlu?