Wule-woo-ŋa 52:3 - Ŋ̀âla Kɔlɔ Maa Waai

³ Í mɛni nyɔ́mɔɔ wɛ̂li-ni é tɛ́ɛ mɛni lɛ́lɛɛ ma. Í lɛ́ɛ wɛ̂li-ni é tɛ́ɛ tɔ̃yâ ma.

Wule-woo-ŋa 52:3 ပူးပေါင်းရင်းမြစ်များ

M̀ɛni-lɛɛi 22:15

Diai da mɛni maa faleŋ, tɛli-kpɛ́-ƃela, wulu-wulu kɛ́-ƃela, núu-paa-ƃela, ɣâla-pɔkɔɔŋ fɛli-ƃela, da diai kélee dí wôya-mɛni wɛ́li ni, díkɛ maa kɔ̂rii díkaa daa-leei ŋɔsiɣãŋ pôlu pere.

Temete Veerɛi 3:4

Da pâi a ǹûai da kûla díƃarâa pôlui, ǹûai dífa kpáaŋ núu da kélee mɛni mai, ǹûai su mɛni-kɛtɛ a dílaa fɛ́ɛi, da ǹûai dínîa kɛ́ɛ wɛ́li-káa dîa é tɛ́ɛ la Ɣâla-wɛliɛ mai.

Lomaŋ 1:25

Dí Ɣâla ŋɔtɔ̃yâi maa fàleŋ a lɛ́ɛ. Dí núu-kpune fɛ̀li da fɛnɛ-sãa dí tíi kɛ́ dîɛ é kúla zɛŋ kélee kpɛtɛ Ɣalai pôlu, nyíi lûwa káa ma wɔ́lɔ-wɔlɔ da wɔ́lɔ-wɔlɔi! É kɛ́ ti.

Zɔ̂ŋ 8:44

Ká kùla kánâŋ Dɛ̂ƃele kponôi, ǹyaŋ ka ŋ̀wɛ̂lii a gɛɛ ká kánâŋ nîa mɛnii kɛ́. E kɛ̀ a núu-paa-nuu a maa-ŋuŋ. Ǹyaŋ ŋɔmɛni fe tɔ̃yâ pôlu. Kpɛ́ni fêi, tɔ̃yâ kélee da fe gbonôi. A lɛ́ɛ kɛ̀, a lôno nɔ ŋɔkɛ-perei su, kpɛ́ni fêi, gáa a lɛ́ɛ-nuu, gɛ ƃo ŋɔ́nɔ a lɛ́ɛ ǹâŋ.

Maka 3:2

Kɛ́lɛ ka mɛni lɛ́lɛɛ kpɔ̀ara, ká ǹyɔ́mɔɔi wɛ́li, ka ŋánûai kɔlɔ kúla, ká díluu kúla díkao ma yɛ̂ɛ kɔ́li a sua sôŋ.

Zɛlemaya 9:8

Dínɛŋ káa a tɔ̃a nyíi a núu pàa. Gɛ́ lòno a núu-pɛlɛ pere tèe-tee. Da lôno a lii-see pere dílâoi-ni pɔ. Kɛ́lɛ dí kɛ̀ gbã tèe díperêi dí líi su.

Zɛlemaya 4:22

Yâwɛɛ è mò ǹyɛɛi, “ŋánûai dífe mɛni ŋá kâai. Dífe ŋ́gɔlɔŋ. Díkaa a ǹîa-pɛlɛɛi nyíi-ŋai táre fé díyêei. Dífa mɛni ŋá kàa. Dítareɛɛi nɔ́ mɛni nyɔ́mɔ kɛ́ mɛni su. Kɛ́lɛ dífe mɛni lɛ́lɛɛ kɛ́ pere kɔ́lɔŋ.”

Wule-woo-ŋa 62:4

Ka ŋ̀wɛ̂lii nɔ́ ka ǹúui kpîŋ soŋ ká ƃaa kûla maa sɛ́lɛŋ ma. Ká wɛ́lini a lɛ́ɛ mɛni-ŋa. Ka lûwa làa ǹúui kpîŋ ma, kákɛ ǹaɣaŋ kálii su.

Táre-woo-ŋa 21:10

Ŋwana-lɔ̂ɔ-nuu láa fɛ̂ɛi a ŋwana-lɔ̂ɔ, va gɔlɛ-ma-nuu malôŋ kàa.