Wule-woo-ŋa 4:2 - Ŋ̀âla Kɔlɔ Maa Waai

² Núu-kpune-ŋa, tãi ɣɛɛlu ƃé ka pâi kɛ̂i ƃâa kulâi la ḿâi? Tãi ɣɛɛlu ƃé ka pâi kɛ̂i káwoli tɔɔ̂i la mɛni fôlo da lɛ́ɛ mɛni-ŋa dîai?

Wule-woo-ŋa 4:2 ပူးပေါင်းရင်းမြစ်များ

Wule-woo-ŋa 106:20

Fɛnɛ-sɛŋ nyii gɔ́nɔŋ ƃa kalai, dí zìɣe dí dɔ̀ɔ Ɣâla ŋɔwála-wala-laai pɔ́ɔ ŋá.

Wule-woo-ŋa 14:6

Káai a zɔnyɔ̂ŋ-ƃelai ka gɛ̀ ǹii-maa yeŋ-ƃelai dí mɛni kpɛtɛɛ-ŋai kɛ́ too pôlu a zu kɛ́tɛ. Kɛ́lɛ Yâwɛɛ ƃà díŋuŋ ma ƃó-nuui.

Wule-woo-ŋa 2:1

Lɔii-ŋuŋ-ŋa da tɔ̂ɔ Ɣâla ma lé mɛni ma? Nûa da tɔ̂ɔ Ɣâla ma kpɛ́ni-kpɛni lé mɛni ma?

Wule-woo-ŋa 3:3

Kɛ́lɛ yá, óo Yâwɛɛ mɛni kpɔ̂lu da a kɛ̀ pâi lâai ḿâ, yá ƃa tɔ̀ɔ berei. Yá ƃa gɛ̀ ńyee kɛ́ tɛ̀ɛ ŋ́gbɔara-ƃelai dîa, íkɛ ńii kùla.

Wule-woo-ŋa 31:6

Diai da díkpîŋ ma ɣala-ŋa kpɛtɛ, díkɛ dífɛ̂lii díƃɛlɛ fé íkoi. Kɛ́lɛ ńâai a yá.

Wule-woo-ŋa 5:6

Yâ ǹɛ́ɛ-ƃelai su-kara. Ífe wɛ́lini a núu paa-ƃela da núu pɛlɛ-ƃela.

Wule-woo-ŋa 50:15

Tãi kélee ka kɛ̂ la mɛni kpɔ̂lu sui, ka ńdoli. Ŋa pâi ká ŋuŋ maa ƃôi. À kɛ̀ tí, ka pâi ńaa maa tɛ̂i.”

Wule-woo-ŋa 57:4

Ŋ́gbɔara-ƃelai da tínaŋ ḿâ. Díkaa yɛ̂ɛ yala-sulu-ŋa nyii-ŋai ŋ̀wɛ̂lii a gɛɛ dí núu-sua míi. Dínyiŋ káa yɛ̂ɛ kpála-ŋa da sɔla-ŋa. Dínɛŋ káa yɛ̂ɛ ƃóa-sɔ̂kpɔ ŋáliɛɛ-ŋa.

Wule-woo-ŋa 58:1

Káai a ǹúu láa túɛ-ƃelai, ka mɛni sâa ƃò a ǹɛ́lɛɛ? Ka mɛni sâa ƃò a teniŋ ƃô pere?

Wule-woo-ŋa 58:3

Ŋ̀wana-lɔ̂ɔ-ƃelai da kúla berei ma a dílôloŋ tãi. É síɣe díkwâtara tãi ma, da kɛ́ a pilaŋ gɔ́ɔ ma-ƃela díkɛ lɛ́ɛ kɛ̀.

Wule-woo-ŋa 63:11

Kɛ́lɛ gâloŋ a pâi lii-nɛ̃ɛ kulâi, kpɛ́ni fêi, Ɣâla a gɛ́ a ŋɔkpɔara-ƃelai yée mɛi ɣále. Diai da díkono tèe Ɣâla yêei, da pâi laa ma tɛ̂ tɛɛ̂i Ɣâla pɔ́. Kɛ́lɛ Ɣâla a pâi ǹɛ́ɛ-ƃelai lá tɛ̂i.

Wule-woo-ŋa 72:2

Tɔɔ é ínûai mɛi káa tɔ̃yâ-pere su. Vé nɛ̀ɛ naa núu da é gôlo-ƃelai lúaŋ.

Ɛsedɔ 10:3

Nya ƃe Mose da Eelɔŋ dí lì Gâloŋ pɔ́ naa dîyɛɛ mai, “Yâwɛɛ nyii gáa a Ibulu-ŋai Díɣâlai ǹyɛɛ, ‘Tãi ɣɛɛlu ƃé ƃa pâi ŋ̀óo karâi lai? Ŋánûai lɛ́ɛ naa dí lí a gɛɛ dí vɛli.

Táre-woo-ŋa 1:22

“Káai káfa mɛni ŋá kàa a ǹɛ́lɛɛi, ka pâi lɛ̂ɛi m̀ɛnii ŋí su a tãi ɣɛɛlu? Káai a ŋ̀ɛ́lɛ-maa-ƃelai, lé-tãi ƃé ka pâi kperâi la kánîa-kɛɛ ma ɣɛlɛ-maa kɛ́ɛ sui? Káai táre fé káŋuŋ sui, káfe pâi wɔ́lɔ mɛni maa kɔ̂rii?

Ikilisiati 8:11

Da wàla mɛni nyɔ́mɔɔ kɛ́-nuu kula maa kɛ́ a maa félaa, sɔnyɔ̂ŋ a ƃûu ƃò.

Ikilisiati 9:3

É kúla nyíŋi pôlu, núu-kpune líi láa fɛ̂ɛi a sɔnyɔ̂ŋ da ƃoo-mɛni. M̀ɛni-ŋai ŋí kélee su núu kélee lì-pere káa nɔ́ tɔnɔ. Ǹyaŋ m̀ɛnii kélee kpɛɛ ŋá nɔ́ ƃa saa nyii gáa a m̀ɛni nyɔ́mɔɔi nyii a kɛ̂ a núu kéleei.

Azaya 20:5

Diai dí kíli tɔ̀ɔ Itiopia ma, díkɛ yoŋka tèe a Ize láai, da pâi ŋumɛ̂i a zu-kɛ́tɛ dí yào.

Azaya 45:17

Kɛ́lɛ Yâwɛɛ a Eezuɛ ŋuŋ ma ƃó. Lɔii-ŋuŋ da fé pâi wɔ́lɔ pɔrîi ǹyée mɛi ɣâlei. Ƃaa kûla maa fé wɔ́lɔ ŋɔ́nɔ pâi sɛ̂lɛnii dîa.’ ”

Azaya 59:4

Káfa nûa dímɛni ŋá tèe a teniŋ ƃô-pere. Káfa dɔ̂ŋ ƃô a zã́a. Ka káwoli tɔ̀ɔ nɔ́ lɛ́ɛ mɛni-ŋa dîa. Ka mɛni nyɔ́mɔɔ-ŋa kpɛ̀tɛ é pîlaŋ nûa dîa, ká gɛ́ a dîa.

Zɛlemaya 2:11

Ka táa lɔii-ŋuŋ da káa é ŋɔɣâlai maa fáleŋ, berei dífe la a tɔ̃yâ ɣalai? Kɛ́lɛ, ka ḿaa fáleŋ, ńyãai a Ŋ̀âlai nyíi dí mù wùyɛi, a ŋ̀âlai nyíi va sɛŋ kɛ̀ dîɛi.

Zɛlemaya 2:5

Yâwɛɛ è mò ǹyɛɛi, “Lé mɛni nyɔ́mɔɔ ƃé ŋá gɛ̀ a kánuu-pɔlɔ ŋai? Lé ƃé gɛ̀ dí kɛ̀ dí kɛ̀i kòyaa ḿâi? Díkɛ ɣâla da kpɛ́ni-ŋa fɛ̀li nyíi kɛ̂i fé kɛ́ ní dîai, nyíi gɛ̀ dia kpîŋ kɛ̂i fé kɛ́-ni dîai.

Zɛlemaya 9:3

Da dínɛŋ ŋáa tɛ̀ yɛ̂ɛ kerâŋ. Lɛ́ɛ mɛni nɔ́ ƃé a ƃɔ̂lɔ díla ǹɔii su, tɔ̃yâ fêi. Yâwɛɛ è mò ǹyɛɛi, “Kpɛ́ni fêi da kûla nɔ́ mɛni nyɔ́mɔɔ tɔnɔ su dí píli gbéli su. Ǹyaŋ dífe ŋ́gɔlɔŋ a dí Díɣâla.”

Osia 4:7

“Berei nɔ́ káai a zâla láa-soŋ-ƃelai ka tâmai lai, bere nɔ́ ƃé kákaa sɔnyɔ̂ŋ kɛ̂i la a ńyãa. Ŋa pâi káƃaa-kɛ-maai kɛ̂i a ŋumɛ.

Zôna 2:8

Diai da díkili pù ǹúu-kpɛtɛ-ɣâla-ŋai dîa nyii-ŋai díkaa nɔ́ kpɛ́ni-kpɛ́nii, da dípôlu tɔ̀ɔ Ɣâla ŋɔƃɛlɛ-seei ma.

Nɔŋba 14:11

Nya ƃe Yâwɛɛ è mò Mose mà ǹyɛɛi, “Ǹûai ŋí da díŋɛi nàɣîŋ ḿɛi a tãi támaa. Dífa làa a ńyãa a tãi támaa berei máŋ ŋa ŋɛi-kɛ-maa támaa kɛ́ la dísamai.

Zia-ƃelai Kɛ́-mɛni-ŋai 24:9

Zûu-ŋai máŋ yée è kɛ̀ mɛnii ŋí su. Dí mò a gɛ́ɛ mɛni-ŋai ŋí kélee è kɛ̀ ti.

Kɔleŋtiɛŋ Maa-ŋuŋ 1:31

Mɛni ma, yɛ̂ɛ berei bɔ̃yɛɛ̂i lai, “Ǹúui a yoŋka tèei, tɔɔ é yoŋka tée Kúnuu-namui maa-mɛni ma.”

Ifisiɛŋ 4:25

Mɛni ma kà kɛ̀ teêi wôya-pere ma, ká lóno a tɔ̃yâ kákɔlɛ-mâ-ƃelai pɔ, kpɛ́ni fêi, kúkaa a kúkîe-ni pɔ́ɔ.

Samia Maa-ŋuŋ 12:21

Káfe Ɣâla pɔkɔɔŋ-ŋa fɛ̀li! Wála-wala-laa kélee kpɔ́ da fé díyêei. Dífe pâi kpɔŋ ḿâa kélee da tɛɛ̂i kápɔ, kpaa máŋ dí káŋuŋ maa ƃó kà tòo mɛni kpɔ̂lu da su.