Wule-woo-ŋa 148:9 - Ŋ̀âla Kɔlɔ Maa Waai

⁹ Yée pɛlɛ-pɛlɛɛ da gbaya-kpayaa-ŋa, ka ǹáa maa tɛ́. Káai a m̀á wuru-ŋai ka ŋ̀olâ wuru-ŋai, ka ǹáa maa tɛ́.

Wule-woo-ŋa 148:9 ပူးပေါင်းရင်းမြစ်များ

Azaya 44:23

Ɣele-kɔ̂lɔŋ-ŋa, ka láɣi ɣelêi pere a koi-nɛ̃̂ɛ! Káai kélee ǹɔii kpóŋ ma perei, ka láɣi ɣelêi pere a koi-nɛ̃̂ɛ. Óo yée-ŋa, wolâ-ŋa, ka ǹɔɔ wuru-ŋai kélee ka láɣi ɣelêi pere a koi-nɛ̃̂ɛ. Ka láɣi ɣelêi pere a koi-nɛ̃̂ɛ, kpɛ́ni fêi, Yâwɛɛ a ŋɔkɛ́tɛ-laai lɛ́ kûa a Eezuɛ-ŋai ŋuŋ ma ƃóɔɔ.

Azaya 49:13

Ɣele-kɔ̂lɔŋ-ŋa, ka wule tóo! Lɔii, ye láɣi ɣelêi pere a lii-nɛ̃ɛ pere. Yée-ŋa, káa máŋ ka lii-nɛ̃ɛ wule-ŋa too ɣelêi-pere. Yâwɛɛ a ŋɔnûai ŋá-nɛnɛ. Diai mɔ̃lɛ̂i a pâi díŋɛi malôŋ kâai.

Azaya 64:1

Eêi kɛ̀ í ŋ̀ele-kɔ̂lɔŋ láa ƃò íyeŋ ǹɔii ma, ǹyée kpaya-kpayai dîi yào, díwolo, dí táa-tâa.

Azaya 42:11

Káai vɛ̃ɛ-kpâlaŋ-ŋai su taa-lee-ŋai sui, ka Ɣâla láa ma tɛ́. Káai kélee Kedɛ lɔii sui ka ǹáa ma tɛ́! Káai kélee Sila taa-leei sui, ka tɛ́ ǹyée kpaya-kpayai su, ka lii-nɛ̃̂ɛ kula.