Wule-woo-ŋa 143:8 - Ŋ̀âla Kɔlɔ Maa Waai

⁸ Íwɔlɔ-wɔlɔ wɛli-kɛ-maai kíli tóo ŋá a ɣele-wala kélee, kpɛ́ni fêi, ŋ́gili tɔɔ̂i yâ. Ŋa ífɛlii, ye ítûa-perei lɛ́ ḿâ a gɛɛ ŋá sía la.

Wule-woo-ŋa 143:8 ပူးပေါင်းရင်းမြစ်များ

Azaya 48:17

Eezuɛ Ŋɔɣâla Maa Waai, Yâwɛɛ nyii gáa a Eezuɛ ŋuŋ ma ƃó Ɣâla Maa Waai a m̀ôi ǹyɛɛi, “Ńyãa ƃa Káɣâlai Yâwɛɛ. Ŋa sɛŋ lɛ̀ kâa a gɛ́ɛ ká mɛni lɛ́lɛɛ sɔlɔ ƃó zu, ŋ́gɛ káteniŋ tɔ̀ɔ ƃɛ́i maa nɛ̃ɛ̂i ka lí naai.

Wule-woo-ŋa 46:5

Ɣâla káa daa-lee kɛ́tɛi tí su. Núu da fé pâi wɔ́lɔ naa su-karai. A pâi pâi a ɣele ƃɔ̂i kpini é kpɔŋ mâa tɛɛ bɔ́.

Wule-woo-ŋa 32:8

Yâwɛɛ, Í m̀o ḿâ yɛ̂ɛi, “Ŋa pâi ísia pere lɛ̂i yâ. Ŋa pâi íteniŋ tɔɔ̂i, ŋá ília-woo ƃó.

Azaya 30:21

Kà kɛ̀ sia-siâi, ka kɛ́ tɛ̀ ká kɛ́ yèŋ, ka pâi kɛ̂i ŋ̀óo mɛnîi kápôlu-pere, gɛ́ káteniŋ tɔ̀ɔ ǹyɛɛ kâai, “Berei ká ŋí, ka tɛɛ la.”

Wule-woo-ŋa 59:16

Kɛ́lɛ ŋa pâi wule toôi é pîlaŋ íwala-wala-laai ma. Ŋa pâi kɛ̂i wule toôi a ɣele-wala kélee é pîlaŋ íwɛli kɛ́-maa kpanaŋ ma. Yá nɔ́ ƃa ŋ́uŋ ma ƃó nuu. Ŋa kɛ̀ mɛni kpɔ̂lu su, yá ƃa ŋ́gûla zu.

Wule-woo-ŋa 143:10

Yá ƃé íkaa a Ŋáɣâlai, ítûa-pere lɛ́ ḿâ a gɛɛ ŋá sía la. Ye ḿɛi káa a ǹɛ́lɛɛ í ḿbîlaŋ pere lɛ́lɛɛ ma.

Wule-woo-ŋa 27:11

Óo Yâwɛɛ, ítûa-perei lɛ́ ḿâ. Ye ńdeniŋ tɔ́ɔ bere lɛ́lɛɛi ma pere, kpɛ́ni fêi, ŋ́gbɔara-ƃelai tâmaai.

Wule-woo-ŋa 90:14

Gɛ́ kúlii láa é fɛ́ɛ a íwɔlɔ-wɔlɔ wɛli kɛ́-maai a ɣele wâla kélee, kúlii é nɛ̃ɛ, kúkɛ wule tôo, kúkɛ koi-nɛ̃ɛ kùla é lɛ́ɛ la zu kúkɛ̀ ɣéniɛi é kpɛ́ɛ.

Zerusâlɛŋ Karáa Maa Wɔ̂lɔ-wooi 3:41

Kwa kúlii da kúyee lá ƃó Ɣâla mì kú vɛli, kûɛ mai,

Wule-woo-ŋa 86:4

Óo Ǹuu-namui, ye íyee-mu nuui líi-laa, kpɛ́ni fêi, ŋáɣâla-fɛli wooi a seri yâ.

Wule-woo-ŋa 30:5

Ŋɔlii ŋwânai su fa kôyaa. Ŋɔmaloŋ kâai káa wɔ́lɔ-wɔlɔ da wɔ́lɔ-wɔ́lɔ mɛni ma. Kwa pɔ̂ri lɛɛ̂i wɔ̂lɔi a kpíni é lɛ́ɛ la zu ɣele é ƃɔ́. Kɛ́lɛ ɣele a ƃɔ̀, lii-see a pà kúpɔ, kú pɛ́lɛ lii-nɛ̃ɛ kulâi.

Wule-woo-ŋa 119:34

Ítɔ̂ŋ ŋáa lɛ́ ḿâ, ŋa pâi m̀ɛi kâai. Ŋa pâi m̀ɛi kâai a ńii kélee.

Wule-woo-ŋa 119:73

Yá ƃé ŋ́gbɛ̀tɛ, íkɛ ḿɛi kâa. Mɛni ŋá káa tɛ́ɛ ḿbɔ, a gɛɛ ŋá ítɔ̂ŋ-ŋai kɔ́lɔŋ.

Wule-woo-ŋa 42:8

Yâwɛɛ è ŋ́wɛlini a kpíni da fólo. M̀ɛni ma, ŋa ǹáa ma tɛ́ wule tòo a kpíni da fólo ŋ́gɛ Ŋáɣâlai fɛ̂li nyii fúlu-laa tɛ̀ɛ ḿbɔi.

Wule-woo-ŋa 5:8

Yâwɛɛ, ńdeniŋ tɔ́ɔ a ítɔ̃yâ tua-perei, kpɛ́ni fêi, ŋ́gbɔara-ƃelai tâmaai. Ítûa-perei su sã́a ḿberêi a gɛɛ ŋá sía zu.

Osia 6:3

Kwaa kɔ́ kú Yâwɛɛ kɔ́lɔŋ. Ŋɔmɛni kpɛtɛɛi káa a tɔ̃yâ yɛ̂ɛ ɣele ƃɔ́ɔ. A pâi pâi kúpɔ yɛ̂ɛ sama-ya ɣele-tuna nyii a ǹɔii yɔ̂ɔi.”

M̀ɛni-sâa Ƃó-ƃelai 13:12

Manoa è mò ma ǹyɛɛ, “À kɛ̀ íwooi ŋ̀aa sèe à kɛ̀, gɛ̀ ní lé ƃé fɛ̂ɛ ǹôloŋ é gɛ́i? É ŋɔkɛ-ɣéniɛi kɛ́-pere kɛ́ léŋ?”

Samia Maa-ŋuŋ 23:12

Deeƃé ǹyɛɛ m̀ai, “Nûa kpaya-kpayai Keila da pâi kwa ŋákɔ-kuluƃa-ŋai kútɛɛ̂i Sɔ̂ɔ pɔ́?” Yâwɛɛ ǹyɛɛ m̀ai, “Ooei da pâi gɛ̂i tí.”

Wule-woo-ŋa 25:20

Ŋ́uŋ ma ƃó í ḿaa kɔ̃ɔ. Ífe ǹɛɛ naa ŋ́gbɔara-nuu da yée é tɛ́ɛ ḿâ. Ŋa pá ípɔ ŋuŋ ma ƃô mɛni ma.