Wule-woo-ŋa 13:2 - Ŋ̀âla Kɔlɔ Maa Waai

² Ŋa pâi ńii kpelêi mɛni-soli su tãi ɣɛɛlu yée mu? Tãi ɣɛɛlu ƃé ŋa pâi kɛ̂i la lii-too pôlu su a kpíni da foloi? Tãi ɣɛɛlu ƃé ya pâi ǹɛɛ̂i naa ŋ́gbɔara-ƃelai yée é tɛ́ɛ ḿâi?

Wule-woo-ŋa 13:2 ပူးပေါင်းရင်းမြစ်များ

Zɛlemaya 8:18

Ńii toɔ̂ɔi pôlu é tɛ́ɛ gɛ̂i ma. Ńii su a kara ŋ́gbonôi.

Zɛlemaya 15:18

Lé mɛni ƃé ŋa pâi kɛ̂i nɔ́ mɔ̃lɛ̂i lai? Lé mɛni ƃé ḿa pala fa kpɛ̂ɛ lai? Ya pâi gɛ̂i ńii é tóo pôlu yɛ̂ɛ ya-ɣɛli nyíi a kpâla a fólo-ɣêlei?”

Zerusâlɛŋ Karáa Maa Wɔ̂lɔ-wooi 1:5

Ŋɔkpɔara-ƃelai da kɛ́ a m̀ɛi-ƃela. Lii-sɛlɛŋ fé ŋɔ́nɔ dîa. Ɣâla Yâwɛɛ a lii-too pôlu támaa tɛ́ɛ bɔ́ ŋɔsɔnyɔ̂ŋ ŋánaai mɛni ma. Ǹônii da kɛ́ a lɔii-ŋuŋ da kpɛ́ni-ŋa su-ƃela díkpɔara-ƃelai yêei.

Ikilisiati 5:17

Gáa nɔ́ kpînii ŋɔɣéniɛi su, lii-too pôlu kɛ́tɛ da lii-ŋwana, ŋɔkili-ŋa-siai fa lî mɛni lɛ́lɛɛ ma.

Táre-woo-ŋa 15:13

Lii-nɛ̃ɛ a kûla núu ŋɛ́i ma, kɛ́lɛ lii-soli a núu su kàra.

Zôo 10:15

À kɛ̀ ŋa sɔnyɔ̂ŋ kɛ̀, mɛni kpɔ̂lu a pâi lâai ḿâ. Kɛ́lɛ à kɛ̀ ŋa teniŋ ƃô tua kɛ̀, fé pâi m̀aa laa maa tɛ̀ sɔlɔ ƃôi. Ƃaa kula-maa a ŋ́gɛ nɔ́ ŋɔ̃ɔ ŋ́gɛ mɔ̃lɛ mîi.

Felepiɛŋ 2:27

Tɔ̃yâ ma è kɛ̀ kɔ́lɛ̂i. È kɛ̀ pâi saâi. Kɛ́lɛ, Ɣâla è m̀alôŋ kàa. Ǹyaa tɔnɔ nɔ́ fei, kɛ́lɛ, è ḿalôŋ kàa ńyãa máŋ a gɛ́ɛ malôŋ támaa fé tôo má.

Lomaŋ 9:2

a gɛ́ɛ malôŋ támaa toɔɔ̂i mâ, lii-soli kɛ́ ƃo ńii su nyíi ve pâi wɔ́lɔ kperâi.

Zɔ̂ŋ 16:6

Kɛ́lɛ, a gɛɛ ŋa nyiŋi ƃó kâai, maloŋ-too-maa a kálii su fɛ́ɛ.

Maafîu 26:38

Nya ƃe è mò dîa, ǹyɛɛi, “Sâa, maloŋ a toôi ŋámɔ̂leŋ ḿâ a ŋánaa. Ka lɛ̀ɛ ƃɛ́, kú kɛ́ a kúŋɛi kúfe nyii.”

Zerusâlɛŋ Karáa Maa Wɔ̂lɔ-wooi 1:9

M̀aa lîƃi-pere a too pono ŋá. Vé kpîŋ kpáaŋ ní a m̀ɛnii pâi kɛ̂i lai. Berei è tòo la pôlui, è kɛ̀ a zu kɛ́tɛ. Núu da fé kpáaŋ ní kɛ̀ m̀ɛni ma. Gbɔara-ƃelai da ǹyée mɛi ɣále. Ǹyaŋ a wɔ̂lɔi Ɣâla Yâwɛɛ ma a gɛɛ é m̀alôŋ káa.

Wule-woo-ŋa 116:3

Saa ŋɔƃárei è kɛ̀ a ŋ̀á tɛ́ɛ ḿberêi, ƃolôŋ tínaŋɔɔ ḿâ. Yao támaa è kɛ̀ ŋ́gɔlɔ̂i, ńii toɔ́ɔ pôlu.

Wule-woo-ŋa 74:18

Óo Yâwɛɛ, gáa berei íkpɔara-ƃelai da ɣɛ́lɛ maa kulâi la íkponôi. Dífe a Ɣâla-ƃela. Dífe íkɔlɔŋ. Da díyee kulâi ímu.

Wule-woo-ŋa 74:10

Óo Ɣâla, tãi ɣɛɛlu ƃé kúkpɔara-ƃelai da pâi kɛ̂i ɣɛ́lɛ-maa kulâi la kúkponoi? Da pâi wɔ́lɔ kɛ̂i nɔ́ woo nyɔ̂ŋ pilîi yâ wɔ́lɔ-wɔlɔ da wɔ́lɔ-wɔlɔ?

Wule-woo-ŋa 42:4

Ŋa ŋ́gili ŋá sìa é pîlaŋ ŋ̀ele-ŋai dîa ŋá kâa kɛ̀ ḿarâai téniŋ tɔɔ̂i la kúkɛ lɔ̀ Ɣâla ŋɔpɛ́rɛi mui, ńii a tòo pôlu a ŋ̀ánaa. Berei da kâa kɛ̀ Ɣâla láa ma tɛ̂i la ɣelêi perei, maa koi-nɛ̃ɛ wooi tíŋ káa niî ŋ́ôlii.

Wule-woo-ŋa 31:18

Ǹɛɛ naa ǹɛ́ɛ-ƃelai lá é tɛ́, zu-mɛni kɛ̂tɛ-ƃelai, da diai deniŋ ƃô-ƃelai woo-nyɔŋ fei.

Wule-woo-ŋa 17:9

a gɛɛ ŋ̀wana-lɔ̂ɔ-ƃelai díwala-walai fé tɛ̀ɛ ḿâ. Díkaa a ḿaa kpɔara-ƃela nyɔ́mɔɔ-ŋa dítinaŋɔ̂ɔi ḿâ.

Wule-woo-ŋa 10:18

Ya pâi íwoli tɔɔ̂i diai mɔ̃lɛi da dee-lôŋ-ŋai díwɔlɔ-wooi ma. Ya pâi dímaa kɔ̃ɔ̂i a ǹɛ́lɛɛ, a gɛɛ núu-kpune fé ŋɔ́nɔ dímaa yâo.

Wule-woo-ŋa 9:6

Díta fé ŋɔ́nɔ ɣele ma. Í dísu kàra da dítaa-lee-ŋai. Da maa mɛ̂ni kíli fé ŋɔ́nɔ núu da kíli ŋá.

Wule-woo-ŋa 8:2

Nîa-pɛlɛɛ da kwâtara-ŋa kélee da ílaa maa tɛ̀ wule-woo-ŋa su. Ya íkpɔara-ƃelai kélee su kàra. Díta fa pɔ̂ri mɛni da kɛ̂i a yá.

Wule-woo-ŋa 7:2

À wàla kɛ́ tí, da pâi ńzonîi díkɛ ŋ́vala-fala yɛ̂ɛ yala-sulu a sua sôŋ gɛ́ vàla-fala. Da pâi kɛ̂i ŋ́ala-ɣalai díkɛ lì a ńyãa ǹyaŋ núu fé naa é ńgula yêei kɛ.

Ɛtɛ 7:6

Ɛtɛ è ŋ̀óo su tòo ǹyɛɛ mai, “Emaŋ nalôŋ ŋí ƃe. Gáa a kúmaa wûlu-nuu, kúkpɔara-nuu da kúmaa nɔ̃́ɔ-nuu.” Emaŋ è gâloŋ da Ɛtɛ dí ŋɛ́i kàa kpɔ́ sĩ́i é yao kpɔ́ a ŋánaa.

Niɛmaya 2:2

Nya ƃe gâloŋ è ḿarê kɛ̀ ǹyɛɛi, “Lé ƃé íŋɛi yeŋɔɔ̂i la zui, ǹyaŋ ífe kɔlɛi? Gáa yɛ̂ɛ nya ƃe mɛni da káa ílii toôi pôlu.” Nya ƃe ŋá yào.

Samia Maa-ŋuŋ 24:19

Eêi kɛ̀ íkaa a ŋákpɔara nuu Ífêi fàa ma ŋá kúla a ḿvulu. Ŋa Yâwɛɛ marê kɛ̂i a gɛ́ɛ é fela-fei kɛ́tɛ tɛ́ɛ ípɔ m̀ɛnii ŋí yâ sâa gɛ́ ḿî m̀ɛni ma.

Samia Maa-ŋuŋ 18:29

M̀ɛnii ŋí Sɔ̂ɔ yào kpɔ́ Deeƃé ma a ŋ̀ánaa. È nâa kɛ̀ a Deeƃé ŋɔkpɔara-nuu é lɛ́ɛ la zu é sáa.

Lûu 22:53

Ɣele-ƃɔ́ɔ kélee kwa kâa-ni ku kɛ̀ Ŋ̀âla-pɛrɛ Kɛ́tɛi mu, káfe káyee pɛlɛ ní mâ. Kɛ́lɛ, ka tãi ká ŋí da gbínii ŋɔwala-walai.”

Zɛlemaya 45:3

yâ m̀ôi yɛ̂, ‘Pere fé ŋɔ́nɔ ńyêei. Yâwɛɛ a ŋámɛni kpɔ̂lui da pú ma. Ŋa lɛ́ɛ nyîɛi ḿvii a kpɛɛ, ḿva pɔ̂ri máŋ ḿvii tɔɔ̂i.’

Wule-woo-ŋa 38:17

Ŋâa pá toôi. Zɛŋ sôli maai ḿâi ŋ̀á fa yêŋ.

Wule-woo-ŋa 6:4

Óo Yâwɛɛ, tínaŋ í ŋ́uŋ ma ƃó. Ŋ́uŋ ma ƃó íwɔlɔ-wɔlɔ wɛli-kɛ-maai sârai.

Zerusâlɛŋ Karáa Maa Wɔ̂lɔ-wooi 5:20

Í nìa kûa a tãi su kôyaa lé mɛni ma? Kúmaa mɛ̂ni kíli a pâi ŋɔ́nɔ kɛ̂i íkili-ŋa?