Wule-woo-ŋa 10:9 - Ŋ̀âla Kɔlɔ Maa Waai

⁹ Da kɛ̂ maa kpɛ̂ŋ kɛ̂i díloo-pere-ŋai su yɛ̂ɛ yala-sulu-ŋa. Da dílòo gôlo-ƃelai perêi. Da dísòŋ a díƃare-ŋai díkɛ dí ɣâla.

Wule-woo-ŋa 10:9 ပူးပေါင်းရင်းမြစ်များ

Wule-woo-ŋa 17:12

Díkaa yɛ̂ɛ yala-sulu kpéɣɛɛ-ŋa ƃé díŋa tɛɛ̂i a gɛɛ dí sua-ŋa soŋ.

Wule-woo-ŋa 59:3

Gáa, da gbã tée ḿberêi a gɛɛ dí ḿbaa. Ŋwana-lɔ̂ɔ-ƃela tɔɔ̂i ḿâ. Fé tá sɛŋ da kɛ́ ní a dia, kpaa máŋ mɛni nyɔ́mɔɔ da kpɛ́ni.

Maka 7:2

Tɔ̃yâ-nuu da kélee fé ŋɔ́nɔ ǹɔii su. Núu kélee fé naa nyii a yào Ɣâla mai. Ǹúui kélee a maa-kpɛ̂ŋ kɛ̂i gɛ́ pere kɔ̂ri a gɛɛ é núu páa. Núu kélee kɛ́ kɔ̀ a gɛɛ é gbɔ́ɔi nuai maa liî tée.

Wule-woo-ŋa 35:10

Ŋa pâi m̀ôi kpɔ́ ńii su pere ńyɛɛ Yâwɛɛ mai, “Núu da fé naa zeríɛɛ ípɔ. Diai pɔ̂ri mâa fé dîɛi ya dímaa kɔ̃ɔ í díkula diai yêei díwála-walai tɛɛ̂i díwɔ̂i mai, í kɛ́ diai kula yêei kɛ̀ nûa da díkɔ̃liŋ kùla díyêei a wála-wala-laai.”

Zɔ̂ŋ 10:12

Ǹúui nyii gáa nɔ́ a tíi kɛ́-nuu, vé a ƃála mɛi-kaa-nuu, nyii bɔ́ɔ fa m̀ála-ŋai, à baníŋ kàa gɛ́ pa, é m̀ála-ŋai lɛ́ɛ naa é pú. Baníŋ a tôo dísama é dítaa-taa.

Zɛkɛrâya 11:3

Ka ǹúu-mɛi-ƃela wɔ́lɔ-wôo mɛni, kpɛ́ni fêi, dínîa kɛ̂i su a kara!

Abaku 3:14

Ítɔ̃a-ŋai dí gɔ́-kuluƃai ƃɔ́ ŋɔpôlu-ƃelai sáma diai da pà yɛ̂ɛ fãa kɛ́tɛ a gɛɛ díku taa-tâai, díkɛ lii-nɛ̃ɛ kulâi, kpɛ́ni fêi, dí kɛ́ gâai da pâi gôlo-ƃelai lúanîi nyii ŋai kɛ̀ loo-pere su.

Emɔ 3:4

Yala-sulu a pɔ̂ri kpêɣei wolâai, à kɛ̀ vé niî sua soŋ ní? Yala-sulu-loŋ wóo a tɛ̂ kpɛ́ni, à wàla sɛŋ da soŋ?

Izikiɛ 22:29

Dɔɔ-ƃelai díkaa ǹɔii sui da ǹûai fîli díkɛ sãâ ŋuma. Da fili tûa kɛ̀ a gôlo-ƃelai díkɛ ŋɔ̃ya-ŋai fîli.

Zerusâlɛŋ Karáa Maa Wɔ̂lɔ-wooi 3:10

A ḿaa kpɛ́ŋ-nii yɛ̂ɛ ditala ƃé sua maa kpɛ́ŋ-nii, gɛ́ pìli, gɛ́ pà ḿâ yɛ̂ɛ yala-sulu.

Azaya 32:7

Ǹúui ŋɔtárei fé seri ní zui, káa a núu nyɔ́mɔɔ, gɛ́ mɛni nyɔ́mɔɔ sii támaa kɛ̀. A gôlo-ƃelai su kàra a ŋɔlɛ́ɛ mɛni-ŋai, va ǹɛɛ naa dí dítɔ̃yâi sɔlɔ ƃó.

Azaya 3:15

Vé lɛ́lɛ ní kɛ̀ a gɛɛ ká ŋánûai páa, ká gôlo-ƃelai kɔ̃liŋ siɣe. Ńyãai a Ŋ̀wála-wâla kélee Yâwɛɛ, ńyãa ƃé mò tí.”

Táre-woo-ŋa 28:15

Ŋwana-lɔɔ kaloŋ nyii gáa gôlo-ƃelai mɛi, gáa yɛ̂ɛ yala-sulu kpeɣeɛɛ kpaa máŋ ditala nyii puru káa mai.

Táre-woo-ŋa 22:16

Ƃà sɛŋ tɛ̂ɛ tɔɔ-nuu pɔ́ kpaa máŋ ƃà kôlo-nuu lùaŋ a gɛɛ í tɔ́ɔ, ífa mɛni lɛ́lɛɛ sɔlɔ ƃô zu a gbɛɛ ŋá.

Táre-woo-ŋa 14:31

Ǹúui a kôlo-nuu lùaŋ, a Ŋɔkpɛtɛ-nuui Ɣâla ƃɛlɛ tôo, kɛ́lɛ ǹúui a kôlo-nuu malôŋ kàai, a ƃaa-kɛ-maa tɛ̀ɛ Ɣâla pɔ́.

Wule-woo-ŋa 140:5

Su-mɛni kɛ̂tɛ-ƃela da ƃáre ŋá tɛ́ ḿberêi. Da díƃare-ŋai ŋá tɛ́ da daa-tâa ḿberêi. Da ƃáre ŋá tɛ́ bere-ŋai su a gɛɛ ŋá kɔ́ a dìa.

Wule-woo-ŋa 12:5

Yâwɛɛ è mò ǹyɛɛi, “Ŋánûai da mɔ̃lɛ̂i, zɛŋ da ŋ̀wɛ̂lii dí zɔlɔ ƃôi, dífa zɔlɔ ƃô. M̀ɛni ma, ŋa pá nâa ḿu siɣêi, ŋá díŋuŋ ma ƃó yɛ̂ɛ berei da ŋ̀wɛ́lii lai.”

Zia-ƃelai Kɛ́-mɛni-ŋai 23:21

Kɛ́lɛ, ífe íwoli tɔɔ díwoo ma. Núu tɛ̂ɛi buu náaŋ ma da kperɔ mii a gɛ́ɛ dífe mii-sɛŋ mii, kpaa máŋ dí díkpele é lɛ́ɛ la zu dí bàa. Da gbã tée berêi. Díkpɛtɛɛ̂i a gɛ́ɛ dí gɛ́ tí nyaŋ da ímaa kpɛ̂nii í m̀ɛnii ƃó dîa da pɔ̂ri gɛ̂i.”

Abaku 1:15

Da dí sòŋ a kpawɔ, dí díɣala a dítumai dí dípu dísoôi su, m̀ɛni ma dílii nɛ̃ɛ̂i dímɛni ma.

Zɛlemaya 5:26

“Ŋ̀wana lɔ̂ɔ-ƃela díkaa ŋánûai sáma. Da dílòo díperêi yɛ̂ɛ núu a deɣaŋ làa ŋɔni-ŋa perei a gɛɛ é dísoŋ lai.

Wule-woo-ŋa 37:14

Ŋ̀wana-lɔ̂ɔ-ƃelai da díƃoa sɔkpɔ-ŋai kúla daai dí díkerâŋ-ŋai ŋá tɛ́, a gɛɛ dí gôlo-ƃelai da diai pɔ̂ri mâa fé dîɛi páa la, dí dɔ̃yâ mɛni kɛ́-ƃelai su tée-tee a gbua-kpua.

Wule-woo-ŋa 109:31

Ŋa pâi gɛ̂i tí, kpɛ́ni fêi, a gôlo-ƃelai maa kɔ̃̂ɔ, gɛ́ díkùla diai yêei da kɛ̂ ŋ̀wɛ̂lii dí díŋuŋ lá pílii.

Zôo 38:40

a tãi da kɛ̂ la díkɔni wôlo-ŋai sui, kpaa máŋ í díkɔnɔŋ lɔ́ dîa dí kɔni wôloi su?