Taitɔ 3:7 - Ŋ̀âla Kɔlɔ Maa Waai

⁷ a gɛɛ é kúkɛ a tɔ̃yâ-ƃela a ŋɔƃɛlɛ-sêei kú kɛ́ a pɔɔ-sɛŋ mɛi-ƃela yɛ̂ɛ berei ŋwɔlɔ-wɔlɔ fúlu-laai ŋɔkili-kɛ-zui káa lai.

Taitɔ 3:7 ပူးပေါင်းရင်းမြစ်များ

Maafîu 25:34

Gɛ̀ ní, gâloŋ a pâi môi diai díkaa ǹáa-mii-yee mɛi-perei dîa, ǹyɛɛi, ‘Ka pá, káai Ńâŋ ŋɔlûwai káa kâai. Ka kɛ́ gâloŋ-laai su nyii gbɛtɛɛ̂i kámɛni ma é síɣe ŋ̀éniɛi kɔ́ɔ-pîlaŋ tãi mai.

Mâki 10:17

Zîsɛ kɛ́ɛ liî ŋɔsiâi mai, nalôŋ tɔnɔ è pà bɔ́ a kîrɛ é pɛ́lɛ ŋume ŋá dúɛ ǹyɛɛ m̀ai, “Kaamɔ̂ɔ lɛ́lɛɛ, lé ƃé ŋa pɔ̂ri gɛ̂i a gɛ́ɛ ŋá wɔ́lɔ-wɔlɔ fulu-laa sɔlɔ ƃói?”

Lomaŋ 11:6

Kɛ́lɛ, à kɛ̀ e dílɛ̀ ŋɔƃɛlɛ-sêei sârai, gɛ̀ ní ve dílɛ ni dítii kɛ́ɛ sârai; à wàla kɛ́ ti gɛ̀ ní Ɣâla ŋɔƃɛlɛ-sêei fe ŋɔ́nɔ pâi kɛ̂i a ƃɛlɛ-sêe.

Lomaŋ 3:24

Ɣâla a núu kélee ŋuŋ ma ƃò a ŋɔƃɛlɛ-see sama-sɛŋ Zîsɛ Kôrai sârai.

Lomaŋ 3:28

Kúlaâi la Ɣâla a núu tòli a tɔ̃yâ-nuu laa-la sarâi e kúla dɔ̂ŋ mɛi káa pôlu.

Lomaŋ 4:16

M̀ɛni ƃé m̀ɛnii kélee sɛ̂lɛŋɔɔi la laa-la ma a gɛ́ɛ Ɣâla ŋɔkono-teei é kɛ́ a ƃɛlɛ-sêe mɛni kpanaŋɔɔ Eberaɣɛ̃ɛ ŋɔsuui su-ƃelai kélee mɛni ma. Díai dɔ̂ŋ mui dia nɔ́ fêi, kɛ́lɛ, diai Eberaɣɛ̃ɛ ŋɔlaa-lai káa díyêei máŋ, kpɛ́ni fêi, ǹyaa ƃé gáa a kúkelee kúnâŋ,

Lomaŋ 4:4

Ǹúui a tíi kɛ̀i, va ŋɔfela-fei siɣe a sama-sɛŋ, kɛ́lɛ, a ziɣe a ŋɔtíi vela-fei.

Lomaŋ 8:17

À kɛ̀ ǹyaŋ kúkaa a ǹônii, kúkaa a pɔɔ-sɛŋ namela, nya ƃa kwa Kôrai-ni kúkaa a Ɣâla ŋɔpɔɔ-sɛŋ namela, à kɛ̀ kwà dîa-ni kwà mɛni-soli kàa, a gɛ́ɛ kwà dîa-ni kúfolo-laai maa é tɛ́.

Kɔleŋtiɛŋ Maa-ŋuŋ 6:11

Ǹyaŋ bere ƃe kata-ni ká kɛ̀ la. Kɛ́lɛ, dí kámaa waa, dí kálɛ, dí kákɛ a tɔ̃yâ-ƃela Kúnuu-namui Zîsɛ Kôrai láai su da Kúɣâlai Ŋɔmɔ̂leŋ.

Galesiɛŋ 2:16

é máŋ kɛ́ ti kú gɔ́lɔŋ a gɛ́ɛ núu fa kɛ̂ a tɔ̃yâ-nuu dɔ̂ŋ ŋɔtíi sarâi, kɛ́lɛ, núu a kɛ̂ a tɔ̃yâ-nuu laa-la salâi Kôrai kponôi. Kú làa máŋ a Zîsɛ Kôrai a gɛ́ɛ kú kɛ́ a tɔ̃yâ-ƃela laa-la sarâi Kôrai kponôi, kɛ́lɛ, dɔ̂ŋ ŋɔtíi kɛ́ɛ fei, kpɛ́ni fêi, núu da kélee fa kɛ̂ a tɔ̃yâ-nuu dɔ̂ŋ ŋɔtíi kɛ́ɛ sarâi.

Galesiɛŋ 3:29

Ǹyaŋ à kɛ̀ kákaa a Kôrai pɔ́ɔ, gɛ̀ ní kákaa a Eberaɣɛ̃ɛ ŋɔsuui da ŋɔpɔɔ-sɛŋ mɛi-ƃela gono-teei lá-woo ma.

Galesiɛŋ 4:7

Mɛni ma Ɣâla sarâi, káfe ŋɔ́nɔ a yée-mu-ƃela, kɛ́lɛ, kákaa a lônii, à kɛ̀ kákaa a lônii, gɛ̀ ní kákaa a pɔɔ-sɛŋ mɛi-ƃela.

Tɛsɛlôniɛŋ Veerɛi 2:16

Tɔɔ Kúnuu-namui Zîsɛ Kôrai ǹyaa kpîŋ da Kúɣâla-taa-naŋ, nyíi kúwɛ̀lii, é wɔlɔ-wɔlɔ ŋanɛnɛ tɛ̀ɛ kúpɔ da kili-kɛ-zu lɛ́lɛɛ ƃɛlɛ-sêe sarâi.

Taitɔ 1:2

Kwa dîa-ni ŋwɔlɔ-wɔlɔ fúlu-laai maa-kili kɛ-zui káa kúyêei nyíi Ɣâla, nyíi va lɛ́ɛ kɛ̀i, è góno tèe la a tãi su kôyaai.

Taitɔ 2:11

Kpɛ́ni fêi, Ɣâla ŋɔƃɛlɛ-sêei a pá núu kélee ƃalo mɛni ma.

Taitɔ 2:13

Kúkaa ǹíi-nɛ̃ɛ kili-kɛ-zui maa kpɛnii, nyíi gáa a Ŋ̀âla kɛ́tɛi, Zîsɛ Kôrai, pa mɛni fólo-laa su,

Ibulu 1:14

Díkelee dífe a tii-kɛ-mɔlêŋ-ŋa nyíi-ŋai Ɣâla è dítɛ̀ɛ a gɛɛ dí tíi kɛ́ diai mɛni ma da pâi ƃalo-laa sɔlɔ ƃôi?

Ibulu 11:7

Laa-la sarâi Nôa, nyíi mɛni-ŋai kɛ̀ pâi kɛ̂i Ɣâla è maa-mɛni tòo gíli ŋái, è ŋ̀óli tɔ̀ɔ mà é yá-ŋa-keleŋ kpɛtɛ a gɛɛ é ŋɔpɛ́rɛ-mu-ƃelai ƃálo. Ǹaa-la kɛ́ɛ ŋí sarâi Nôa è tɔ̂ŋ pù ŋ̀éniɛi ma, é kɛ́ a dɔ̃yâ-laai sɔlɔ-ƃo-nuu nyíi a pâ laa-la sarâi.

Ibulu 11:9

Laa-la sarâi Eberaɣɛ̃ɛ è kɛ̀ gono-tee-lɔii ma yɛ̂ɛ núu a li ŋɔ̃yâ-lɔii ma. È kɛ̀ sua-kɔlɔ seɣe-pɛrɛ mu yɛ̂ɛ berei Aise da Zeeka máŋ dí gɛ̀ lai, da dîa-ni dí gono-tee tɔnɔi sɔlɔ ƃô.

Ibulu 6:17

Mɛni ma tãi Ɣâla è kɛ̀ ŋ̀wɛ̂lii a gɛɛ é ǹɛ́ bɔɔ-sɛŋ sɔlɔ ƃo-ƃela dîa a gɛɛ ŋɔsapoi maa fa fâleŋ. È ǹɛ dîa a zu ponoɔ foo-woo su,

Zĩi 2:5

Ka káwoli tɔ́ɔ, ŋáwɛli-kɛ-maa ƃelai. Ɣâla fé gôlo-ƃelai lɛ́ ní ŋ̀éniɛi ŋí su a gɛɛ dí tɔ́ɔ laa-la su dí kɛ́ a Gâloŋ-laai sɔlɔ-ƃo-ƃela, nyíi è maa-kono-tee kɛ̀ diai yêei dí ŋ̀wɛli níi?

Pitɛ Maa-ŋuŋ 3:7

Sinâa, kili-ŋa-sia é kɛ́ kâa a bere tɔnɔi tí é pîlaŋ kánɛyâai dîa a berei ka pɔ̂ri tûai la a diai. Ka ƃaa-kɛ-maa tɛ́ɛ dípɔ, kpɛ́ni fêi, díwala-walai fé seri ní káwɔ̂i pɔ, kpɛ́ni fêi ŋɔ́nɔ, ka dîa-ni kákaa a vulu-laai maa-ƃɛlɛ sêei sɔlɔ-ƃo-ƃela zu tɔnɔ a gɛɛ pɔ́ɔ fé pɛlɛ Káɣâla-fɛliɛɛi ma.