Taitɔ 3:1 - Ŋ̀âla Kɔlɔ Maa Waai

¹ Doo díkili ŋá a gɛɛ dí kɛ́ dímɛi-ƃelai mû da ŋwála-wala ƃelai, dí kɛ́ a wóo-mɛni ƃela. Dí kɛ́ a díkpɛtɛɛ tíi lɛ́lɛɛ kélee mɛni ma.

Taitɔ 3:1 ပူးပေါင်းရင်းမြစ်များ

Táre-woo-ŋa 24:21

Ńoŋ, yao Ɣâla Yâwɛɛ ma da gâloŋ. Ífe pìli diai sáma da ŋ̀wɛ̂lii dí tɔ́ɔ dîai.

Ikilisiati 10:4

Ímɛi-nuu à ǹíi ŋwàna yâ, ífe kùla ŋ̀óo mu. Ímaa yeŋ-pere a pâi gɛ̂i ǹíi ŋáa é yéŋ

Azaya 43:26

“Pá kú mɛni kpɛtɛɛ kɛ́ gîe ma. Kú lí m̀ɛni sâa ƃó kerei mu í ímɛnii láa. Ímɛnii lɛ́, dí gáa à kɛ̀ gáa a tɔ̃yâ.

Zɛlemaya 27:17

Káfe káwoli tɔ̀ɔ ǹɛ́ɛ ɣala-woo ƃó-ƃelai tí dîa. Kɛ́lɛ, ká tíi kɛ́ Babelɔŋ kaloŋ mî a gɛɛ ká lɛ́ɛ ɣele ma. Mɛni da káa naa nyii ka pɔ̂ri gɛ̂i a gɛɛ daa-lêe ŋí fé lɛ̀ɛ a bûŋ? Kpao, m̀aa mɛni da fé naa.

Maafîu 22:21

Díyɛɛ ma, “Gâloŋ Siizɛ.” Nya ƃe è mò dîa, “Gɛ̀ ní zɛŋ gáa a Gâloŋ Siizɛ pɔ́ɔi, ka dɛɛ Gâloŋ Siizɛ pɔ, ǹyaŋ zɛŋ gáa a Ɣâla pɔ́ɔi, ká dɛɛ Ɣâla pɔ.”

Kɔleŋtiɛŋ Maa-ŋuŋ 15:58

Mɛni ma, ŋáwɛli-kɛ-maa-ƃelai, ka fɔlɔ-fɔlɔ, káfe síɣe kátɔɔ̂i. Ka Kúnuu-namui ŋɔtíi kɛ́ nɔ́ a tãi kélee. Ka gɔ́lɔŋ a gɛ́ɛ kátii fé kpɛ́ni-kpɛni Kúnuu-namui kponôi.

Ifisiɛŋ 2:10

Kpɛ́ni fêi, kúkaa a Ɣâla ŋɔkpɛtɛ-sãa. È kúkpɛ̀tɛ Kôrai kponôi tíi lɛ́lɛɛ-ŋa kɛ́ mɛni ma, nyíi-ŋai Ɣâla è díkpɛ̀tɛ gíli ŋá nàa tuɛ a gɛ́ɛ kú díkɛi.

Dutɛrɔnome 17:12

Ǹúui va ƃaa-kɛ-maa tɛ̀ɛ m̀ɛni-saa ƃó-nuui pɔ́ da zâla láa-soŋ-nuui nyii káloai ka Yâwɛɛ nii fɛ̂ɛ dí m̀aa-nuui páa. Fɛ̂ɛ ka zɔnyɔ̂ŋ-ƃelai kùla Eezuɛ lɔii su.

Felepiɛŋ 1:11

Kálaa fɛɛ̂i a tɔ̃yâ laa-la ŋɔƃa nyíi pa Zîsɛ Kôrai sarâi Ɣâla ŋɔfólo-laai da ŋɔlaa-maa-tɛi mɛni ma.

Kolasiɛŋ 1:10

a gɛ́ɛ kútûa-perei é kɛ́ a maa nɛ̃ɛ Kúnuu-namui mɛni ma, ǹíi é láa kpɔ́ a ǹɛ́lɛɛ, ká ƃá tíi lɛ́lɛɛ kélee su, ká ƃɔlɔ Ɣâla mɛni kɔlɔŋɔɔ su.

Temete Maa-ŋuŋ 2:2

É kɛ́ kâloŋ ŋa mɛni ma da ǹúu-mɛi-ƃelai kélee a gɛ́ɛ kú kúfulu-laai kɛ́ maa-yeŋ pere su da lii-sêe, kú Ɣâla líi láa, ƃaa kɛ́-maa é kɛ́ kúyêei pere sii kélee su.

Temete Maa-ŋuŋ 4:6

À kɛ̀ yà mɛni-ŋai ŋí pû kúƃarâai ŋɛ́i, gɛ̀ ní ya pâi kɛ̂i a Zîsɛ Kôrai ŋɔtii-kɛ-nuu lɛ́lɛɛ, gɛ̀ ní ǹaa-lai maa-wooi a pâi kɛ̂i a íkɔnɔŋ da zɛŋ-lɛɛ lɛ́lɛɛi í pîlaŋɔɔi bôlui.

Temete Maa-ŋuŋ 5:10

Bɔɔ-nɛnii nyíi da ǹáa pɔ̃yɛ kɔlɔ ma a pɔɔ-nɛnii, fɛ̂ɛ nûa dí ŋɔtíi lɛ́lɛɛi m̀aa sêre-faa kɛ́. Fɛ̂ɛ é kɛ́ a ǹúui a nîa-pɛlɛɛ kula zu, gɛ nûa soŋ a ǹɛ́lɛɛ, gɛ Ŋâla-ƃelai kɔ́ɔ maa waa, gɛ mɛni-kpɔ̂lu káa ƃelai kùla mɛni-kpɔ̂lu su, gɛ gbîŋ pu tíi lɛ́lɛɛ kɛ́ɛ su pere sii kélee sui.

Temete Veerɛi 1:6

Nyíŋi mɛni ma ŋa íkili ŋa ponôi a gɛ́ɛ í Ɣâla ŋɔsama-sɛŋ ŋɛ́i lá ƃó nyíi gáa íkponôi ǹyee-pɛlɛɛ-maai sarâi.

Temete Veerɛi 2:14

Mɛni-ŋai ŋí tóo ǹûai kíli ŋá. Mó dîa Kúnuu-namui ŋɛi a gɛ́ɛ dífe díyee pu wóo da-ni maa-sia-toɔɔ su, nyíi va pâ núu pɔ a mɛnii ǹɛ́lɛɛ̂i. Diai da díwoli tɔ̀ɔ mɛni-ŋai ŋí dîai dílaa-lai su a kara.

Temete Veerɛi 2:21

À kɛ̀ núu a gbîŋ maa waa e gbîŋ kula mɛni fii-kpɛɛ-ŋai ŋí dîa, gɛ̀ ní maa-nuui a pâi kɛ̂i yɛ̂ɛ zɛŋ-foloi gáa mɛni kpanaŋ mɛni mai. Maa-nuui a pâi kɛ̂i a maa waa, gɛ ƃo a tii-kɛ-nuu lɛ́lɛɛ bɛ́rɛ-mɛi-nuui mɛni ma, gbîŋ kpɛtɛɛ tíi lɛ́lɛɛ kélee kɛ-mɛni ma.

Taitɔ 1:16

Da díkpîŋ lɛ̀ a gɛɛ dí Ɣâla kɔ́lɔŋ, kɛ́lɛ, da m̀aa-sia tòo dítûa-perei su. Nûa dífe díkɛ-naai wɛ̂li ní. Dífe a woo-mɛni-ƃela dífa pɔ̂ri mɛni lɛ́lɛɛ sii kélee da kɛ̂i.

Taitɔ 2:14

nyíi gbîŋ tɛ̀ɛ kúmɛni ma a gɛɛ é kúmaa tée sɔnyɔ̂ŋ kélee sui, é kúmaa wáa gbîŋ mɛni ma a gɛɛ kú kɛ́ a ŋɔnûa kpîŋ-ŋa tíi lɛ́lɛɛ kɛ́ mɛni ma.

Taitɔ 3:14

Tɔɔ kúnûai dí berei maa kɔ̂ri da pɔ̂ri díkpîŋ pui la tíi lɛ́lɛɛ-kɛɛ sui, a gɛɛ dí kpɔŋ diai dîa díkaa kpɔŋ-mâa wɛ̀lii. Dífe kɛ̀ nɔ́ yɛ̂ɛ ŋ̀úrui nyíi m̀á fé ŋ̀ái.

Taitɔ 3:8

Ŋ̀óo-ŋai ŋí díkaa a tɔ̃yâ. Ŋa ŋ̀wɛ̂lii a gɛɛ í ŋ̀óo-ŋai ŋí lɛ́ kpɔ́ a gbanaŋɔɔ a gɛɛ diai dí lâai a Ɣâlai, dí díkpîŋ mɛi káa, dí díkpîŋ pú mɛni lɛ́lɛɛ-kɛɛ su. Ŋ̀óo-ŋai ŋí lɛ́lɛɛ̂i kpɔ́ a ŋ̀ánaa, dí ƃo a kpɔŋ-mâa núu-kpune mɛni ma.

Ibulu 13:21

é zɛŋ lɛ́lɛɛi kélee tɛ́ɛ kápɔ a gɛɛ ká ǹîa-mɛni kɛ́. É tíi kɛ́ kákponôi a zɛŋ nyíi ǹɛ́lɛɛ̂i ŋ̀ɛi, Zîsɛ Kôrai sarâi. Fólo-laa é kɛ́ m̀a wɔlɔ-wɔlɔ da wɔlɔ-wɔlɔ. É kɛ́ tí.

Pitɛ Veerɛi 1:12

Mɛni ma ŋa gbɛ̀tɛ ŋ́gili ŋá a tãi kélee a gɛɛ ŋa m̀ɛni-ŋai ŋí tóo kákili ŋá, berei máŋ ká díkɔlɔŋ la a dɔ̃yâi nyíi gáa káyeêi gɛ ƃo kákili ŋá a ǹɛ́lɛɛi.

Zûu 1:5

Ŋa ŋ̀wɛ̂lii ŋá mɛni tóo kákili ŋá, berei máŋ dí kákili ŋá pòno la a ǹáa fɛ́ɛ nɔ́ zu tɔnɔi, a gɛɛ ǹúui ǹûai ƃàlo é díkula Ize-lɔii sui, diai laa-la fé díyêei, é dísu kara nàa pôlu ma.