Taitɔ 2:7 - Ŋ̀âla Kɔlɔ Maa Waai

⁷ Íkpîŋ lɛ́ pere sii kélee su a mɛni-lɛ́lɛɛ-kɛɛ ŋɔŋɛ́i kɛ́-maa. Dɔ̃yâai lɛ́ da mɛni-soŋɔɔ a gbanaŋɔɔ ísɛŋ-lɛɛi su.

Taitɔ 2:7 ပူးပေါင်းရင်းမြစ်များ

Kɔleŋtiɛŋ Veerɛi 1:12

Kpɛ́ni fêi, kúyoŋka téɛɛ ká ŋí, kúkili-ŋa-siai m̀aa sêre-faai ƃa a gɛ́ɛ kwa tûa lɛ́lɛɛ kɛ́ ŋ̀éniɛi su a Ɣâla ŋɔmaa-waa-laai da ŋɔtɔ̃yâ laa-lai. Kútûa lɛ́lɛɛi dámaa káa kápɔ-pere. Kúfe gɛ̀ ní a ǹɔii ŋí su-tarei, kɛ́lɛ, kú gɛ̀ a Ɣâla ŋɔƃɛlɛ-sêei.

Kɔleŋtiɛŋ Veerɛi 2:17

Kpɛ́ni fêi, kúfe yɛ̂ɛ núu támaa nyíi-ŋai da Ɣâla ŋɔwóoi kàrai; kɛ́lɛ, kúkaa yɛ̂ɛ ǹûai díkaa a tɔ̃yâ-ƃela, Ɣâla a dímaa wáa ŋɔtíi mɛni ma, kwa lôno Kôrai kponôi Ɣâla ŋɛi.

Kɔleŋtiɛŋ Veerɛi 4:2

Kwa kúyee kúla noo-mɛni-ŋai su nyíi-ŋai díkaa a ŋumɛ-mɛnii. Kúfe fâa ma a gɛ́ɛ kú wôya maa kɔ́ri, kpaa máŋ kú Ɣâla ŋɔwóoi ƃó a maa-faleŋɔɔ. Kɛ́lɛ, kwa kúkpîŋ lɛ̀ nuu-kpune ŋɔkili-ŋa-siai ma Ɣâla ŋɛi a Ɣâla ŋɔtɔ̃yâ-wooi ƃóɔɔ pono ŋá.

Kɔleŋtiɛŋ Veerɛi 8:8

Ḿve nyíŋi ƃôi a gɛ́ɛ é kɛ́ a tɔ̂ŋ, kɛ́lɛ, ŋa m̀ôi a gɛ́ɛ ŋá káwɛli-kɛ-maai kɔɔ̂ŋ berei ma ǹúu kpeli-ŋa da mɛni sôŋ la a gbanaŋɔɔ̂i.

Ifisiɛŋ 6:24

Ƃɛlɛ-sêe é kɛ́ diai kélee dîa dí Kúnuu-namui Zîsɛ Kôrai wɛli ni a wɛli-kɛ-maa nyíi va sâai.

Felepiɛŋ 1:10

a gɛ́ɛ ka pɔ̂ri mɛni lɛ́lɛɛ lɛ̂i, a gɛ́ɛ ŋɔ́nɔ kákɛ a kámaa waa kásɔŋ fé kɛ́ káa Kôrai ŋɔɣelei mɛni ma.

Tɛsɛlôniɛŋ Veerɛi 3:9

È kɛ̀ a sɛŋ a gɛ́ɛ kú mii-sɛŋ mii káyêei kúfe vela-fei kɛ̀, kɛ́lɛ, kú mii-sãai fela-fei kɛ̀ a gɛ́ɛ kúmɛni-kɔɔŋ-maa tɛ́ɛ kápɔ kútûa-perei su ka kúpɔkɔɔŋ.

Temete Maa-ŋuŋ 4:12

Ífe ǹɛɛ naa núu da fé ŋɛi naɣîŋ ímɛi a gɛ́ɛ íkaa a lôloŋ, kɛ́lɛ, naa-la-ƃelai lɛ́ a mɛni-kɔɔŋ-maa ílono-woo su, ítûa-pere su, wɛli-kɛ-maa su, laa-la su, da maa-waa-laa.

Temete Maa-ŋuŋ 5:10

Bɔɔ-nɛnii nyíi da ǹáa pɔ̃yɛ kɔlɔ ma a pɔɔ-nɛnii, fɛ̂ɛ nûa dí ŋɔtíi lɛ́lɛɛi m̀aa sêre-faa kɛ́. Fɛ̂ɛ é kɛ́ a ǹúui a nîa-pɛlɛɛ kula zu, gɛ nûa soŋ a ǹɛ́lɛɛ, gɛ Ŋâla-ƃelai kɔ́ɔ maa waa, gɛ mɛni-kpɔ̂lu káa ƃelai kùla mɛni-kpɔ̂lu su, gɛ gbîŋ pu tíi lɛ́lɛɛ kɛ́ɛ su pere sii kélee sui.

Taitɔ 3:8

Ŋ̀óo-ŋai ŋí díkaa a tɔ̃yâ. Ŋa ŋ̀wɛ̂lii a gɛɛ í ŋ̀óo-ŋai ŋí lɛ́ kpɔ́ a gbanaŋɔɔ a gɛɛ diai dí lâai a Ɣâlai, dí díkpîŋ mɛi káa, dí díkpîŋ pú mɛni lɛ́lɛɛ-kɛɛ su. Ŋ̀óo-ŋai ŋí lɛ́lɛɛ̂i kpɔ́ a ŋ̀ánaa, dí ƃo a kpɔŋ-mâa núu-kpune mɛni ma.

Pitɛ Maa-ŋuŋ 5:3

Diai kákaa dímɛi, káfe dímɛi kàa a wala-wala-laa, kɛ́lɛ, ká kɛ́ a pɔkɔɔŋ ǹúu-kpului mɛni ma.