Taitɔ 2:2 - Ŋ̀âla Kɔlɔ Maa Waai

² Núu pɔlɔ-ŋai dí díkpîŋ su soŋ, dí kɛ́ a mɛni-soŋ-ƃela a gbanaŋɔɔ, díkili é kɛ́ díyêei. Dí kɛ́ a tɔ̃yâ-ƃela laa-la su, wɛli-kɛ-maa su, da fɔlɔ-fɔlɔ su.

Taitɔ 2:2 ပူးပေါင်းရင်းမြစ်များ

Zôo 12:12

“Ǹúu-pɔlɔ-ŋai dí tɔ̃yâ da lɛ́ɛ loai kɔ́lɔŋ. Tãi da pɔ̂lɔ lai, da târe m̀ɛni-ŋai su.

Wule-woo-ŋa 92:14

A nɛ̃ɛ ma dípɔlɔ, da pâi kɛ̂i nɔ́ ƃâi, dílaa kɛ́ ƃò a ŋúnu, díkponôi kpanaŋɔɔ a ɣele kélee.

Táre-woo-ŋa 16:31

Ŋuŋ-poa káa a ƃaa-kɛ-maa ƃɔrɔ, núu a zɔlɔ ƃô teniŋ ƃô-laa sârai.

Azaya 65:20

Kwátara-ŋa dífe ŋɔ́nɔ wɔ́lɔ pâi saâi a dí kwatara tãi. Ǹyaŋ núu-pɔ̂lɔ-ŋai da pâi lɛɛ̂i ɣele ma dí pɔlɔ kpɔ́ a ŋ̀ánaa. Diai pâi kɛ̂i ɣele ma a kóraŋ ŋuŋ tɔ̂nɔi (100), da pâi dítôli a núu-tɔ̂ɔ-ŋa. À kɛ̀ núu da a sàa tãi tí é lɛ́ɛ pâi serîi, gɛ̀ ní gáa a ŋɛi-kɛ-maa a gɛ́ɛ ńyãa ƃé gùla maa kɛ̂.

Levetekɔ 19:32

“Ka ƃaa kɛ-maa tɛ́ɛ kánuu pɔlɔ-ŋai pɔ́, ka yao mâ, Ńyãa ƃa Yâwɛɛ.

Mâki 5:15

Nya ƃe dí pà Zîsɛ pɔ́, dí ǹalôŋ káa ǹyînaŋ nyɔ́mɔɔi è kɛ̀ bôlui. È kɛ̀ seêni, m̀aa ɣiriɛ, gíli ŋá ponoɔɔ. Dí yào kpɔ́ a ŋ̀ánaa.

Lûu 8:35

Nya ƃe ǹûai dí lì a gɛɛ dí mɛnii káa kɛ̂i. Dí pà Zîsɛ pɔ, dí nalôŋ káa nyii nyînaŋ nyɔ́mɔɔ-ŋai dí kɛ̀ bôlui, gɛ ƃo seêni Zîsɛ kɔ́ɔ mu, maa ɣiriɛ, gíli ŋá ponoɔ nâa. Gɛɛ ti, dí yào.

Zia-ƃelai Kɛ́-mɛni-ŋai 24:25

Pɔ̂ɔ kɛ́ɛ a lóno a pîlaŋ tɔ̃yâ laa-la ma, da nuu-kpiŋ mɛi-kaa mai, é pɛ́lɛ m̀ɛni-ŋa-teɛɛi ma nyíi pâi pâi, Fele è yào, ǹyɛɛi, “Lí nâa. Ŋà tãi kàa ŋa pâi ítolîi.”

Lomaŋ 12:3

Ŋa mò núu kélee ma, m̀ɛlɛ-seei su nyíi dɛɛ̂i ḿbɔi, a gɛ́ɛ káfe kákpîŋ kàa a gɛ́tɛ é tɛ́ɛ berei ma kákaa lai. Kɛ́lɛ, ka kákili ŋá sia a ǹɛ́lɛɛ, yɛ̂ɛ berei Ɣâla a laa-la kɔɔ̂ŋ la núu kélee mɛni mai.

Kɔleŋtiɛŋ Maa-ŋuŋ 15:34

Ka pá pôlu ŋɔ́nɔ kákili-ŋa-sia lɛ́lɛɛ-ŋai su, káfe ŋɔ́nɔ sɔnyɔ̂ŋ kɛ̀. Kpɛ́ni fêi, Ɣâla maa-tarei fé ǹúui da-ni yêei. Ŋa nyíŋi ƃôi a gɛ́ɛ ŋa káŋumɛ.

Kɔleŋtiɛŋ Maa-ŋuŋ 9:25

Ǹúui kélee a kɔ̂ a gbanaŋɔɔ gbakpa-fulɔi sui, a gbîŋ mɛi kâa pere sîi kélee su. Da gɛ̀ a gɛ́ɛ dí m̀aa pui sɔlɔ ƃó nyíi pâi karâi, kɛ́lɛ, kúwɔ̂i fé pâi karâi.

Kɔleŋtiɛŋ Veerɛi 5:13

Kpɛ́ni fêi, à kɛ̀ kúƃoɔɔ̂i, gɛ̀ ní gáa kúloai kwa Ɣâla-ni; à kɛ̀ kútarêi gɛ̀ ní gáa kámɛni ma.

Galesiɛŋ 5:23

maa-yeŋ, da núu kpîŋ mɛi káa; ǹyaŋ tɔ̂ŋ fé nyíi-ŋai ŋí dîa.

Felepiɛŋ 4:8

Gbɛɛ ŋái, ŋánûa, m̀ɛnii nyíi kélee gáa a tɔ̃yâi, zɛŋ nyíi kélee ƃaa kɛ́-maa káa mai, tenîŋ mo-mɛni kélee, zɛŋ nyíi kélee maa waâi, zɛŋ nyíi kélee ǹɛ́lɛɛ̂i, zɛŋ nyíi kélee laa-maa-tɛ káa mai, mɛni lɛ́lɛɛ kélee à kɛ̀ naa, da zɛŋ nyíi kélee maa nɛ̃ɛ̂i dí ǹáa maa tɛ́i, ka kákili ŋá sia é pîlaŋ dîa.

Tɛsɛlôniɛŋ Maa-ŋuŋ 5:6

M̀ɛni ma kúfe nyîi yɛ̂ɛ berei ǹúu kpeli-ŋai da gɛ̀ lai, kɛ́lɛ, kwaa kɛ́ a kúŋɛi kú kɛ́ ƃô a kúŋuŋ su séɣeŋɔɔ.

Tɛsɛlôniɛŋ Maa-ŋuŋ 5:8

Kɛ́lɛ, tãi nɔ́ kúkaa la a ŋele-ƃɔɔi pɔ́ɔi, kwaa kɛ́ a kúŋuŋ su séɣeŋɔɔ, kú laa-la kɔli-kalaŋ da wɛli-kɛ-maa kɔli-kalaŋ pɛlɛ kúkeŋe lá gbaƃɛlɛi é kɛ̂ a ƃalo-laa maa-kili kɛ-zu.

Temete Maa-ŋuŋ 1:10

wulu-wulu kɛ-ƃela, zinâai da díkîe-ni kɛ̀ a nɛyâai, nuu ŋuma-ƃela, lɛ́ɛ-ƃela, wôya-kperɔ mii-ƃela, da m̀ɛni-ŋai kélee dífe dɔ̃yâ sɛŋ-lɛɛi ŋɔperei mai,

Temete Maa-ŋuŋ 1:14

Kúnuu-namui ŋɔƃɛlɛ-sêei è kɛ̀ a gɛ́tɛ ḿɛni ma da naa-lai é pɛlɛ ŋwɛli-kɛ-maai ma nyíi-ŋai díkaa Zîsɛ Kôrai kponôi.

Temete Maa-ŋuŋ 1:2

Ŋa gɔlɔi ŋí pɔ̃yɛ̂i Temete pɔ́, nyíi gáa a ŋátɔ̃yâ-loŋ naa-lai sui. Ƃɛlɛ-sêe, maloŋ-kâa, da lii-sêe dí kúla Kúnâŋ Ɣâla yêei da Kúnuu-namui Zîsɛ Kôrai dí pá ípɔ.

Temete Maa-ŋuŋ 1:5

Ǹyaŋ m̀ɛnii ŋí kwa m̀ôi ŋɔsapoi ƃa wɛli-kɛ-maa nyíi a kûla líi maa waa su da kili-ŋa-sia lɛ́lɛɛ é pɛlɛ tɔ̃yâ laa-la mai.

Temete Maa-ŋuŋ 3:11

Nɛyâai máŋ fɛ̂ɛ dí díkpîŋ mɛi kaa, dífe kɛ̀ a laa-kara-ƃela, kɛ́lɛ, dí kɛ́ a nuu sãa-ŋa mɛni kélee su.

Temete Maa-ŋuŋ 3:2

Fɛ̂ɛ Kôrai-toli-kpɔŋ ŋɔtii-mɛi-nuu é kɛ́ a ǹúui ǹáa lɛ́lɛɛ káa m̀arâa lá, nɛnî tɔnɔ nɔ́ kɛ́ ƃo ǹyêei, gɛ́ gbîŋ mɛi kâa, gíli ŋá ponoɔ, dûa-pere lɛ́lɛɛ, gɛ núu soŋ a ǹɛ́lɛɛ, sɛŋ-lɛ tare kɛ́ ƃo ǹyêei.

Temete Maa-ŋuŋ 3:4

Fɛ̂ɛ maa-nuui é gbîŋ pɛrɛi mu-ƃelai mɛi káa a ǹɛ́lɛɛ é ŋɔnîa-pɛlɛɛi tɔ́ɔ a woo-mɛni da ƃaa kɛ́-maa pere sii kélee su.

Temete Maa-ŋuŋ 3:8

Ǹyaŋ bere nɔ́ ƃe máŋ gáa la, fɛ̂ɛ díkɛŋ-ŋai dí dímɛi kaa, dífe kɛ̀ a ǹûai dínɛŋ káa díla feerɛ, dífe kɛ̀ a lɔɔ-kpele-ƃela, dífe kɛ̀ a sɛŋ-kao wɛli-ƃela.

Temete Maa-ŋuŋ 5:1

Surɔ̂ŋ nyíi ŋɔpɔlɔ-pɔlɔ-laa tɛɛ̂i yâi, ífe lòno ma, kɛ́lɛ, ǹia-woo ƃó yɛ̂ɛ ínâŋ. Zinâai nyíi-ŋai ípɔlɔ-pɔlɔ-laa tɛɛ̂i dîai, tûa a dia yɛ̂ɛ ílêɣe-ni.

Taitɔ 1:13

Zere-faai ŋí káa a tɔ̃yâ. M̀ɛni ma lóno kpɔ́ dípɔ a gbanaŋɔɔ a gɛɛ dí kɛ́ a tɔ̃yâ laa-la-ƃela.

Taitɔ 1:8

Kɛ́lɛ, fɛ̂ɛ é kɛ́ a ǹúui a nûa sòŋ a ǹɛ́lɛɛi, mɛni lɛ́lɛɛ-kɛɛ wɛ̂li-nuu, ǹúui gíli káa ǹyêei, tɔ̃yâ-nuu, núu maa wâa, da ǹúui a gbîŋ mɛi kâai.

Taitɔ 2:7

Íkpîŋ lɛ́ pere sii kélee su a mɛni-lɛ́lɛɛ-kɛɛ ŋɔŋɛ́i kɛ́-maa. Dɔ̃yâai lɛ́ da mɛni-soŋɔɔ a gbanaŋɔɔ ísɛŋ-lɛɛi su.

Falemɔŋ 1:9

é máŋ kɛ́ tí, wɛli-kɛ-maa mɛni ma ŋa ŋ̀wɛ̂lii ŋá ília-woo ƃo ńyãa Pɔ̂ɔ, ŋ́gaa a núu-pɔlɔ, ǹyaŋ ŋ́gaa nâa máŋ a luɛ Zîsɛ Kôrai mɛni mà.

Pitɛ Maa-ŋuŋ 1:13

Mɛni ma ka kákili-ŋa-siai kpɛtɛ ká kɛ́ a káŋuŋ sú séɣeŋɔɔ, ká kákili-kɛ-zui kélee pú m̀ɛlɛ-seei ma nyíi pâi kápɔ a Zîsɛ Kôrai lɛ́ ɣelei.

Pitɛ Maa-ŋuŋ 4:7

Sɛŋ kélee kpɛɛ ŋá a lɛ̂ɣɛ. M̀ɛni ma táre é kɛ́ káyêei kákili ŋá é pono Ɣâla fɛli mɛni ma.

Pitɛ Maa-ŋuŋ 5:8

Káŋuŋ-su é kɛ́ a zéɣeŋɔɔ, ká kámɛi káa. Dɛ̂ƃele nyíi gáa a kákpɔara-nuui gáa tɛɛ-tɛɛ̂i yɛ̂ɛ yala-sulu ƃe kpéɣêi gɛ núu kɔ̂ri m̀ii mɛni ma.

Pitɛ Veerɛi 1:6

Ka kátarei da pú mà a kákpîŋ mɛi-kaa, ká kákpîŋ mɛi-kaai da pú mà a fɔlɔ-fɔlɔ, ká káfɔlɔ-fɔlɔi da pú mà a Ɣâla-mɛni-kɛɛ.