Taitɔ 1:7 - Ŋ̀âla Kɔlɔ Maa Waai

⁷ Kpɛ́ni fêi, maa fé nɛ̃ɛ ní a gɛɛ Kôrai-tóli-kpɔŋ ŋɔtíi-mɛi-nuu nyíi gáa a Ɣâla ŋɔtíi-kɛ-nuui zɔŋ é kɛ́ mà. Vé kɛ̀ a yoŋka-nuu, kpaa máŋ lii fãa goi nûu, kpaa máŋ lɔ̂ɔ-kpele-nuu, kpaa máŋ namu-kɔ́-nuu, kpaa máŋ sɛŋ kao wɛ̂li-nuu.

Taitɔ 1:7 ပူးပေါင်းရင်းမြစ်များ

Pitɛ Veerɛi 2:10

é téla kɛ́ kpɔ́ a diai da díwoli tɔ̀ɔ tua-pere-nyɔŋ maa-sɛŋ-wɛliɛ ma nyíi a núu kàrai, da diai da díŋɛi nàɣîŋ ǹúu-tuɛ-ƃelai mɛi. Dílii-kpeleɛɛ, díŋuŋ su kpanaŋɔɔ, dífa yao a lóno nyɔ́mɔɔ-kɛɛ é pîlaŋ la Ɣâla ŋɔfólo-laai ma,

Ifisiɛŋ 5:18

Ŋwãai fé kákɛ̀, nyíi gáa a gɛ́-ɣeniɛ ŋuŋ fuloŋɔɔi. Kɛ́lɛ, kálaa é fɛ́ɛ a M̀ɔlêŋ.

Pitɛ Maa-ŋuŋ 5:2

Ka Ɣâla ŋɔnuu-kpului mɛi káa nyíi kákaa mɛi. Vé a sɛŋ fɛ̂ɛ nɔ́ ká gɛ́, kɛ́lɛ, ka gɛ́ é kúla kálii su yɛ̂ɛ berei Ɣâla a ŋ̀wɛ̂lii ka gɛ lai. Káfe gɛ sɛŋ mɛni ma ŋumɛ-pere su, kɛ́lɛ, ka gɛ́, kpɛ́ni fêi, ka ŋ̀wɛ̂lii kpɔ́ a ŋánaa a gɛɛ ká gɛ́.

Pitɛ Maa-ŋuŋ 4:10

Zama-sɛŋ núu kélee a zɔlɔ ƃó tɔnɔ-tɔnɔi, ka tíi kɛ́ la kákîe-ni mì yɛ̂ɛ Ɣâla ŋɔƃɛlɛ-sêe sii támaai maa-tii kɛ-ƃela.

Lûu 12:42

Nya ƃe Kúnuu-namui e mò ma, ǹyɛɛi, “Gbɛ̂ɛ ƃe ŋaŋ gáa a tenîŋ-mo-nuu kɛ́tɛ táreɛ nyii ǹâmu a pâi zeêi ŋɔpɛ́rɛ-mu-ƃelai mɛi a gɛɛ e dímii-sɛŋ tɛɛ dípɔ a tãi lɛ́lɛɛi?

Izikiɛ 44:21

Zâla láa-soŋ-ƃelai dífe ŋwã̂ai kpèle dílɛɛ pâi liî ziɣãŋ su-pere ŋ̀ɔi su.

Azaya 28:7

Ɣâla ŋɔlóno kɛ́-ƃelai da zâla láa soŋ-ƃelai dia máŋ da díkpelêi nɔ́. Da lɔɔ kpânaŋ ŋánaa-ŋa kpelêi díkɛ kɛ̀ tàka-taka. Ǹɔɔi a díŋuŋ su kɛ́ wúlee yɛ̂ɛ ƃoo-ƃela. Ɣâla ŋɔlóno kɛ́-ƃelai dífe m̀ɛni-ŋai ŋá kâai nyii Ɣâla a ŋ̀á lɛ̀ dîa zĩ̂a sui. Dífa ŋɔ́nɔ pɔri da maa mɛ̂ni ŋá lɛ̂i núu da kélee ma. Lɔɔ kpéleɛɛ a gɛ́ zâla láa soŋ-ƃelai dífe ŋɔ́nɔ pɔrîi mɛni-sâa da kélee ƃôi dí ŋ̀á tée a ǹɛ́lɛɛ.

Táre-woo-ŋa 14:17

Ǹúui ǹíi ŋwana-la nɛ̃ɛ̂i a ƃoo-tua kɛ̀, kɛ́lɛ wôya-nuu ƃɛlɛ kpɛɛ̂i núu koi.

Táre-woo-ŋa 15:18

Líi-fãa-goi-nuu a pâ a laa-saa, kɛ́lɛ ǹúui ǹíi fa ŋwàna a maa félaai, a laa-saa kpèra.

Taitɔ 2:3

Nɛnî pɔlɔ-ŋai máŋ dí kɛ́ a ƃaa-kɛ-maa ƃela dítûa-perei su. Dífe kɛ̀ a laa-kara-ƃela da lɔɔ-kpeleɛ ŋɔluɛ-ŋa. Fɛ̂ɛ dí zɛŋ lɛ́ nyíi ǹɛ́lɛɛ̂i,

Taitɔ 1:5

Ŋá ílɛ̀ɛ pôlu Kulîi a gɛɛ í mɛni-ŋai kélee kpɛtɛ nyíi-ŋai dífe niî kpɛtɛ níi, í núu-pɔlɔ-ŋa lɛ́ taa kélee su yɛ̂ɛ berei ŋá m̀o la yâi.

Felepiɛŋ 1:1

Ńyãa Pɔ̂ɔ kwa Temete kúkaa a Zîsɛ Kôrai yée-mu-ƃela, Felepâ Ɣala-ƃelai kélee da nàa Kôrai-toli-kpɔŋ ŋɔtíi-mɛi-ƃelai é pɛ́lɛ nàa dìkɛŋ-ŋai dîa nyíi-ŋai díkaa Zîsɛ Kôrai kponôi:

Maafîu 24:45

“Gbɛ̂ɛ ŋaŋ ƃa ǹyée-mu-nuu sãa táreɛɛ̂i, nyii ŋɔnuu-namui è zèe ŋɔpɛ́rɛi mu-ƃelai mɛi a gɛɛ é díŋa kɔ́ŋ tãi mai?

Ikilisiati 7:9

Ífe kɛ̀ a ǹúui a ǹíi ŋ̀wana a maa félaai. Lii-ŋwana káa a ƃoo mɛni.

Táre-woo-ŋa 16:32

Lii-kpele lɛ̂lɛɛi é tɛ́ɛ wála-wala-laa ma. Ǹúui a ǹíi maa sòŋ ǹɛ́lɛɛi é tɛ́ɛ ǹúui ma a taa yée mɛi ɣâlei.

Levetekɔ 10:9

“Ka ílônii káfe ŋwãai kpele kpaa máŋ lɔɔ kpanaŋ sii kélee da a tãi ka kɛ̀ liî la ŋápɛrɛi mui. Ka gɛ̀ tí, ka pâi saâi. Dɔ̂ŋ ká ŋí ímɛni ma ka ílônii wɔlɔ-wɔlɔ da wɔlɔ-wɔlɔ.

Zɛnɛse 49:6

Fé pâi kɛ̂i a díloo-pere su lono-ŋai kɛ́-nuu da. Fé pâi kɛ̂i a díkɔyâŋ su-nuu da. Kpɛ́ni fêi, dílii à ŋwàna, da núu pàa, Díkɛ niŋa-sîrɛ-ŋa kɔ̃̀liŋ a díŋwana-lɔ̂ɔ perei.