Taitɔ 1:2 - Ŋ̀âla Kɔlɔ Maa Waai

² Kwa dîa-ni ŋwɔlɔ-wɔlɔ fúlu-laai maa-kili kɛ-zui káa kúyêei nyíi Ɣâla, nyíi va lɛ́ɛ kɛ̀i, è góno tèe la a tãi su kôyaai.

Taitɔ 1:2 ပူးပေါင်းရင်းမြစ်များ

Azaya 1:20

Kɛ́lɛ kà wàla fáa ma, kà tɔɔ ḿâ, ka pâi saa tí-ti ƃôi. Ńyãa Yâwɛɛ ƃé mò tí.”

Nɔŋba 23:19

Ɣâla fa lɛ́ɛ kɛ̀ yɛ̂ɛ berei núu kpune a gɛ̀ lai. Va ǹíi maa fâleŋ yɛ̂ɛ berei núu-kpune a gɛ̀ lai. A ŋɔkono-tee-wooi ŋ̀á-see kɛ̀. Mɛnii a mòi, a ŋ̀á-see kɛ̀.

Maafîu 25:34

Gɛ̀ ní, gâloŋ a pâi môi diai díkaa ǹáa-mii-yee mɛi-perei dîa, ǹyɛɛi, ‘Ka pá, káai Ńâŋ ŋɔlûwai káa kâai. Ka kɛ́ gâloŋ-laai su nyii gbɛtɛɛ̂i kámɛni ma é síɣe ŋ̀éniɛi kɔ́ɔ-pîlaŋ tãi mai.

Maafîu 25:46

Ǹyaŋ nyii-ŋai da pâi liî wɔlɔ-wɔlɔ tɔŋ-kpɛ́-maa su. Kɛ́lɛ, zɔŋ-lɛlɛ-ƃelai da pâi liî wɔlɔ-wɔlɔ fulu-laa su.”

Mâki 10:17

Zîsɛ kɛ́ɛ liî ŋɔsiâi mai, nalôŋ tɔnɔ è pà bɔ́ a kîrɛ é pɛ́lɛ ŋume ŋá dúɛ ǹyɛɛ m̀ai, “Kaamɔ̂ɔ lɛ́lɛɛ, lé ƃé ŋa pɔ̂ri gɛ̂i a gɛ́ɛ ŋá wɔ́lɔ-wɔlɔ fulu-laa sɔlɔ ƃói?”

Mâki 10:30

m̀aa nuui tí a pâi pɛ́rɛ-ŋa sɔlɔ ƃôi é tɛ́ɛ ŋ̀uŋ támaa ma ŋ̀éniɛi ŋí su, da lia-surɔŋ da nɛnî-ŋa, leɣe-surɔŋ da leɣe-nɛnî-ŋa, ǹee-ní támaa, nîa-pɛlɛɛ támaa kɛ́ ƃò ǹyêei da lɔii, gbɔara-ƃela támaa máŋ. Ǹyaŋ a pâi wɔ́lɔ-wɔlɔ fulu-laai sɔlɔ ƃôi tuɛ-pere ɣéniɛi su.

Zɔ̂ŋ 10:28

ńyaŋ ŋa wɔlɔ-wɔlɔ fulu-laa tɛ̀ɛ dípɔ, ǹyaŋ díŋuŋ la fe pâi wɔ́lɔ pilîi, núu da kélee fe pâi díkulâi ńyêei.

Zɔ̂ŋ 17:2

berei ǹyaŋ ya nâa wala-wala tɛɛ bɔ lúu kélee mɛi, a gɛɛ e wɔlɔ-wɔlɔ fulu-laa tɛɛ diai kélee pɔ ya dɛɛ bɔi.

Zɔ̂ŋ 17:24

Ńâŋ, ŋa ŋ̀wɛ̂lii a gɛɛ dia nyii-ŋai ya dítɛɛ ḿbɔi dí kɛ́ ŋ́gɔlɛ ƃɛ́i ŋa naai, a gɛɛ dí ŋáfolo-laai káa nyii ya dɛɛ ḿbɔi íwɛli-kɛ-maa laai su ḿaa-mɛni ma ŋ̀éniɛi e lɛɛ pâi kɛ̂i.

Zɔ̂ŋ 5:39

Ka Ŋ̀âla-kɔlɔi su kɔ̀ri. Kpɛ́ni fêi, ka gàa kâa, nàa ƃe wɔlɔ-wɔlɔ fulu-laa káa naa, ǹyaŋ ǹyaa ƃe a ḿaa-sere-faa kɛ̀,

Zɔ̂ŋ 6:54

Ǹúui nyii a ńuu mìi é ŋ́ãai kpéle, wɔ́lɔ-wɔlɔ fulu-laa káa ǹyêei, ńyaŋ ŋa pâi m̀u siɣêi a ŋelei kpɛɛ ŋái.

Zɔ̂ŋ 6:68

Samaŋ Pitɛ e ŋ̀óo su-tòo, ǹyɛɛi, “Kúnuu-namui, gbɛ̂ɛ ƃe kwa pɔ̂ri liî bɔ? Yá ƃe ŋwɔlɔ-wɔlɔ fulu-laa-wooi káa íyeêi;

Zia-ƃelai Kɛ́-mɛni-ŋai 15:18

Kúnuu-namui ƃé mò, nyíi a mɛni-ŋai ŋí kélee lɛ̀ é síɣe gɔ́ɔ pîlanii.’

Lomaŋ 1:2

nyíi è m̀aa kono-tèe kɛ̀ nàa tuɛ ŋɔlóno kɛ́-ƃelai sârai kɔlɔ maa waai Ŋ̀âla-kɔlɔi sui.

Lomaŋ 16:25

Laa-maa-tɛ é tɛ́ɛ Ɣâla pɔ nyíi pɔ̂ri è kɛ̀ mì a gɛ́ɛ e kasu kpanaŋ yɛ̂ɛ berei ŋátuŋ lɛ́lɛɛi a mò la da berei ŋa Zîsɛ Kôrai maa-mɛni ƃo lai. Ŋorɛ-wooi ká ti nyíi wɔ́lɔ kɛ̀ noo-perei a tãi su kôyaa,

Lomaŋ 2:7

Diai da mɛni lɛ́lɛɛ kɛ̀ a lii-kpele díkɛ folo-laa kɔ̀ri, ƃaa kɛ́-maa, da wɔ́lɔ-wɔlɔ fulu-laai, Ɣâla a pâi wɔ́lɔ-wɔlɔ fulu-laa tɛɛ̂i dípɔ.

Lomaŋ 5:2

Zarâi ƃé kú m̀ɛlɛ-seei ŋí maa perei sɔlɔ ƃo naa (laa-la sârai), nyíi kúkaa tɔ̂ɔni zui, ǹyaŋ kwa lii-nɛ̃ɛ kula kúkili-kɛ-zui su a Ɣâla ŋɔfólo-laai sɔlɔ ƃóɔɔ.

Lomaŋ 5:21

Yɛ̂ɛ berei sɔnyɔ̂ŋ a saa kɛ̂ la núu kélee pôlui, bere nɔ́ ƃe máŋ m̀ɛlɛ-seei a tíi kɛ̀ la tɔ̃yâ laa-la sârai wɔ́lɔ-wɔlɔ fulu-laa mɛni ma Kúnuu-namui Zîsɛ Kôrai sârai.

Lomaŋ 5:4

lii-kpele kɛ́ pa a tua-pere lɛ́lɛ, tua-pere lɛlɛ ǹyaŋ kɛ́ pa a kili-kɛ-zu.

Lomaŋ 6:23

Sɔnyɔ̂ŋ fela-fei ƃa saa. Kɛ́lɛ, Ɣâla ŋɔƃɛlɛ-sêe sama-sɛŋ ƃa ŋ̀wɔ́lɔ-wɔlɔ fulu-laa Kúnuu-namui Zîsɛ Kôrai sarâi.

Kolasiɛŋ 1:27

Ɣâla è gbɛ̀tɛ gíli ŋá a gɛ́ɛ é ǹɛ́ berei noo-mɛnii ŋí ŋɔtɔɔ-laai da ŋɔfólo-laai kɛ́tɛ̂i la Zɛ̃tai-ŋai sama, nyíi gáa a Kôrai kákponôi. Ǹyaa ƃa volo-laai maa-kili-kɛ-zui.

Tɛsɛlôniɛŋ Maa-ŋuŋ 2:15

Dí Kúnuu-namui Zîsɛ pàa da Ɣâla ŋɔlóno kɛ́-ƃelai, dí kúkpɛ̂. Dífe Ɣâla líi laa ni. Dí tɔɔ núu kélee ma.

Tɛsɛlôniɛŋ Maa-ŋuŋ 5:8

Kɛ́lɛ, tãi nɔ́ kúkaa la a ŋele-ƃɔɔi pɔ́ɔi, kwaa kɛ́ a kúŋuŋ su séɣeŋɔɔ, kú laa-la kɔli-kalaŋ da wɛli-kɛ-maa kɔli-kalaŋ pɛlɛ kúkeŋe lá gbaƃɛlɛi é kɛ̂ a ƃalo-laa maa-kili kɛ-zu.

Temete Maa-ŋuŋ 6:12

Namu lɛ́lɛɛ kɔ́ ǹaa-lai mɛni ma. Ŋ̀wɔlɔ-wɔlɔ fulu-laai sóŋ a gbanaŋɔɔ nyíi Ɣâla è ítòli ma tãi í ílaa-lai maa-mɛni ƃò la a ǹɛ́lɛɛ sere támaa ŋɛi.

Temete Maa-ŋuŋ 6:19

Dà gɛ̀ ti, gɛ̀ ní díkaa díkpîŋ kpɛtɛ̂i tínaa tuɛ-pere mɛni ma a gɛ́ɛ dí vulu-laai sóŋ a gbanaŋɔɔ nyíi gáa a fulu-laa kpíŋ.

Temete Veerɛi 1:1

Ńyãa Pɔ̂ɔ, ŋ́gaa a Zîsɛ Kôrai pôlu-nuui da. Ɣâla è ńzìɣe zu é ŋ́gɛ a zia-ƃelai da a gɛ́ɛ ŋá vúlu-laa kono-teei è gɛ̀ Zîsɛ Kôrai sarâi maa mɛni ƃó nûa dîa. È vúlu-laa kono-teei maa mɛni ŋá lɛ̀ nyíi è gɛ̀ Zîsɛ Kôrai sarâi.

Temete Veerɛi 1:9

nyíi kúƃàlo é kútoli a tóli maa waai. Ve gɛ̀ ní a kútii ŋɔwala-walai, kɛ́lɛ, è gɛ̀ a gbîŋ-nia-mɛni ŋɔwála-walai da m̀ɛlɛ-seei nyíi è dɛ̀ɛ kúpɔ Zîsɛ Kôrai kponôi a tãi su kôyaai.

Temete Veerɛi 2:10

Mɛni ma ŋa mɛni-soli káâi diai mɛni ma Ɣâla è dílɛ̀i, a gɛ́ɛ dîa máŋ dí malo-laai sɔlɔ ƃo da ŋwɔlɔ-wɔlɔ folo-laai, nyíi-ŋai da pâ Zîsɛ Kôrai sarâi.

Temete Veerɛi 2:13

À kɛ̀ kwà wàla kɛ́ a kusã́a m̀ɛni ma, gáa a núu sã́a, kpɛ́ni fêi, va pɔ̂ri ǹyaa kpíŋ maa-sia toôi.

Temete Veerɛi 2:15

Kɔ́ a gbanaŋɔɔ í íkpîŋ tɛɛ Ɣâla pɔ yɛ̂ɛ ǹúui ǹyaa Ɣâla è fàa maa-mɛni mai, yɛ̂ɛ tii-kɛ-nuu nyíi ŋumɛ fé ŋ̀ɛi, kɛ́lɛ, è dɔ̃yâ-wooi soŋ-pere kɔ́lɔŋ a ǹɛ́lɛɛi.

Taitɔ 2:13

Kúkaa ǹíi-nɛ̃ɛ kili-kɛ-zui maa kpɛnii, nyíi gáa a Ŋ̀âla kɛ́tɛi, Zîsɛ Kôrai, pa mɛni fólo-laa su,

Taitɔ 2:7

Íkpîŋ lɛ́ pere sii kélee su a mɛni-lɛ́lɛɛ-kɛɛ ŋɔŋɛ́i kɛ́-maa. Dɔ̃yâai lɛ́ da mɛni-soŋɔɔ a gbanaŋɔɔ ísɛŋ-lɛɛi su.

Taitɔ 3:7

a gɛɛ é kúkɛ a tɔ̃yâ-ƃela a ŋɔƃɛlɛ-sêei kú kɛ́ a pɔɔ-sɛŋ mɛi-ƃela yɛ̂ɛ berei ŋwɔlɔ-wɔlɔ fúlu-laai ŋɔkili-kɛ-zui káa lai.

Zɔ̂ŋ Maa-ŋuŋ 2:25

Nyii a góno tée kúyêei, ǹyaa ƃa wɔlɔ-wɔlɔ fulu-laa.

Zɔ̂ŋ Maa-ŋuŋ 5:20

Kú gɔ̀lɔŋ Ɣâla Ǹóŋ a pá a mɛni-ŋa-kaa tɛ́ɛ kúpɔ a gɛ́ɛ kú ǹúui kɔ́lɔŋ gáa a dɔ̃yâ-nuui. Ǹyaŋ kúkaa dɔ̃yâ-nuui kponôi, ǹyaa ƃa Ǹóŋ Zîsɛ Kôrai. Ǹyaa ƃa Dɔ̃yâ-Ɣalai da wɔlɔ-wɔlɔ fulu-laai.

Zûu 1:21

Ka kákpîŋ kɛ́ Ɣâla ŋɔwɛli-kɛ-maai su. Ka Kúnuu-namui Zîsɛ Kôrai ŋɔmaloŋ kaai maa kpɛ́ŋ nyíi pâi wɔlɔ-wɔlɔ fulu-laa tɛɛ̂i kápɔi.

M̀ɛni-lɛɛi 13:8

Diai kélee díkaa ǹɔii sui, da pâi vɛlîi. Diai kélee dílaa fé niî pɔ̃yɛ ni M̀ála-loŋ ŋɔfúlu-laa kɔlɔi su, nyíi dí bàa ǹɔii kɔ́ɔ pîlaŋ tãi é lɛ́ɛ serii.

M̀ɛni-lɛɛi 17:8

Zuai í gàai, è kɛ̀ naa, kɛ́lɛ, vé ŋɔ́nɔ naa, ǹyaŋ a pâi kulâi ǹóai sú nyíi gbóŋ kɔyaŋ fé mài, é lí su-kara su. Diai díkaa ǹɔii sui, nyíi-ŋai dílaa fé niî pɔ̃yɛ ni vúlu-laa-kɔlɔi sui é síɣe ǹɔii kɔ́ɔ pîlaŋ tãi mai, díla a pâi kpálâi dîa a gɛɛ dí zuai káa, kpɛ́ni fêi, è kɛ̀ naa, ǹyaŋ vé ŋɔ́nɔ naa, kɛ́lɛ, a pâi pâi.

Samia Maa-ŋuŋ 15:29

Ǹaa pôlu ma, ŋ̀ɔ́lɔ-wɔlɔ Ɣâlai gáa Eezuɛi vé a núu-kpune. Va lɛ́ɛ kɛ̀ kpaa máŋ é ǹíi maa fáleŋ.”