Táre-woo-ŋa 6:3 - Ŋ̀âla Kɔlɔ Maa Waai

³ À kɛ̀ è kɛ̀ tí, gɛ̀ ní ya kɛ́ gba-namui tí ŋɔwála-wala-laai mu. Gɛ̀ ní m̀ɛnii nɔ́ ya pɔ̂ri gɛ̂i nya ƃa, í kîrɛ siɣe kpɔ́ a ŋánaa í lí í tóo gɔ́ɔ mu a malôŋ-pere í gbera fé.

Táre-woo-ŋa 6:3 ပူးပေါင်းရင်းမြစ်များ

Samia Veerɛi 24:14

Deeƃé è mò Gâa ma ǹyɛɛi, “M̀ɛni-ŋai ŋí kélee káa a mɛni kpânaŋ-ŋa. Tɔɔ kúlɛɛ Yâwɛɛ yêei. A pâi kúmalôŋ kâai é tɛ́ɛ la kúlɛɛ núu-kpune yêei ma.”

Kɔlɔnikɔ Veerɛi 12:5

Nya ƃe Ɣâla ŋɔlóno kɛ́-nuui Simaiya è pà Leoboaŋ da Eezuɛ láa túɛ-ƃelai pɔ́-naa a tãi dí díŋa tɛ̀ la ma Zerusâlɛŋ kpɛ́ni fêi díkɛ̀ yaôi Sisaki mai, è mò dîa ǹyɛɛi, “Yâwɛɛ è mò ǹyɛɛi, ‘Ka káyee kúla ḿû, mɛni ma ŋâa ńyee kúla ká mu Sisaki yêei.’ ”

Kɔlɔnikɔ Veerɛi 36:12

È wɔ́lɔ sɔnyɔ̂ŋ támaa kɛ Ŋɔɣâlai Yâwɛɛ ŋɛ́i. Vé ŋumɛ-maa tua kɛ ni a Zɛlemaya nyíi kɛ a Ɣâla ŋɔlóno-kɛ-nuui, nyíi a kâa Yâwɛɛ ŋɔwooi ƃoi.

Wule-woo-ŋa 31:8

Ífe tá ǹɛɛ ní naa ŋ́gbɔara-ƃelai da yée é tɛ́ɛ ḿâ. Ya ŋuŋ ma ƃô tɛ̀ɛ ḿbɔ. Ƃɛ́i kélee ŋa ŋ̀wɛ̂li ŋá lí naai, ŋa lî naa.

Ɛsedɔ 10:3

Nya ƃe Mose da Eelɔŋ dí lì Gâloŋ pɔ́ naa dîyɛɛ mai, “Yâwɛɛ nyii gáa a Ibulu-ŋai Díɣâlai ǹyɛɛ, ‘Tãi ɣɛɛlu ƃé ƃa pâi ŋ̀óo karâi lai? Ŋánûai lɛ́ɛ naa dí lí a gɛɛ dí vɛli.

Táre-woo-ŋa 6:2

Íwooi tí è tòo yâ?

Táre-woo-ŋa 6:4

Gɛ́ tí a maa félaa ílɛɛ pâi liî lâai, kpaa máŋ íŋɛi-gɔlɔŋ é wuyɛ.

Zĩi 4:10

Ka kákpîŋ maa yéŋ Kúnuu-namui ŋɛ́i-tuɛ, gɛ̀ ní a pâi kámaa tɛ̂i.