Ka káwoli tɔ́ɔ, ŋáwɛli-kɛ-maa ƃelai. Ɣâla fé gôlo-ƃelai lɛ́ ní ŋ̀éniɛi ŋí su a gɛɛ dí tɔ́ɔ laa-la su dí kɛ́ a Gâloŋ-laai sɔlɔ-ƃo-ƃela, nyíi è maa-kono-tee kɛ̀ diai yêei dí ŋ̀wɛli níi?
“ ‘Ŋá ímɛni-kpɔ̂lui kɔ́lɔŋ da íkôlo-laai kɛ́lɛ, íkaa a tɔɔ-nuu é pɛ́lɛ tɛ-ŋɛi-ƃela dîa nyíi-ŋai da díkpîŋ tòli a Zûu-ŋa, ǹyaŋ dífe lai, kɛ́lɛ, dí ƃo a Sêtɔŋ ŋɔnúu-kpului.
Ka gâai kâa kálii a nâa láa! Ka gâai kâa ka nâa tɔɔ! Ka gâai kâa kákaa nâa a kâloŋ kúŋɛi pôlu! Kâi kɛ̀ a kâloŋ a gɛ́ɛ kwa kâa-ni kú gâloŋ-laai kɛ́ gîe ma!
Ka kákɔ̂liŋ-ŋai kɔ́lɛ, ka sama-sã̂a tɛɛ gôlo-ƃelai pɔ́. Ka bɛ̂bɛ-ŋa kpɛtɛ kákpîŋ mɛni ma nyii ve pâi wɔ́lɔ pɔlɔ̂i, gáa a laai-kɛ-sɛŋ Ɣâla-taa nyii ve pâi fɛɣɛ̂i, ƃɛi ŋuma-nuu fé pâi pâi nàa kɔlɛ mai, kpaa fili fa zu karai.