Osia 9:7 - Ŋ̀âla Kɔlɔ Maa Waai

⁷ Dɔŋ-kpɛ-maa-tãi à sèri, fela-fei-tãi a sèri, Eezuɛ-ŋai da pâi gɔ́lɔnîi. Ka gâai yɛ̂ɛ “Ɣâla ŋɔlóno kɛ́-nuui ƃoɔ̂i, ǹúui m̀ɔlêŋ káa gbonôi táre fé ŋuŋ su.” Kásɔnyɔ̂ŋ da kákpɔara su kɛ̂tɛi nyii ka gɛ́ a Ɣâlai.

Osia 9:7 ပူးပေါင်းရင်းမြစ်များ

Kâloŋ Veerɛi 9:11

Tãi Zewu è kùla la é lí pôlu ḿarâa kɔ-kuluƃa-ŋai túɛ-ƃelai pɔ́i, dɔ̀nɔ è marê kɛ̀ ǹyɛɛi, “Kú mɛni naa? Lé ƃé m̀óo-nuui tí a ŋ̀wɛ̂lii?” Zewu è zu tòo ǹyɛɛi, “Ká ǹúui tí kɔ́lɔŋ da berei a lôno lai.”

Azaya 10:3

Lé ƃé ka pâi gɛ̂i tãi Ɣâla a pâ la a gɛɛ é ká kula-maa kɛi? Lé ƃé ka pâi gɛ̂i à kɛ̀ Ɣâla a kɛ̀ pâi a mɛni kpɔ̂lu gɛ́ kùla lɔii su kôyaa sui? Mí ƃé ka pâi liî naa kpɔŋ mâa mɛni mai? Ka kɛ̀ pûi, mí ƃé ka pâi kátɔɔ-sãai lɛɛ̂i naai?

Azaya 26:11

Óo Yâwɛɛ, ŋ̀wana-lɔ̂ɔ-ƃelai dífe gɔ́lɔŋ a gɛɛ ya pâi díkula maa kɛ̂i. Díkula maa kɛ́ dí mɔ̃lɛ. M̀ɛnii í gbɛ̀tɛ díkula maa kɛ́ mɛni mai gɛ́. Ǹɛ́ dîa berei í ínûai wɛ́li ní lai.

Azaya 34:8

Ŋ̀elei ŋí ƃé Yâwɛɛ a pâi Zãiyɔŋ ŋuŋ ma ƃôi la é ŋɔkpɔara-ƃelai kula maa kɛ́.

Azaya 44:25

Ŋá dɛli kpɛ́-ƃelai ƃòo, ŋá dílii su kɛ́ yùu-yuu. Ŋá táre-ƃela dítarei maa fâleŋ. Ŋá ǹɛ́ dîa a gɛɛ dítarei káa a ƃoo tûa.

Zɛlemaya 10:15

Kɛ̂i fé dîa. Díkaa nɔ́ a ɣɛ́lɛ-maa sãa. Tãi mɛni-ŋa-teɛɛ a pâi pâi la dímɛni mai, da pâi dí su karâi.

Zɛlemaya 11:23

Dí tɔnɔ kpîŋ fé pâi lɛɛ̂i, kpɛ́ni fêi, ŋa pâi pâi a mɛni nyɔ́mɔɔ Anatɔ-ƃelai dîa, nyíi pâi kɛ̂i a dímɛni-ŋa-teɛɛi maa kôraŋ.”

Zɛlemaya 16:18

Ŋa pâi díkula-maa kɛ̂i a ŋ̀á-ŋanaa dísɔnyɔ̂ŋ-ŋai da díŋwana lɔ̂ɔ-ŋai mɛ̂ni ma. Kpɛ́ni fêi da ŋálɔii maa-tĩ̂a kara, da nani pɛ́lɛ ma a díɣâla da kpɛ́ni-ŋa fɛliɛɛi. Da ŋ́gɔ̃liŋ maa-tĩ̂a kara a ŋ̀âla-da-kpɛ́ni-ŋai nyíi-ŋai díkaa yɛ̂ɛ saa, díƃɛlɛ fé ŋ́goi.”

Zɛlemaya 23:13

Ŋa zɔnyɔ̂ŋ káa nyíi Ɣâla ŋɔlóno kɛ́-ƃelai da gɛ̂i Sameriai. Díkaa lônoi Bêe ɣalai láai su, ǹyaŋ da gɛ́ ŋánûai dámaa da kula berei ma.

Zɛlemaya 25:14

Ŋa pâi gɛ̂i Babelɔŋ-ƃelai dí luɛ-tii kɛ́ kâloŋ wála-walaa támaa yée-mu lɔii-ŋuŋ da kpɛ́ni-ŋa su. Ŋa pâi díkula-maa kɛ̂i yɛ̂ɛ berei nɔ́ dí tùa la a káai.’ ”

Zɛlemaya 29:26

“Zɛfɛnâya, Yâwɛɛ a íkɛ a sâla láa-soŋ-nuu Zioada pɔ́ɔ ŋá. Yá ƃé íkaa Yâwɛɛ Ŋɔpɛ́rɛi mɛi. Ye ƃoo-nuu nyíi kélee a tûa yɛ̂ɛ Ɣâla ŋɔlóno kɛ́-nuui sóŋ. Ǹyée-kwana ɣíri, í doo kpɔnɔ ŋá, í kɔli-yɔlɛ kɛ́tɛ tóo gɔŋ ma.

Zɛlemaya 46:21

Gɔ-kuluƃai nyíi-ŋai è díkùla lɔii da kpɛ́ni sui, dífii a kpɛɛ yɛ̂ɛ niŋa-lonii. Dífe pɔri ní tɔɔ̂i gɔ́i ŋɛ́i-tuɛ. Díkelee kpɔ́ dí tìnaŋ dí pú. Dí kpaloi vólo a ƃéla, dísu-kara tãi a seri.

Zɛlemaya 6:14

Dífa sále pù ŋánûai dí palai ŋá a ǹɛ́lɛɛ, dí kɛ̀ mò dîa dîyɛɛi, ‘Lii-see é kɛ́ kâa’ nyíi va pɔ̂ri lii-see tɛɛ̂i dí pɔi.

Zɛlemaya 8:11

Dífa sále pù ŋánûai dí palai ŋá a ǹɛ́lɛɛ, dí kɛ̀ mò dîa dîyɛɛ, ‘Lii-see é kɛ́ kâa’ nyíi va pɔ̂ri lii-see tɛɛ̂i dí pɔi.

Zerusâlɛŋ Karáa Maa Wɔ̂lɔ-wooi 2:14

Ɣâla ŋɔlóno kɛ́-ƃelai da lɛ́ɛ tée-tee kɛ̂i yâ. Dífe dɔ̃yâ mɛnii ƃôi yâ nyii da gàa zĩ̂a sui. Da íkîrii dí kɛ́ ísɔnyɔ̂ŋ mɛni lòo. Mɛni-ŋai dí mò yâi, gáa a lɛ́ɛ, gɛ́ ƃò a núu piliɛɛ mɛnîi woo-ŋa.

Izikiɛ 13:10

“Kpɛ́ni fêi da kɛ̂ ŋánûai pɛlɛ̂i díkɛ mò dîa dîyɛɛi, ‘Lii-sêe é kɛ́ kâa’ a tãi lii-sêe fé la naai. Kpɛ́ni fêi ŋánûa da siɣãŋ tɔ́ɔ nyii vé kpananii kɛ́lɛ ŋ̀âla-woo ƃó-ƃelai ŋí da pá da wée-kole sia m̀a da m̀ɛi pɛ́lɛ gɛ́ ƃò yɛ̂ɛ ǹya ƃé gbanaŋɔɔ̂i.

Izikiɛ 13:3

M̀o dîa yɛ̂ɛ Ŋ̀wála-wâla kélee Yâwɛɛi ǹyɛɛi, “Kpalo ƃelaâi ǹɛ́ɛ-ɣala-woo ƃó-ƃelai ŋí dîa nyii-ŋai da díkpîŋ zĩ̂a-ŋa kpɛ̀tɛ a díkpîŋ mɛni kpɛtɛɛi ǹyaŋ dífe zĩ̂a káa nii.

Izikiɛ 25:17

Ŋa pâi díkula maa kɛ̂i kpɔ́ a ŋ̀ánaa a ŋá mɛni kpâ kulaai. Ǹyaŋ da pâi ŋálii-ŋwanai kɔlɔnîi. À kɛ̀ tí, da pâi gɔlɔnîi a gɛɛ ńyãa ƃa Yâwɛɛ.”

Izikiɛ 38:23

M̀ɛni ma, ŋa pâi ŋá kɛ́tɛ-laai da ŋá maa wâa-laai lɛ̂i dîa. À kɛ̀ tí, ŋa pâi ŋ́gbîŋ lɛ̂i lɔii-ŋuŋ támaa ma. Gɛ̀ ní, da pâi gɔ̂lɔnii a gɛɛ ńyãa ƃa Yâwɛɛ.”

Izikiɛ 9:10

M̀ɛni ma ḿve pâi díŋɛi malôŋ kaai. Dí tɔnɔ kpîŋ fé pâi lɛɛ̂i. Ŋa pâi tuai a dîa yɛ̂ɛ berei dítua la a díƃaraai.”

Osia 14:1

Óo Eezuɛ-ƃela, ka pá pôlu Káɣâlai Yâwɛɛ pɔ́, kpɛ́ni fêi, kásɔnyɔ̂ŋ a gɛ́ ka too.

Osia 5:9

Yâwɛɛ a pâi tɔ̂ŋ kpɛ̂i Eezuɛ lɔii ma. Nàa a pâi kɛ̂i a pîleŋ ŋá. Ŋa nyíŋi ƃôi zîi-ŋai kélee dîa díkaa Eezuɛ lɔii sui a gɛɛ mɛnii ŋí a pâi kɛ̂i a tɔ̃yâ.

Osia 8:13

Dí wɛ́li ní a sâla kuláa. Da sua kûla a sâla dí mii. Kɛ́lɛ, Ńyãa Yâwɛɛ ḿve wɛ́li ní la. Ǹyaŋ ḿve pâi dísɔnyɔ̂ŋ su-mɛni lɛɛ̂i. Ŋa pâi díkula maa kɛ̂i. Ŋa pâi dítɛɛ̂i pôlu Ize lɔii su.

Osia 9:8

Ɣâla ŋɔlóno kɛ́-nuui ƃé gáa a Eezuɛ-ŋai mɛi káa núu. Ɣâla a ńdɛɛ ŋɔnûai pɔ́. Kɛ́lɛ ƃɛ́i kélee ŋa lî naai, da ƃáre tɛ̀ ḿberêi yɛ̂ɛ ŋɔni. Kpɔara káa nɔ́ Ŋáɣâlai ŋɔpɛ́rɛi mu.

Emɔ 8:2

È mò ǹyɛɛi, “Emɔ, lé ƃé ƃa gâai?” Ǹyɛɛ mà, “Wúru-ƃa kpɔ̂lu kpɔlɔ tɔnɔ.” Nya ƃe Ɣâla Yâwɛɛ è mò ḿâ, ǹyɛɛ, “Ŋánûai Eezuɛ-ŋai dítãi kpɛɛ ŋá a seri. Fé pâi ŋɔ́nɔ dísu-mɛni lɛɛ̂i.

Maka 2:11

“Núui nɔ́ zɛŋ-kula yêei-kɛ-ƃelai da díwoli tɔ̀ɔ mai, ǹyaa ƃa lɛ́ɛ ɣâla-woo ƃó nuu nyii a kɛ̂ tɛɛ̂i gɛ́ mò ǹyɛɛi, ‘Ŋá pà Ɣâla-woo ƃôi káa a gɛɛ ká lɔɔ támaa sɔlɔ ƃó ká gbèle.’

Maka 7:4

Dɔ̃yâ-ƃelai dífe nûa ŋ́ɛi a sɛŋ da ǹûai sáma, dí káa nɔ́ nâa yɛ̂ɛ kala nyɔ́mɔɔ nyii a sí-sɛŋ kpɛi. Ŋ̀élei a nâa seri tãi Ɣâla a pá tɔ̂ŋ kpɛ̂i la ǹûai dîa yɛ̂ɛ berei è dília-wôo ƃò la ŋɔlóno kɛ́-ƃelai sârai.

Zɛfɛnâya 3:4

Ɣâla ŋɔlóno-kɛ-ƃelai naai, maloŋ-kaa fé díyêei, láa-la fé díyêei. Ŋɔsâla láa-soŋ-ƃelai da ƃâa kùla m̀ɛnii ma gáa a mɛni-maa-waa, da dɔ̂ŋ kàra.

Mâki 3:21

Ŋɔnûai kɛ́ɛ da m̀ɛnii mɛni è kɛ̀ gɛ̂i, díkɛ̀ gâai yɛ̂ɛ ŋ̀uŋ su a kɛ́ ma. Ǹya ƃé dí sìɣe dípɔ-taai dí lí a gɛ́ɛ dí gula naa.

Lûu 21:22

kpɛ́ni fêi, nyii-ŋai ŋi káa a mɛni-pɔɔi-kula ɣele-ŋa a gɛɛ mɛni-ŋai kélee bɔ̃yɛɛ̂i ŋa-see é kɛ́.

Kɔleŋtiɛŋ Veerɛi 5:13

Kpɛ́ni fêi, à kɛ̀ kúƃoɔɔ̂i, gɛ̀ ní gáa kúloai kwa Ɣâla-ni; à kɛ̀ kútarêi gɛ̀ ní gáa kámɛni ma.

M̀ɛni-lɛɛi 16:19

Nya ƃe daa-lee kɛ́tɛi sú è ƃèla gîei saaƃa, ǹɔii-ŋuŋ-ŋai su-taa-lee-ŋai dí wólo. Babelɔŋ kɛ́tɛi kíli è tòo Ɣâla kili-ŋá a gɛɛ è ŋɔlii-ŋwânai maa-ŋwã̂ai kpele-kɔ̂pui tɛ̀ɛ bɔ̀ é gbele.