Osia 9:4 - Ŋ̀âla Kɔlɔ Maa Waai

⁴ Dífe pâi pɔrîi lɔɔ tɛɛ̂i Yâwɛɛ pɔ́ a sama-sɛŋ. Dífe pâi ǹíi lâai a dísâla sãai. Dísâla sãai fé pâi kɛ̂i a maa waa yɛ̂ɛ mii-sɛŋ nyii da góraŋ ƃò zàa-ƃelai dîɛi. Diai kélee pâi da miî, dímaa fé pâi kɛ̂i a ŋwaa Ɣâla ŋɛi. M̀ii-sɛŋ ŋí a pâi puru kulâi nɔ́ dîa. Kɛ́lɛ vé pâi lɔ̂i Yâwɛɛ ŋɔpɛ́rɛi mu.

Osia 9:4 ပူးပေါင်းရင်းမြစ်များ

Ɛsedɔ 29:40

Fɛ̂ɛ í felaƃa fũa lɛ́lɛɛ ŋɔpãi lɔ́ɔlu mɛi saaƃa sumo a ɔle-wúlɔ lɛ́lɛɛ pãi saaƃa í díkula a sâla a mála-loŋ maa-ŋuŋ. Fɛ̂ɛ í ŋwãai pãi saaƃa kúla máŋ a kpele-sɛŋ sala.

Ɛsedɔ 40:23

É gbóloi sée ŋ̀á nyii dí dɛ̀ɛ Ɣâla pɔ́i. È gɛ̀ yɛ̂ɛ berei Yâwɛɛ è mò la mai.

Azaya 57:6

Ka kɔni-ŋa sàa, ká díkɛ a káɣâla-ŋa, ká kɛ́ dífɛ̀li. Ka kɛ̂ ŋ̀wã̂ai sama-sãa da mii-sãa sama sãa tɛɛ̂i dípɔ. Ká lâai la kátûa-pere sãŋ-ŋai ŋí ƃɛlɛ káa ŋ́goi a gɛ́ɛ ńii é kɛ́ a ǹáa káyêei?

Azaya 66:3

“Ǹûai ŋí da m̀ɛni-ŋai ŋí kàa nɔ́ a mɛni fíi kpɛɛ: Ǹúui a sâla kùla a niŋai, m̀aa-nûui a núu kùla a sâla, ǹúui a ƃála-loŋ kùla a sâlai, m̀aa-nûui a ɣîla kɔŋ ɣále, ǹúui a mii-sã̂a sala kùlai, m̀aa-nûui a sâla kùla a ƃoi ŋãa, ǹúui a kéreŋ sãa kúŋ nɛ̃ɛ sala kùlai, a sãâ da kpɛ́ni-ŋa fɛ̀li. Dílii a nɛ̃̂ɛ ɣâla da kpɛ́ni-ŋa fɛlíɛɛ su nyii m̀ɛlɛ fé ŋ́goi.

Zɛlemaya 16:7

Núu da fé pâi mii-sɛŋ da tɛɛ̂i zaa-wɔ̂lɔ kɛ́-ƃelai pɔ́ é dí ŋáa-nɛnɛ zaa-mɛnii ḿâ, kpaa máŋ é yá tɛ́ɛ dípɔ dínâŋ da dílee saa mɛni ma.

Zɛlemaya 6:20

Ŋ́gbaaŋɔɔ̂i ká kéreŋ-sɛŋ kúŋ-nɛ̃ɛ-ŋai ká kùla a dîa Siƃai dímɛni ma da zɛŋ kúŋ nɛ̃ɛ-ŋai ka bù kámii-sãai ma nyíi-ŋai ká kùla a dia lɔii su kôyaa-ŋa sui? Vé tí a dɔnɔ kpîŋ. Ńyee fé kákereŋ sama-sãai dɔnɔ kpîŋ mu. Ká sâla-ŋai dífa tela ńii làa.

Izikiɛ 24:17

Wɔ́lɔ, kɛ́lɛ ífe ǹɛɛ naa núu da é íwɔlɔ woo mɛni zaa mɛnii mâ. Í ƃɔrɔ lɔ́ íŋûa é ǹɛ́ a gɛɛ ífe malôŋ sèe ƃôi. Ífe sìa a íkɔɔ-ŋa fòlo. Ífe íŋuŋ-mɛi pɛ̂lɛ, kpaa máŋ í m̀alôŋ-see ƃó ƃelai dímii-sãai da mii.”

Izikiɛ 24:22

À kɛ̀ tí, ká pâi m̀ɛnii kɛ̂i Izikiɛ è gɛ̀i. Káfe pâi ká lá mɛi pɛlɛ̂i, kpaa máŋ kámii-sɛŋ da mii yɛ̂ɛ malôŋ-see ƃó nûu.

Danîa 1:8

Kɛ́lɛ Danîa è gbɛ̀tɛ gíli ŋá a gɛɛ vé gâloŋ ŋɔmii-sãai ŋí da mìi, kpaa máŋ é ŋwã̂ai da kpele kpɛ́ni fêi, a gɛ̀ tí màa fé pâi kɛ̂i a ŋ̀waa. Ǹya ƃe è Asipena marê kɛ̀ a gɛɛ é fáa ma.

Osia 3:4

Bere sîi tɔnɔi ŋí nɔ́ ƃé a pâi kɛ̂i la a Eezuɛ-ŋai. Dí fé pâi ŋɔ́nɔ kɛ̂i kâloŋ da mu kpaa máŋ díkɛ núu-laa-tuɛ nûu da mu a tãi su kôyaa. Dífe pâi sâla kulâi sɛŋ da kpɛ́ni ma, kpaa máŋ kɔni. Sâla láa soŋ nûu fé pâi tela kɛ̂i díyêei.”

Osia 7:16

Da tínaŋ Bêe-ɣalai pɔ́naa-pere. Díkaa yɛ̂ɛ kerâŋ-ɣɛli. Ƃóa-sɔkpɔ a pâi dílaa-tuɛ ƃelai paâi dílono nyɔ́mɔɔ-ŋai mɛni ma. Nyíŋi a pâi kɛ̂i a ɣɛlɛ-maa dîa Ize lɔii su.”

Osia 8:13

Dí wɛ́li ní a sâla kuláa. Da sua kûla a sâla dí mii. Kɛ́lɛ, Ńyãa Yâwɛɛ ḿve wɛ́li ní la. Ǹyaŋ ḿve pâi dísɔnyɔ̂ŋ su-mɛni lɛɛ̂i. Ŋa pâi díkula maa kɛ̂i. Ŋa pâi dítɛɛ̂i pôlu Ize lɔii su.

Zooɛ 1:13

Sâla-laa soŋ-ƃela, káai ká sâla kùla ŋ̀âla teƃelei mai, ka ƃɔrɔ sâa too kâa ká wɔ́lɔ. Ka lí Ŋ̀âla-pɛrɛ Kɛ́tɛi mu ká gbínii síɣe naa maloŋ tôo ma pere su, kpɛ́ni fêi, m̀ii sɛŋ da gbele sâla-sãai kélee da kpɛɛ Káɣâlai ŋɔpɛ́rɛi mu.

Zooɛ 1:9

Zâla láa-soŋ-ƃelai da wɔ̂lɔi, kpɛ́ni fêi, m̀ii-sɛŋ da gbele-sɛŋ sala-sãai da kpɛɛ Yâwɛɛ ŋɔpɛ́rɛi mu.

Zooɛ 2:14

Gbɛ̂ɛ ƃé gɔ́lɔŋ, ɣele da Íɣâlai Yâwɛɛ a pɔ̂ri ǹíi penêi, é ímalôŋ káa, é lûwa-too yâ, ísi-sɛŋ támaa sɔlɔ ƃó. Gɛ̀ ní ƃa pɔ̂ri ísi-sɛŋ m̀á da tɛɛ̂i bɔ́ da ŋwã̂ai a sama-sɛ̂ŋ.

Levetekɔ 17:11

Fúlu-sɛŋ kélee ŋɔfúlu-laai káa ŋ̀ãa su. Maa mɛni ƃé ŋa dɛ̀ɛ la kápɔ a gɛɛ ká sâla kula la ŋ̀âla-teƃelei ma kásɔnyɔ̂ŋ su mɛni lɛ̂ɛ mɛ̂ni ma. Ŋãa nyii gáa a fúlu-laai a sɔnyɔ̂ŋ siɣe.

Levetekɔ 21:17

“M̀ó Eelɔŋ ma a gɛɛ ǹóŋ nyii gɔ̃liŋɔɔ̂i vé mii-sɛŋ sala kula Ɣâla ma. Dɔ̂ŋ ŋí káa ŋɔsuui kélee mɛni ma wɔlɔ-wɔlɔ da wɔlɔ-wɔlɔ.

Levetekɔ 21:21

Eelɔŋ nyii gáa a zâla láa soŋ-nuui ǹóŋ nyii gɔ̃liŋɔɔ̂i vé pà a gɛɛ é Yâwɛɛ ŋɔmii-sɛŋ sala-sɛŋ kéreŋ.

Levetekɔ 21:6

Fɛ̂ɛ zâla láa soŋ-ƃelai díkɛ a dímaa waa Díɣâlai ŋɛ́i, dífe ƃâa kùla ǹáa ma, kpɛ́ni fêi, dia ƃé da m̀ii-sɛŋ sala sãai kêreŋ Yâwɛɛ mɛni ma. M̀ɛni ma, fɛ̂ɛ dí kɛ́ a dímaa waa.

Levetekɔ 21:8

Fɛ̂ɛ ká zâla láa soŋ-ƃelai síɣe a dímaa waa kpɛ́ni fêi, dia ƃé da m̀ii-sɛŋ salai kula sãai kêreŋ Yâwɛɛ mɛni ma. Ńyãai a Yâwɛɛ nyii kámaa waai, Ḿaa waai.

Emɔ 5:22

Berei máŋ ká kákereŋ sala-ŋai kûla la ḿâ a mii-sɛŋ sala-ŋai, fé pâi ńyee seêi dímu, kpaa máŋ ǹii-see sala-ŋai ká díkùla a zua wúlɔɔ-ŋai, fé pâi díkâai.

Malakai 2:13

M̀ɛnii dɔnɔ ká ŋí ka gɛ̂i. Ka Yâwɛɛ ŋɔteƃelei yɔ́ɔ a káŋɛi-ya kákɛ wɔ̀lɔ, kpɛ́ni fêi, Ɣâla fé ŋɔ́nɔ ǹyée seêi kásama-sãai mu ka pâ la bɔ́i.

Nɔŋba 19:11

“Ǹúui a ǹyée pɛ̀lɛ poma mai, maa-nuui maa fé waa ní a fólo lɔ́ɔlu mɛi feerɛ.

Nɔŋba 28:2

“Mó Eezuɛ-ŋai dîa a gɛɛ ŋámii-sɛŋ salai nyii gáa a kéreŋ-sala kúŋ nɛ̃ɛ ḿɛni mai, dí dɛ́ɛ ḿbɔ a dɛɛ tãi.

Nɔŋba 4:7

“Fɛ̂ɛ dí seɣe buluŋ-kɛɛ pɛ́lɛ gbólo maa waai kpɛtɛ teƃelei ŋá, dí peleti-ŋai sée ŋ̀á da géreŋ sâla kula sɛŋ-folo-ŋai, gawúlu-ŋai da gbele-sɛŋ sala kula kɔ̂pu-ŋai. Fɛ̂ɛ dí gbólo maa waai pú máŋ teƃelei ŋá.

Zɔ̂ŋ 6:51

Ńyãa ƃe ŋ́gaa a vulu-laa kpoloi nyii kùla Ɣâla-taai. À kɛ̀ núu da à gbóloi ŋí mìi, a pâi kɛ̂i ɣéniɛ wɔ́lɔ-wɔlɔ da wɔlɔ-wɔlɔ. Gbóloi ǹyaŋ ŋa pâi dɛɛ̂i ǹɔii ŋɔfúlu-laai mɛni mai, gáa a ńuu.”

Dutɛrɔnome 26:14

Fé da mii ní tãi ŋá kɛ̀ malôŋ-see ƃôi la, kpaa máŋ ŋá da kula ŋápɛrɛi mu tãi mãa fé kɛ́ ní a ŋwaa lai. Fé da kula ní saa-nûu da ma a sâla. Ŋaâ íwooi mɛni ŋa m̀ɛnii kélee kɛ́ í mò ḿâi.