Osia 9:1 - Ŋ̀âla Kɔlɔ Maa Waai

¹ Eezuɛ-ƃela, káfe lii-nɛ̃ɛ kùla. Káfe lii-nɛ̃ɛ kùla yɛ̂ɛ lɔii da kpɛ́ni su-ƃela. Kpɛ́ni fêi, káfe a tɔ̃yâ-ƃela Káɣâlai mɛni ma. Ka pîlaŋ ŋ̀ulu-wulu kɛ́-nɛyaai pôlu zãâ-taŋ kwaa-ŋai ma.

Osia 9:1 ပူးပေါင်းရင်းမြစ်များ

Wule-woo-ŋa 73:27

Diai dífe kpáaŋ ní ímaa mɛ̂ni mai, da pâi saa tí-ti ƃôi. Diai dífe teniŋ ƃô níi, ya pâi dísu karâi.

Azaya 17:11

À kɛ̀ zí-sãai ŋí da sòo dí poa nɔ́ a tãi ká dísi lai, ká fé pâi dí ƃá kulâi. Ka pâi kɛ̂i nɔ́ naa mɛni kpɔ̂lu tee-tee su, lii-too pôlu ŋánaa kɛ́ ƃò kâa.

Zɛlemaya 2:19

Ka kpɔɔi tua-pere nyɔ̂ŋ a pâi ká kula maa kɛ̂i. Kpɛ́ni fêi káka pôlu tɔ̀ɔ ḿâi, ka pâi mɛni ŋá téɛɛ sɔlɔ ƃôi. Ka pâi gɔ́lɔnîi a gɛɛ mɛni nyɔ́mɔɔ da saa da pâi pâi ká pɔ́ à kɛ̀ ka kápôlu tɔ̀ɔ Yâwɛɛ Káɣâlai ma, ǹyaŋ káfa ŋɔ́nɔ yào ḿâa tɛ̀ɛ ḿbɔ. Ńyãai ŋ́gaa a Ŋ̀wála-wâla kélee Yâwɛɛi, ńyãa ƃé mò tí.”

Zɛlemaya 2:20

Ŋ̀wála-wâla kélee Yâwɛɛi è mò ǹyɛɛi, “Tãi su kôyaa yée mu, ká káyee kùla ŋá wála-wala laai mu, ká tɔ́ɔ kákpîŋ yee ma. Ká mò kâai, ‘Ḿve pâi vɛliî,’ kɛ́lɛ tãi ká kɛ̂ ká ɣâla da kpɛ́ni-ŋai fɛliî lai, ka kɛ̂ lɔ-pɔ̂rɔŋ kɛ̂i ǹyée-ŋai ma da ŋ̀úru-ŋai mu, káɣâla mɛni kɛ́ɛ maa-pere su.

Zɛlemaya 44:17

M̀ɛnii nɔ́ kú mòi, ǹyaa nɔ́ ƃé kwa pâi gɛ̂i. Kwa pâi sâla kulâi kúɣâla-nɛnii ma, nyíi gáa a Ŋ̀âla-taa Kâloŋ-nɛnii. Kwa pâi kpele-sɛŋ sala kulâi m̀a yɛ̂ɛ berei nɔ́ kwa kúnâŋ pɔlɔ-ŋai, kúkâloŋ-ŋai da kúlaa túɛ-ƃelai kwa kâa gɛ̀ la daa-ŋai su Zuda da Zerusâlɛŋ pere-ŋai mai. Tãi tí ma, mii-sɛŋ támaa è kɛ̀ kúyêei, kúkɔ̃liŋ támaa, mɛni kpɔ̂lu da fé kúpôlu.

Zerusâlɛŋ Karáa Maa Wɔ̂lɔ-wooi 4:21

Káai a Idɔŋ da Uzi-lɔii su-ƃelai, ka ɣɛ́lɛ, ká lii-nɛ̃ɛ kula. Kɛ́lɛ káwɔ̂ mɛni kpɔlui maa tãi a pâi. Ka pâi kɛ̂i siâi taka-taka yɛ̂ɛ lɔɔ kpele-ƃela, ká kɛ́ kákaŋ lɛ̂.

Izikiɛ 16:15

“Kɛ́lɛ í ímàŋ ílɛlɛ-laai mâ íkɛ wulu-wulu kɛ, kpɛ́ni fêi ímaa-tûŋ è taa-taa kwaa kélee m̀â.

Izikiɛ 16:30

Ŋ̀wála-wâla kélee Yâwɛɛi è mò ǹyɛɛi, “Í m̀ɛnii ŋí kɛ nɔ́ yɛ̂ɛ wulu-wulu kɛ́ nuu nyii ŋumɛ fé mai.

Izikiɛ 20:32

Ka gbɛ̀tɛ kákili ŋa a gɛɛ ka ŋ̀wɛ̂li ká kɛ yɛ̂ɛ ǹɔii ŋuŋ ŋai díkaa ká kɔlɛ mai, ká kɛ yɛ̂ɛ ǹûai díkaa ká kɔlɛ ǹɔii ŋai sui a gɛɛ ká kɛ ŋ̀úru-ŋai da gɔni-ŋai fɛli. Kɛ́lɛ, vé pâi kɛ̂i a dɔnɔ kpîŋ.

Izikiɛ 21:10

Ŋ̀a liɛɛ̂i núu paa mɛni ma, ŋ̀waa gɛ kɛ́ mãla-mãla yɛ̂ɛ ŋ̀ele-gbâna. Nuu da fé naa é lii-nɛ̃ɛ kula, kpɛ́ni fêi ŋánûai dífe díyee see ni ŋá lia-wooi da ŋá mɛni kula maa kɛɛi mu dí díyee sèe sɛŋ nyii gáa a wuruii mù.

Osia 10:5

Sameria-ƃelai kpáaŋɔ̂ɔi díkɛ kpɛ̃liŋ díɣâla niŋa-loŋ pɔkɔɔŋ mɛ̂ni ma Bɛtɛ taa-leei su. Ŋɔnûai da pâi wɔ̂lɔi mɛ̀ni ma. Ŋɔɣâlai ŋɔsâla láa-soŋ-ƃelai da pâi gbêɣe toôi mɛ̀ni ma, kpɛ́ni fêi, ƃaa kɛ́-maa fé ŋɔ́nɔ mà.

Osia 2:12

Ŋa pâi ŋɔkpɔmɔ-ƃa wuru-ŋai da ŋɔfîi wurui paâi nyii a mò ǹyɛɛ, ‘Ḿbɔɔ ƃa dia. Ŋáwɛli-ŋai ƃé dí tɛ̀ɛ ḿbɔ a ŋá fela fêi.’ Berei máŋ è m̀ɛni-ŋai ƃò lai, ŋa pâi dí lɛɛ̂i naa lɔɔ-sûa-ŋa dí mìi.

Osia 4:12

Ŋánûai díkaa wúru-gbua marê kɛ̂i nyii da gbɛ̀tɛ a díɣâlai sɛŋ da mɛni ma, díkɛ ŋɔ́nɔ dímarê kɛ̀ a gɛɛ dí m̀ɛnii lɛ́ dîa nyii pâi kɛ̂i nàa tuɛi. Wulu-wulu kɛ́ɛ a díkula berei ma, da ńɛɛ díkɛ Ɣâla da kpɛ́ni fɛ̀li.

Osia 5:4

Dítûa-pere-ŋai da gɛ́ dífa pɔ̂ri pâi pôlu Díɣâlai pɔ́. Kpɛ́ni fêi, wulu-wulu kɛ́-mɛni káa díkponôi dífe ŋ́gɔlɔŋ ńyãa Yâwɛɛ.

Osia 5:7

Dífe niî kɛ́ ní a tɔ̃yâ-ƃela Yâwɛɛ ŋɛ́i. Ǹyaŋ vé pâi dílônii kɔ́lɔŋ-nii. Dí lɛ́ɛ ɣala mɛni kɛ́ɛ-ŋai a pâi dísu karâi da dílɔii.

Emɔ 3:2

“Káa nɔ ƃe ŋá kálɛ ǹɔii-ŋûŋ-ŋai kélee sama. M̀ɛni ma ŋa pâi tɔ̂ŋ kpɛ́i kâa kásɔnyɔ̂ŋ-ŋai kélee mɛni ma.

Emɔ 4:5

Ka kpólo kéreŋ a sɛɣɛi fei-sala, nyii tɛ́-sɛŋ káa zui, ká káɣâla sama-sɛŋ maa-lolo too a gɛɛ núu kélee é gɔ́lɔŋ kpɛ́ni fêi, nyíŋi ƃé ká ŋ̀wɛli ní a gɛɛ ká gɛ́, káai a Eezuɛ-ƃelai!”

Emɔ 6:13

Káai ka lii-nɛ̃ɛ kùla Lo-diƃa mɛni ma, kákɛ mò kâa, “Kúfe Kanayiŋ siɣe ní a kúpɔɔ a kúkpɔɔi wala-wala?”

Emɔ 8:10

Ŋa pâi kákuu-ŋai penêi a wɔ́lɔ-kuu, ŋá káwule-ŋai kélee pene a wɔ́lɔ-woo. Ŋa pâi maloŋ tôo-maa sêɣe toôi kákelee káleŋei, ŋá kpúlaŋ tóo kaŋûa nyii pâi ǹɛ̂i a gɛɛ kákaa maloŋ tôo-maa su. Ká pâi kɛ̂i wɔ̂lɔi yɛ̂ɛ núu ƃé lóŋ tɔnɔ kpéŋ maa-wɔlɔ kɛ̂i. M̀ɛni-ŋai ŋí kélee kpɛɛ-ŋa a pâi kɛ̂i a maloŋ too-maa kɛ́tɛ.”

Zĩi 4:16

Yɛ̂ɛ berei gáa lai, m̀ɛnii ka gbɛ̀tɛ kákili ŋái, ǹya ƃe ka maa yoŋka tèe. Ǹyoŋka sii tí kélee káa a mɛni nyɔ́mɔɔ.

Zĩi 5:1

Kâloŋ-ŋa, ka tɔ̀ɔ. Ka wɔ́lɔ a káwoo sú kɛ́tɛ m̀ɛni-kpɔ̂lu-ŋai mɛni ma nyíi-ŋai pâi laai kâai.