Osia 8:9 - Ŋ̀âla Kɔlɔ Maa Waai

⁹ Eezuɛ-ŋai da lí Asiria lɔii su yɛ̂ɛ wɛlɛ-sôo-ŋa ƃé dí sáa kɔ̂rii a gɛɛ dí tɛ́ dí kɛ́ tɛ̀ɛ-tɛɛ nɔ́ díŋuŋ ma díkɛ díkpɔŋ maa-ƃela kɔ̀ri. Da nâa díwɛli kɛ́ maa-ƃela káa.

Osia 8:9 ပူးပေါင်းရင်းမြစ်များ

Kâloŋ Veerɛi 15:19

Tãi Minaŋɛŋ è kɛ̀ la ŋɔkâloŋ-laai sui, Asiria kaloŋ Tigila Pileza è kɔ́ pɛ̀lɛ Eezuɛ lɔii ma. È fàa ma é kpɔŋ-mâa tɛɛ Minaŋɛŋ pɔ́ naa a gɛɛ é tûa ŋɔkâloŋ-laai su, à kɛ̀ Minaŋɛŋ a fàa ma é sɛŋ kâo kole kpua-kpua ŋɔpãŋ wála buu lɔ́ɔlu mɛi feerɛ káo lɔ́ɔlu mɛi da (76,000) tɛɛ bɔ́.

Azaya 30:2

Da lî Ize dímaa kɔ̃ɔ mɛ̂ni ma nyíi ŋ́gɔlɔŋ fé zui. Dífa ḿarê kɛ̀ dília-wôo ƃó mɛ̂ni ma. Dílâai a Ize kaloŋ a gɛ́ɛ a pɔ̂ri díŋuŋ ma ƃôi.

Azaya 30:6

Ŋ̀orɛ̂-wooi ká ŋí Ɣâla è dɛ̀ɛ é pîlaŋ Zuda lɔii kwára-pere fɛ̃ɛ-kpalaŋ su sua-ŋai dîai: “Diai díkaa a ǹɔii ŋɛ́i-gao-ŋai da tɛ̀ɛ lɔii-ŋuŋ nyɔ́mɔɔ-ŋa su. Ǹɔii ŋuŋ-ŋai ŋí láa-fɛ̂ɛi a yala-sulu-ŋa, kali nyɔ́mɔɔ-ŋa da ŋ́gɔ-ŋgɔ kali-ŋa. Zuda láa túɛ-ƃela kpaya-kpayai dí díkɔ̃̂liŋ sɔ̃ɔ kpanaŋɔɔ-ŋa pù wɛlɛ-sôo-ŋa da soo-fáleŋ-ŋa pôlu dí lí a dia lɔii ŋuŋ da su-ƃela pɔ́ a sama-sã̂a nyíi-ŋai dífa pɔ̂ri kpɔŋ mâa da sɔlɔ ƃôi díyêei.

Zɛlemaya 2:24

Ká kaa nɔ́ yɛ̂ɛ wɛlɛ-sôo sàa nyíi gáa vɛ̃ɛ-kpâlaŋ sui, ŋ̀wɛlɛ-sôoi nyíi gbɔɣɛɛ̂i, va pɔ̂ri tɔɔ̂i tɔ̀ŋ. Wɛlɛ-soo sirɛ nyíi kélee nɔ́ a gàai, da ǹyaa da tɛ̂. Tãi dɛ́-tãi a sêri lai, ya gàa nɔ́ kwaa kélee ma.

Osia 12:1

Eezuɛ a vãai kpɛ̂i a ɣele láa-ƃoɔɔ su kôyaa. M̀ɛnii kélee da gɛ̀i gáa nɔ́ kpɛ́ni-kpɛni. Da lɛ́ɛ-mɛni támaa kpɛ̀tɛ, díkɛ ŋwana-lɔ̂ɔ kɛ̀, díkɛ laoi-laa kɛ̀ da Asiria lɔii, díkɛ ŋɔ́nɔ lì a wúlɔ Ize-lɔii su a sama-sɛŋ.

Osia 12:2

Yâwɛɛ a mɛni ƃôi a Zuda-ƃelai láa. A pâi tɔ̂ŋ kpɛ̂i Eezuɛ-ƃelai dîa yɛ̂ɛ berei dítûa-pere káa lai.

Osia 2:10

Ǹyaŋ ŋa pâi gaŋ ƃôi ŋɔwɛ́li-ŋai ŋɛ́i. Núu da kélee fé pâi pɔrîi gulâi ńyêei.

Osia 5:13

“Tãi Eezuɛ è ŋɔkɔlɔ-felai kàa lai, Zuda é ŋɔkpálai-laai káai, è kɛ̀ tí, Eezuɛ è lì Asiria lɔii su, é gâloŋ kɛ́tɛi worɛ̂ tɛ̀ɛ. Kɛ́lɛ vé kɛ̀ pɔri ní díƃalôi.

Osia 7:11

Eezuɛ-ƃelai ƃoɔ̂i yɛ̂ɛ tòloŋ. Táre fé díŋuŋ su. Dí lì Ize kpɔŋ-maa mɛni ma. Naa pôlu ma dí lí Asiria kpɔŋ-maa mɛni ma.