Osia 8:4 - Ŋ̀âla Kɔlɔ Maa Waai

⁴ “Da kâloŋ-ŋa see díkpɔɔi-yee ma ŋ́gɔlɔŋ fé zu. Da ǹûa láa-tuɛ-ƃelai see, kɛ́lɛ ŋ́gɔlɔŋ fé zu. Da káne da gôo kpɛtɛ a díɣâla-ŋa díkpîŋ su-kara mɛni ma.

Osia 8:4 ပူးပေါင်းရင်းမြစ်များ

Kâloŋ Maa-ŋuŋ 12:28

È dília-wooi mɛ̀ni, é gôo niŋa-loŋ feerɛ kpɛ̀tɛ é mò ǹûai dîa ǹyɛɛ, “Gáa a mɛni kpânaŋ a gɛ́ɛ ká kɛ́ lì Zerusâlɛŋ a ɣele kélee. Óo Eezuɛ, kaɣâla-ŋai ká ŋí, nyii-ŋai kákùla Ize lɔii sui.”

Kâloŋ Maa-ŋuŋ 13:34

Zɔnyɔ̂ŋ ŋí ƃé gɛ̀ Zɛroboaŋ ŋɔkâloŋ-laai é wólo é gɛ́ ŋɔnúu-suui kélee dí sáa.

Kâloŋ Maa-ŋuŋ 16:31

Zɔnyɔ̂ŋ ŋí mɛni fé kɛ́ ní ŋ̀ɛ́i a mɛni kɛ́tɛ ta. Vé kɛ́ ní a gɔ́lɔŋɔɔ a gɛ́ɛ ŋɔsɔnyɔ̂ŋ è kɛ̀ a gɛ́tɛ é tɛ́ɛ Neba ǹóŋ Zɛroboaŋ ma. È Sidɔŋ kaloŋ Ɛbêe ǹóŋ-nɛnii Zɛsebɛɛ kùla a ŋɔnɛnî. M̀ɛnii ŋí è gɛ̀ è pɛ̀lɛ tíi kɛ̂i Bêe mì, gɛ́ vɛ̀li.

Zɛlemaya 16:20

Núu da a pɔ̂ri gbîŋ ɣala kpɛtɛ̂i? Vé tí a dɔnɔ kpîŋ. Kɛ́lɛ, à kɛ̀ da gɛ̀ tí, gɛ̀ ní dífe a tɔ̃yâ ɣala.”

Izikiɛ 18:31

Ka káyee kúla kásɔnyɔ̂ŋ-ŋai su nyii-ŋai ka gɛ a ńyãai a gɛɛ líi-nina da mɔ̃leŋ nina díkɛ ká kponoi. Lé mɛni ƃe ka pâi saai la kaai a Eezuɛ ƃelai?

Danîa 3:1

Ɣele tɔ̂nɔ da, Gâloŋ Nɛbukinaza è pɔkɔɔŋ da kpɛ̀tɛ a gôo. Ŋɔkôyaa è kɛ̀ a kɔ́ɔ ƃɔlɔni buu lɔ́ɔlu mɛi náaŋ. Ŋɔŋa kɛ̂tɛ kɛ́ ƃò a kɔ́ɔ ƃɔlɔni lɔ́ɔlu m̀ɛi náaŋ. È zèe Dura tiŋ-tiŋ su Babelɔŋ kpiniŋ su.

Osia 13:1

Tãi Ifiraŋ ŋɔsuui su-ƃelai da a kâa lòno lai, Eezuɛ-ƃelai kpéli-ŋai da kâa kpɛ̃̀liŋ. Dí kɛ̀ ƃaa kɛ́-maa támaa tɛɛ̂i dí pɔ́. Kɛ́lɛ, tãi Ifiraŋ ŋɔsuui su-ƃelai dí pɛ̀lɛ Bêe fɛliî lai, dí su è kàra.

Osia 13:11

Ŋá kâloŋ-ŋa tɛ̀ɛ kápɔ lii-ŋwâna-pere su. Ŋá díkula káyêei lii-ŋwâna-pere su.

Osia 13:2

Ǹyaŋ díkaa nɔ́ niî sɔnyɔ̂ŋ kɛ̂i, dí kɛ́ díkpîŋ díkpɛtɛ sãai fɛ̂li, nyii dí gbɛ̀tɛ a kánei díkɛ mò dîyɛɛi, “Sâla kùla dîa,” ǹûai díkɛ díla-gbɔ sèe dîa.

Osia 2:8

“Vé kɛ́ ní a gɔ́lɔŋɔɔ a gɛɛ ńyãa ƃé mii-sɛŋ tɛ̀ɛ bɔ́, ŋwã̂ai, káne da gôo tɛ̀ɛ bɔ̀ nyii-ŋai è tíi kɛ̀ la Bêe Ɣalai fɛli-pɛrɛi mui.

Osia 8:3

Eezuɛ a ǹyée kúla mɛni lɛ́lɛɛ mu. Gbɔara-ƃela da pâi lɛɛ̂i bôlu.

Maafîu 25:12

Kɛ́lɛ, è díwoo su tòo, ǹyɛɛi, ‘Ŋa tɔ̃yâ ƃoi kâa, fé kákɔlɔŋ.’ ”

Lûu 13:25

Tãi bɛ́rɛi ǹâmu a mu siɣe la e gbôŋ lá tɛi, ka pâi kɛ̂i tɔɔ ni ŋinii ŋá, kakɛ gbôŋ tua, kakɛ mo kâai, ‘Kúnuu-namui, bɛ́rɛi lá ƃó kûɛ.’ Kɛ́lɛ, a pâi m̀ôi, ǹyɛɛi, ‘Fe ƃɛi kɔ́lɔŋ ka kulâi naai.’

Lûu 13:27

Kɛ́lɛ, a pâi m̀ôi, ǹyɛɛi, ‘Ŋá m̀ó kâa, fé ƃɛi kɔ́lɔŋ ka kulâi naai; ka kasu-kula mâ, káai kélee a sɔnyɔ̂ŋ-kɛ-ƃelai!’

Zɔ̂ŋ 10:14

Ŋ́gaa a m̀ála mɛi-kaa-nuu lɛ́lɛɛi; ŋá ḿbɔɔ kɔ́lɔŋ, ǹyaŋ ḿbɔɔ kɛ́ ƃo a ŋ́gɔlɔŋɔɔ,

Galesiɛŋ 4:9

Kɛ́lɛ, ka nâa Ɣâla kɔ́lɔŋ, ǹyaŋ m̀ɛnii gbanaŋɔɔ̂i ƃa, Ɣâla a nâa kákɔlɔŋ. Ka pɔ̂ri tínaŋ-pere kɛ̂i leŋ ŋɔ́nɔ ŋ̀éniɛi-su-ƃelai tua-pere fii-kpɛɛ-ŋai dîa nyíi-ŋai díkaa nɔ́ kpɛ́ni-kpɛni, ká kɛ́ ŋ̀wɛli a gɛ́ɛ ká kɛ́ ŋɔ́nɔ a díluɛ-ŋai?