Osia 8:1 - Ŋ̀âla Kɔlɔ Maa Waai

¹ Yâwɛɛ ǹyɛɛ, “Ka dúruii fɛ̂ɛ. Ŋ́gbɔara-ƃelai díkaa ŋá pɛrɛi mɛi yɛ̂ɛ kuɛ-ŋa, kpɛ́ni fêi, da ŋákpanaŋ-wooi kàra da tɔɔ ŋátɔ̂ŋ ma.

Osia 8:1 ပူးပေါင်းရင်းမြစ်များ

Kâloŋ Veerɛi 18:27

È díwoo su tòo ǹyɛɛi, “Ká lâai la ka gâloŋ-ni nɔ́ ƃé Asiria kaloŋ è ńdɛ̀ɛ kápɔ naa a gɛɛ ŋá mɛni-ŋai ŋí ƃó kâai? Kpao, ŋ́gaa lônoi máŋ ǹûai kélee pɔ́ díkaa see-ni ziɣãŋ kɔlɛ, nyii-ŋai díkaa pâi kɛ̂i dí li lɔ̂ɔi miî, díkɛ dí dɔɔ-gɔɔ mai kpèle nɔ́ yɛ̂ɛ berei ká saaƃaŋɔɔ ka pâi gɛ̂i lai.”

Azaya 18:3

Káai a ŋ̀éniɛi su-ƃelai kélee ka káwoli tɔ́ɔ ḿâ a gɛɛ ká ŋáƃenâi káa ǹyéei tôŋ su, ká tɔ́ɔ tɔ̀ŋ! Ka ŋáturui wóo mɛ́ni ká káwoli tɔ́ɔ ma a ǹɛ́lɛɛ.

Azaya 24:5

Ǹûai díŋwana-lɔ̂ɔ tuai a ǹɔii lá-fɛɛ. Dɔ̂ŋ Yâwɛɛ è gbɛ̀tɛ dímɛni ma wɔ́lɔ-wɔlɔ da wɔlɔ-wɔlɔi, da gàra.

Azaya 58:1

Yâwɛɛ a m̀ôi ǹyɛɛi, “Ká láɣi a zu-kɛ́tɛ yɛ̂ɛ túru woo! Ka Zeeka ŋɔnûai Eezuɛ-ŋai dísɔnyɔ̂ŋ-ŋai maa mɛ̂ni ƃó dîa.

Zɛlemaya 31:32

Vé pâi kɛ̂i yɛ̂ɛ gbanaŋ-wooi nyíi ŋá gɛ̀ dínâŋ pɔlɔ-ŋai yêei a tãi ŋá dísòŋ la a díyee ŋá díkula Ize lɔii sui. Berei máŋ ŋá kɛ̀ la yɛ̂ɛ dísurɔ̂ŋ, dífe ŋákpanaŋ-wooi mɛi káa ní.

Zɛlemaya 34:18

Zuda da Zerusâlɛŋ tii kɛ́-ƃela kpaya-kpayai, gâloŋ-pɛrɛi lá tii kɛ́-ƃelai, zâla láa soŋ-nuui da ǹúu láa túɛ-ƃelai kélee kpɔ́ dí kpanaŋ-woo kɛ̀ ǹyêei a tãi dí tɛ̀ɛ la niŋa-sîrɛ su téɛɛ kpûa feerɛi loai. Kɛ́lɛ, dí ŋákpanaŋ-wooi sîɣe dɔɔ̂i. Dífe m̀ɛi káa ní. M̀ɛni ma, ŋa pâi tûai a ǹûai ŋí yɛ̂ɛ berei dí tùa la a ǹiŋa-sirɛi ŋí.

Zɛlemaya 4:13

Ka gáa, kákpɔara-ƃelai díkaa pâi yɛ̂ɛ ɣele-kɔlɔŋ kole. Díkɔ kɔ́-keleŋ káa yɛ̂ɛ tínaŋ fãa. Dísoo-ŋai maa félaai kpɔ́ yɛ̂ɛ kuɛ-ŋa. Kpalo ƃêlai kûa kpɛ́ni fêi, kú su a kara.

Zɛlemaya 4:5

Lolo too-ƃela, ka lolo tóo Zuda da Zerusâlɛŋ gwaa kélee ma. Láɣi kpɔ́ a íwoo su ponoɔɔ. Mó Zuda da Zerusâlɛŋ-ƃelai dîa dí pú dí lî daa-lêe-ŋai su nyíi-ŋai dí maa tínaŋɔ̂ɔi a siɣãŋ.

Zɛlemaya 48:40

Yâwɛɛ a góno tée a gɛɛ lɔii-ŋuŋ da a pâi yenîi Môa ma yɛ̂ɛ kuɛ é goôŋ pɛlɛ m̀ɛi.

Zɛlemaya 49:22

Bozira kpɔara-ƃelai da pâi pɛlɛ̂i m̀a yɛ̂ɛ kuɛ a goôŋ fùlomo a bɛ̀lɛ gɔ́nɔŋ mɛi. Maa ɣelêi tí, Idɔŋ kɔ-kûluƃa-ŋai da pâi kɛ̂i yɛ̂ɛ nɛnî a kɛ̀ koi-têe su.”

Zɛlemaya 51:27

“Ŋɛi-kɛ-maa kɛ́ a gɛɛ gɔ́i é tée. Gɔ́kɔ turuii fɛ́ɛ a gɛɛ ǹɔii-ŋuŋ-ŋai kélee dí ŋ̀óo mɛ́ni. Ǹɔii-ŋuŋ-ŋai kpɛtɛ a gɛɛ dí kɔ́ pɛ́lɛ Babelɔŋ ma. M̀ó gâloŋ-ŋai kúla Alala, Minii, da Asikena dí gɔ́i tée. Gɔ-kûluƃa-ŋai mɛi-nuu lɛ́ a gɛɛ dítɔɔ gɔ́i láa-tuɛ. Pá a zoo-ŋai nyíi-ŋai dítamaai yɛɛ gotó-kpulu kɛ́tɛi.

Zɛlemaya 6:1

Káai kákaa a Bɛŋsima ŋɔnûai, ka pú ká kúla Zerusâlɛŋ ká ŋuŋ ma ƃô sɔlɔ ƃó. Ka dúrui fɛ́ɛ Tikoa, ká ŋɛi-kɛ-maa lɛ́ Bɛɛ-akɛrɛŋ kpɛ́ni fêi, mɛni kpɔ̂lu a kulâi yá-ŋua pere da su kâra-laa.

Izikiɛ 11:4

M̀ɛni ma núu-kpune ǹóŋ, Ɣâla-woo ƃó nyii dɔɔ̂i dîa.”

Izikiɛ 16:59

Ŋ̀wála-wâla kélee Yâwɛɛi è mò ǹyɛɛi, “Ŋa pâi í kula-maa kɛ̂i yɛ̂ɛ berei ítûa pere káa lai. Kpɛ́ni fêi yâ í pôlu tɔɔ ŋá kono-teei mâ, ya ŋátɔ̂ŋ kara.

Izikiɛ 17:3

a gɛɛ m̀ɛnii nyii ńyãai a Ŋ̀wála-wâla kélee Yâwɛɛi ŋa mòi diai. Ŋa mòi dîa, kuɛ kɛ́tɛ tɔnɔ è wɔ́lɔ kɛ naa goôŋ-leɣa lɛlɛɛ kpɔ́ a ŋ̀ánaa. Goôŋ è kɛ kpɔ́ a zu-kɛ́tɛɛ. È kòoŋ é lí Lɛƃanɔŋ è see sîda wuruii tôŋ m̀a.

Izikiɛ 7:14

Tãi da pâi gɔ-kɔ́ turuii fɛɛi lai, ǹûai da pâi díkpîŋ kpɛtɛi kɔ́kɔ mɛ̂ni ma, kɛ́lɛ núu da fé pâi liî gɔ̀-ɣenei ŋa kpɛ́ni fêi Ɣâla a pâi ǹíi ŋwanai dîa.

Osia 4:6

Ŋánûai su a kâra, kpɛ́ni fêi, táre fé díyêei. Káai a zâla láa-soŋ-ƃelai, gáa a kásɔŋ kpɛ́ni fêi, ka kápôlu tɔ̀ɔ ḿâ, ka ŋásɛŋ lɛ́ɛi kpɔara. Berei ka ǹia la ŋátɔ̂ŋ mai, ńyãa máŋ ŋa pâi niâi kálônii dîa.

Osia 5:8

Dúrui fɛ́ɛ Giƃia taa-leei su. Dúrui fɛ́ɛ Lama taa-leei su. Dúrui wóo kúla Bɛɛ-avɛŋ taa-leei su. Óo Bɛŋsima ŋɔnûai, ka lí kɔ́ ma.

Osia 6:7

“Kɛ́lɛ tãi nɔ́ dí sèri la Adaŋ taa-leei sui, dí Gbanaŋ-wooi kâra. Dífe kɛ́ ní a teniŋ ƃô-ƃela.

Osia 9:15

Yâwɛɛ è mò ǹyɛɛi, “Dísɔnyɔ̂ŋ-ŋai kélee kɔ́ɔ è pìlaŋ Geega taa-leei su. Ǹaa ƃé ŋá kpɔara kɔ́ɔ pìlaŋ naa dîa. Díŋwana-lɔ̂ɔ tua-ŋai mɛni ma, ŋa pâi díkpɛ̂i ŋápɛrɛi mu. Fé pâi díwɛ̂lii ŋɔ́nɔ. Díkâloŋ-ŋai kélee da tɔɔ ḿâ.

Zooɛ 2:1

Ka dúruii fɛ́ɛ Zãiyɔŋ Yeei ma, ká vɛ́ɛ a ŋ̀óo su kɛ́tɛ ŋáyee maa-waai ma! Tɔɔ ǹɔii su-ƃelai kélee dí kpɛ̃lîŋ. Yâwɛɛ ŋɔtãi a pâi, a nâa lɛ̀ɣɛ.

Zooɛ 2:15

Ka dúruii fɛ́ɛ Zãiyɔŋ Yeei ma, ká ǹûai ŋáa tɛ́ ma dí sûŋ siɣe.

Emɔ 3:6

Da pɔ̂ri kɔ́-turu fɛ̂ɛi taâi, daa-ƃelai dífa yâo? Kpalo a ƃêla kpɛ́ni taa ma, à kɛ̀ Ɣâla Yâwɛɛ fé m̀éla ní?

Emɔ 8:3

Yâwɛɛ Ɣâla è mò ǹyɛɛ, Ŋ̀âla-pɛrɛ Kɛ́tɛi mu wule-woo-ŋai da pâi penêi a wɔ́lɔ-wôo a ŋ̀elei tí. Boma-ŋai da pâi kɛ̂i a dítamaa. Da pâi kɛ̂i a dímɛi saá díkɛ boma-ŋai pìli díkîe-ni mɛi kwaa kélee ma.”

Emɔ 9:1

Ŋa Kúnuu-namui kàa tɔɔ̂ni ŋ̀âla-teƃelei kɔlɛ, ǹyɛɛi, “Bɛ́rɛ yée-mu nɔ̃ɔ-ŋai lókwa a gɛɛ bɛ́rɛi kwaa kélee é kpɛ̃lîŋ, í díwolo ǹûai kélee ŋûa. Nyii-ŋai pâi lɛɛ̂i, ŋa pâi dípaâi a m̀óa-sɔkpɔi. Dɔnɔ kpîŋ fé pâi pûi. Dɔnɔ kpîŋ fé pâi kulâi zu.

Abaku 1:8

“Dísoo-ŋai kɔ́ɔ maa félaai é tɛ́ɛ kɔ́li ma, díkpeɣeɛɛi é tɛ́ɛ lɔɔ-ɣîla ma nyii a tûa a purui. Dísoo-sia-ƃelai da sîa a dísoo-ŋai a yoŋka-pere. Tɔ̃yâ ma dísoo-sia-ƃelai da kûla kwaa kôyaa ma. Da kôoŋ yɛ̂ɛ kuɛ a kɛ̀ yenîi gɔ́nɔŋ soŋ mɛ̂ni ma.

Zɛfɛnâya 1:16

A pâi kɛ̂i a kɔ́-kɔ tûru fɛ́ɛ ɣêle, kɔ́-kɔ-ƃela díkɛ làɣi tãi da kɔ́ pɛ̀lɛ la daa-lêe-ŋai dîa nyii-ŋai dímaa tínaŋɔ̂ɔi a siɣãŋ-ŋai yeŋkêŋ kôyaa-ŋa díkɛ ƃò naai.

Zɛkɛrâya 11:1

Lɛƃanɔŋ-ƃela, ka kálɔii ŋɔsiɣãŋ-ŋai láa ƃó a gɛɛ ŋɔŋ é káwolâ-ŋai kéreŋ.

Zɛkɛrâya 9:14

Gɛ̀ ní Yâwɛɛ a pâi pâi dípɔ, ǹyaŋ ŋɔtɔ̃ai a pâi siâi yɛ̂ɛ ŋ̀éle-gbana-kao. Ŋ̀wála-wâla kélee Yâwɛɛ a pâi dúrui fɛ̂ɛi é lí vãa kɛ́tɛi su ǹɔii kwára-pere.

Maafîu 24:28

“Ƃɛ́i poma káa naai, ǹaa ƃe gɔ̃ɔ-ŋai da díŋaa tɛ̂i naa gîe ma.

Kɔleŋtiɛŋ Maa-ŋuŋ 15:52

a maa félaa núu yɛ̂ɛ núu ŋɛ́i toôi ma. Kpɛ́ni fêi dúrui wóo a pâi tɛ̂i, zaa-ƃelai dí dímu siɣe dífa ŋɔ́nɔ saa, ǹyaŋ kúkelee kúmaa a pâi fálenîi.

Dutɛrɔnome 28:49

Yâwɛɛ a pâi núu kulâi ǹɔii-ŋuŋ kpóŋ ma lɔii-ŋuŋ da su é pá la gɛ́ ƃò kámɛi. A pâi kásonîi a maa félaa yɛ̂ɛ berei kuɛ a yêŋ la é gɔ́nɔŋ sóŋ. A pâi kɛ̂i a yao-maa nuu. Káfe pâi kɛ̂i ǹá-woo mɛnîi.