Osia 7:8 - Ŋ̀âla Kɔlɔ Maa Waai

⁸ Yâwɛɛ è mò ǹyɛɛi, “Eezuɛ a gbîŋ kánaŋ ǹɔii-ŋuŋ kpéli-ŋai dîa. Eezuɛ káa yɛ̂ɛ kpólo nyii dífe niî dínaŋ nii.

Osia 7:8 ပူးပေါင်းရင်းမြစ်များ

Kâloŋ Maa-ŋuŋ 18:21

Ilaiza è lì ǹûai ŋɛ́i-tuɛ ǹyɛɛ dîai, “Tãi ɣɛɛlu ƃé ka pâi kɛ̂i la Ɣâla feerɛ loai? À kɛ̀ Yâwɛɛ káa a Ɣâla, ka vɛli. Kɛ́lɛ à kɛ̀ Bêe káa a Ɣâla, ka vɛli.” Kɛ́lɛ ǹûai dífe mɛni da mò ní.

Ɛzura 9:1

M̀ɛni-ŋai ŋí kélee kɛ́ɛ pôlu ma, Eezuɛ láa túɛ-ƃelai da-ŋa dí pà ḿbɔ naa. Dí m̀o ḿâ a gɛɛ zâla láa soŋ-ƃelai, Liiva-ŋai da Eezuɛ-ƃelai da díyee píli sîi da kpɛ́ni-ŋa dílônii-nɛyãai kùla mɛni su a dínɛyâa. Ǹɛyâai ŋí díkaa a Amɔŋ, Môa da Ize-ƃelai dílônii-nɛyaa kpaa máŋ dí kùla Keena-ŋai, Ita-ŋai, Pɛriza-ŋai, Zɛbusi-ŋai da Amɔra-ŋai dísuui su. Da kɛ́ tûai a ƃaa kûla maa pere yɛ̂ɛ berei ǹɔii ŋí su-ƃelai kpaa máŋ ǹúu suu-ŋai ŋí su-ƃelai da tûa lai.

Ɛzura 9:12

Dí m̀o kûa a gɛɛ kúfe ǹaa-ƃelai dílônii-nɛyãai da kùla a nɛnî kúmɛni ma kpaa máŋ kú kúlônii-nɛyãai da tɛɛ dípɔ a gɛɛ dí díkula a nɛnî. Kúfe tela kpɔŋ mâa tɛ̀ɛ da pɔ́ a gɛɛ é tɔ́ɔ kpaa máŋ kú laoi-laa kɔ́ri díyêei, à kɛ̀ kwa ŋ̀wɛ̂lii kú ǹɔii kpîŋ ŋ̀aa nɛ̃ɛ kula, kwa sìɣe naa, ǹaa é tínaa lɛ́ɛ kúlônii yêei wɔ́lɔ-wɔlɔ da wɔ́lɔ-wɔlɔ.

Wule-woo-ŋa 106:35

kɛ́lɛ da dîa-ni dí díkîe-ni kùla a sinâa da nɛyâa, dí pɛ́lɛ díkpɛtɛ ɣâla-ŋai fɛlîi.

Osia 5:13

“Tãi Eezuɛ è ŋɔkɔlɔ-felai kàa lai, Zuda é ŋɔkpálai-laai káai, è kɛ̀ tí, Eezuɛ è lì Asiria lɔii su, é gâloŋ kɛ́tɛi worɛ̂ tɛ̀ɛ. Kɛ́lɛ vé kɛ̀ pɔri ní díƃalôi.

Osia 5:7

Dífe niî kɛ́ ní a tɔ̃yâ-ƃela Yâwɛɛ ŋɛ́i. Ǹyaŋ vé pâi dílônii kɔ́lɔŋ-nii. Dí lɛ́ɛ ɣala mɛni kɛ́ɛ-ŋai a pâi dísu karâi da dílɔii.

Osia 7:9

Ŋɔ̃ya-ŋa da ŋɔwála-walai kúla ǹyêei, kɛ́lɛ vé gɔ́lɔŋ. Ŋuŋ pôa a too zu, kɛ́lɛ vé gɔ́lɔŋ.

Osia 9:3

Eezuɛ-ŋai dífe pâi lɛɛ̂i Yâwɛɛ ŋɔlɔii su. Kɛ́lɛ ká tá-ŋa ka pâi liî pôlu Ize lɔii su. Ǹûai kpéli-ŋai da pâi liî Asiria lɔii su ƃɛ́i da pâi zãâi mii naa nyii maa fé waa-ni Ɣâla ŋɛi.

Zɛfɛnâya 1:5

Ŋa pâi ǹûai kélee su karâi nyii-ŋai da pɛ̂lɛ díŋume ŋá dípɛrɛ-ŋai kɔŋ-ma díkɛ ŋ̀elei su sãai fɛ̂lii. Diai da pɛ̂lɛ díŋume ŋá díkɛ dífòo a ńaai, ǹyaŋ díkɛ ŋɔ́nɔ dífòo a ǹúu-kpɛtɛ ɣâlai Maakɔŋ laai.

Malakai 2:11

Zuda-ƃelai da díkono-têei kara Ɣâla yêei, ǹyaŋ da mɛni nyɔ́mɔɔ kpɛɛ pôlu kɛ́ Zerusâlɛŋ da Zuda lɔii gwaa kélee. Da Yâwɛɛ Ŋɔpɛ́rɛi kara nyii è ŋ́wɛlini. Zinâai dí nɛyaai kùla diai Ɣâla ŋɔkpɛtɛ-sãai sîɣe a díɣâlai.

Maafîu 6:24

“Núu tɔnɔ fa pɔ̂ri tíi kɛ̂i nuu-mɛi-ƃela feerɛ dîɛ, kpɛ́ni fêi, a pâi dɔnɔ kpɔarâi é gbélii wɛ́li, kpaa máŋ a pâi kánanîi dɔnɔ ma é ŋ̀ɛi pôlu fé gbélii mì. Káfa pɔ̂ri kɛ̂i Ɣâla yée mu da sɛŋ-kao.