Osia 7:5 - Ŋ̀âla Kɔlɔ Maa Waai

⁵ Kúkâloŋ maa sɔlɔ ƃó ɣêle maa pêle kɛ́ɛi, ŋwã̂ai fãai è gâloŋ ǹônii kɔ̀lɛ. Gâloŋ máŋ è ǹɔɔi kpêle é lí ǹûai sáma nyii-ŋai kɛ̀ ɣɛ́lɛ-maa kulâi gbonôi.

Osia 7:5 ပူးပေါင်းရင်းမြစ်များ

Zɛnɛse 40:20

Ŋ̀éle kûui zaaƃa-ɣelei nyii kɛ̀ a gâloŋ maa sɔlɔ-ƃó ɣelei, è kúu kɛ́tɛ kɛ̀ ŋɔtíi kɛ́-ƃelai kélee mɛni ma. Nya ƃe è ŋɔteƃelei ma tii-kɛ-nuu kɛ́tɛi kùla gbini-pɛrɛi mu da ŋɔkpólo kpɛtɛ-nuu kɛ́tɛi é pá a dîa ŋɔtíi-kɛ-ƃelai kpéli-ŋai sáma.

Kâloŋ Maa-ŋuŋ 13:4

Gâloŋ Zɛroboaŋ kɛ́ɛ a m̀ɛnii mɛ́ni ŋ̀âla naloŋ è wɔ̀lɔ a ɣelêi pere a nyɔ́mɔɔ é pîlaŋ ŋ̀âla-teƃelei ma kɛ̀ Bɛtɛi, è lɛ̀ɛ ŋ̀âla-teƃelei ma é ǹyée sã́a nalôŋ ma ǹyɛɛi, “Ka zoŋ!” Kɛ́lɛ ǹyéei è zã̀a ŋ̀âla naloŋ mai, è sàa ma ŋ̀á ma. Nya ƃe pɔri fé kɛ́ ní mì a gɛ́ɛ é ǹyée lɛ́ɣɛ la ŋɔ́nɔ pôlu.

Wule-woo-ŋa 1:1

Lûwa káa diai dîa dífa díwoli tɔ̀ɔ ŋ̀wana-lɔ̂ɔ-ƃelai dília-woo mai, kpaa máŋ dí dítûa-pere maa kɔ́ri, kpaa máŋ dí pîlaŋ diai pôlu dífe kpáaŋ ní Ɣâla mɛni mai.

Wule-woo-ŋa 69:12

Nûa da kɛ̂ ńaa ƃôi bere lêe-ŋai mâ, ǹɔɔ kpêle-ƃelai díkɛ ɣɛ́lɛ maa kûla ŋ́gbonôi a wule-wôo-ŋa.

Táre-woo-ŋa 13:20

Ka táre-nuu kà sìa, ƃa târe. Ka wôya-nuu ka sìa, ƃa mɛni-soli kàa.

Táre-woo-ŋa 20:1

Ŋwãai da lɔɔ kpânaŋ kpeleɛɛ a núu kɛ̀ a yóo-yoo-nuu da laa-saa tée-nuu. Ǹúui a kânaŋ mai, vé táre ní.

Azaya 28:1

Kpalo ƃelaâi Eezuɛ láa túɛ-ƃelai dîa. Díkaa a lɔɔ ŋánaa kpele-ƃela. Díyoŋkaai, dísu mɛni kɛ́tɛɛ. Kɛ́lɛ díkɛtɛ-laai maa mɛ̂ni a kpɛɛ̂i nûa kíli ŋá. Lɔɔ ŋánaa kpeleɛɛ a dímaa fálenîi yɛ̂ɛ da wúru poa kùla ŋ̀á fólo kɛ́ tòo ma. Díkpeleɛ̂i díkɛ ƃò lâani yɛ̂ɛ nûa da sàa.

Azaya 28:14

M̀ɛni ma, káai a Zerusâlɛŋ-ƃelai láa túɛ-ƃela yoŋkaa-ŋai, ka m̀ɛnii mɛ́ni Yâwɛɛ a m̀ôi kâai. A m̀ôi ǹyɛɛi,

Danîa 5:23

Ya tɔɔ Ŋ̀elei su Ɣalai ma. Í mò a gɛɛ gbele sɛŋ-folo-ŋai ínâŋ è díkùla Ŋ̀âla-pɛrɛ Kɛ́tɛi mu Zerusâlɛŋ é pá a diai, dí pá a dia ípɔ a gɛɛ yá, ǹɔii-lônii kpaya-kpayai, ínɛnîi da ínɛnî pɛlɛ-pɛlɛɛi ka dîa-ni ká ŋwã̂ai kpele zu. Ya ɣâla pɔkɔɔŋ-ŋa fɛlîi nyii-ŋai díkpɛtɛ̂i a káne, gôo, ƃara kɔli, wuru da kɔnii. Ŋ̀âla-ŋai ŋí dífa kwaa kâa, dímɛni mɛ̂ni kpaa máŋ dí mɛni da kɔ́lɔŋ. Kɛ́lɛ ífe yao-ni Ɣâla ma nyii a pɔ̂ri gɛ̂i ílɛɛ ɣele ma, kpaa máŋ ísaai, gɛ́ ƃò m̀ɛnii kélee mɛi ya gɛ̀i.

Osia 7:3

“Díŋwana-lɔ̂ɔ tuai su dí gâloŋ líi nɛ̃ɛ, ǹyaŋ gâloŋ ǹônii da ǹíi nɛ̃ɛ a dí lɛ́ɛ lono-ŋai.

Maafîu 14:6

Kɛ́lɛ, tãi dí kɛ̀ Ɛɛlɔ maa sɔlɔ ƃó-kuui bêle kɛ̂i lai, Ɛɛlôdia ǹóŋ-nɛnîi è mãla kpɔ́ gbɔŋ su é Ɛɛlɔ líi laa.

Mâki 6:21

Nya ƃe ɣele tɔnɔ da è kɛ̀ a Ɛɛlɔ maa sɔlɔ ƃó-ɣele kuui. M̀ɛnii ŋí è kɛ̀ Ɛlodia ma a lii-nɛ̃ɛ kɛ́tɛ. Ɛɛlɔ è kúu kɛ́tɛ kɛ̀ a maa ɣelei tí. È ƃɛlɛ-toli ƃò a ŋɔnûa kpaya-kpayai, guluƃa-ŋai da Galalii-lɔii lonii.

Ifisiɛŋ 5:18

Ŋwãai fé kákɛ̀, nyíi gáa a gɛ́-ɣeniɛ ŋuŋ fuloŋɔɔi. Kɛ́lɛ, kálaa é fɛ́ɛ a M̀ɔlêŋ.