Osia 7:4 - Ŋ̀âla Kɔlɔ Maa Waai

⁴ Díkelee dímaa fãai wulu-wulu kɛ́ mɛni ma. Díkɛ̂ɛi yɛ̂ɛ kpólo kpɛtɛ lêɣi fãa nyii a gbólo kpɛtɛ-nuui kɛ̀ va ŋɔŋ ŋá tɛ̀ ŋɔ́nɔ, é lɛ́ɛ la zu é kpɛ́ɛ a gbóloi yɔ́ɔŋɔɔ, é lɛ́ɛ pâi ŋɔŋ ŋá tɛ̂i.

Osia 7:4 ပူးပေါင်းရင်းမြစ်များ

Zɛlemaya 23:10

Ǹɔii láa fɛ̂ɛi a ǹûai nyíi-ŋai téniŋ ƃô fé díyêei é pîlaŋ Yâwɛɛ mai. Da tûa nɔ́ a ŋwana lɔ̂ɔ-pere, dí kɛ́ tíi nyɔ́mɔɔ kɛ̀ a díwala-wala laai. Kpɛ́ni fêi Yâwɛɛ a ǹɔii fôoi, ǹɔii a kpála, ǹûai dí kɛ́ malôŋ-see ƃò.

Zɛlemaya 9:1

Eêi kɛ̀ ŋ́uŋ kɛ́ ƃò a ya-ɣɛli-loŋ, ŋ́ɛi-ya kɛ́ pù yɛ̂ɛ yá ƃé ɣilînii, ŋâi pɔ̀ri wɔ̂lɔi a kpíni da fólo ŋánûai dí dípâai maa mɛ̂ni ma.

Zɛlemaya 9:2

Eêi kɛ́ pɛ́rɛ kɛ́ ƃò ńyêei vɛ̃ɛ-kpâlaŋ su ŋɔ̃ya lâai mɛni ma, ŋâi kùla ŋánûai sáma ŋá lí naa, kpɛ́ni fêi, díkaa a ɣâla-da-kpɛ́ni fɛli-ƃela, dí kɛ̀ ƃò a ǹúu-kpului nyíi vé teniŋ ƃô nii.

Osia 4:10

Da pâi dílaa mîi, kɛ́lɛ dífa pîla. Da pâi wulu-wulu kɛ̂i, kɛ́lɛ dífe pâi lóŋ kâai, kpɛ́ni fêi da dípôlu fé ḿî, da díkpîŋ kɛ́ a wulu-wulu kɛ́-ƃela.”

Osia 4:12

Ŋánûai díkaa wúru-gbua marê kɛ̂i nyii da gbɛ̀tɛ a díɣâlai sɛŋ da mɛni ma, díkɛ ŋɔ́nɔ dímarê kɛ̀ a gɛɛ dí m̀ɛnii lɛ́ dîa nyii pâi kɛ̂i nàa tuɛi. Wulu-wulu kɛ́ɛ a díkula berei ma, da ńɛɛ díkɛ Ɣâla da kpɛ́ni fɛ̀li.

Osia 4:2

Ǹûai da Ɣâla láa sìɣe kpɛ́ni-kpɛni, dí lɛ́ɛ kɛ́, dí núu páa, dí ŋúma kɛ́, dí kɛ́ wulu-wulu kɛ̀. Da m̀ɛni-ŋai ŋí kɛ̀ a tãi kélee. Da kɛ̂ nɔ́ mɛni nyɔ́mɔɔ kɛ̂i gîe mɛi a tãi kélee, dí kɛ́ núu pàa nɔ́ gîe mɛi kéleŋ.

Kɔleŋtiɛŋ Maa-ŋuŋ 5:6

Káyoŋka-teɛɛi fe lɛlɛ ni. Káfe gɔ́lɔŋ a gɛ́ɛ kpólo-tɛ-sɛŋ kuro-te a gbólo kânei kélee tɛ̀?

Zĩi 4:4

Núu sã́a fa káa! Káfe gɔlɔŋ a gɛɛ ǹúui a ŋ̀éniɛi kɛ̀ a ŋɔwɛli-kɛ-maa sɛŋ, gáa a Ɣâla kpɔara mɛni? Mɛni ma ǹúui kélee a ŋ̀wɛli a gɛɛ é kɛ́ a ŋ̀éniɛi ŋɔwɛli-kɛ-maa nuui, a gbîŋ kɛ̀ a Ɣâla kpɔara nuu.