Osia 7:2 - Ŋ̀âla Kɔlɔ Maa Waai

² Kɛ́lɛ dífe gɔ́lɔŋ à kɛ̀ dísɔnyɔ̂ŋ-ŋai kíli káa ŋ́gili-ŋa. Ǹyaŋ dísɔnyɔ̂ŋ-ŋai tínaŋɔ̂ɔi dîa, ŋ́gɛ gàa.”

Osia 7:2 ပူးပေါင်းရင်းမြစ်များ

Zôo 34:21

Kɛ́lɛ Ɣâla a núu-kpune sia-pere maa kpɛ̂ɛ, gɛ́ ƃɛ́i kélee kàa a kɛ̀ liî naai.

Wule-woo-ŋa 10:11

Ŋwana-lɔ̂ɔ-ƃelai da m̀o dîyɛɛi, “Ɣâla fé kpáaŋ ni! A ŋɛ́i lá tɛ́, ǹyaŋ vé pâi ŋ́gaai!”

Wule-woo-ŋa 25:7

Ńzu mɛ̂ni lɛɛ zɔnyɔ̂ŋ-ŋai da bɔara mɛni ma-ŋai ŋá gɛ̀ tãi ŋá kɛ̀ la a nyáŋkpai. Íwɛli kɛ́ maai da ítûa sɔŋ lɛ̂lɛɛi sarâi, ḿaa mɛ̂ni é lɛ́ɛ íkili ŋá Yâwɛɛ.

Wule-woo-ŋa 50:22

“Kâai káfa káwoli tɔ̀ɔ ḿâi, ka nyíŋi mɛ́ni. À wàla kɛ́ tí, ŋa pâi ká su karâi, ǹyaŋ núu da fé pâi kɛ̂i naa é ká kula yêei kɛ́.

Wule-woo-ŋa 9:16

Yâwɛɛ a gbîŋ lɛ́ dîa, a ŋɔmɛni ŋá téɛɛ sãai. Zɔnyɔ̂ŋ-ƃelai dí kɔ̀ a díkpɔɔi ƃare-ŋai.

Wule-woo-ŋa 90:8

Í kú lòo sɔnyɔ̂ŋ-ŋai kélee kɔ́lɔŋ. Da fa lôo yâ.

Azaya 1:3

Niŋa-ŋa dí dínuu-namu kɔ́lɔŋ. Wɛlɛ-sôo-ŋa dí ƃɛ́i kɔ́lɔŋ dínuu-nâmu a díkɔnɔ̃ŋ pù naai. Kɛ́lɛ dáre sii ŋí fé ŋánûai Eezuɛ-ŋai ŋuŋ su. Dífa mɛni ŋá kàa a dɔnɔ kpîŋ.”

Azaya 26:16

Yâwɛɛ, ya ínûai kula maa kɛ̀. Da kɛ̀ kpîŋ maa mɛ̂ni kpɔ̂lui su, yá nɔ́ ƃé da kɛ̂ ífɛlîi.

Azaya 44:19

Da fa gíli ŋá sìa ǹyɛɛi, “Zɛŋ ŋí ŋá gbɛ̀tɛ, ŋ́gɛ vɛ̀lii, gbua da-ŋa nɔ́ ƃé ŋa ŋɔŋ tôo dîa, ŋ́gɛ ŋ́gɔlɔ ƃó m̀a, ŋ́gɛ kpólo kpɛ̀tɛ m̀a, ŋ́gɛ sua ŋɔ̂ŋ m̀aa ŋɔ́ŋ ŋá. Wúru gbua-ŋa ƃé ŋa toôi díkɔɔ mu ŋ́gɛ dífɛlîi.”

Azaya 5:12

Da kɛ̂ kɔnîŋ ɣalêi, díkɛ gbuŋ-gbuŋ tùa, díkɛ ƃɔɔ fɛ̂ɛ, díkɛ lɔɔ kpêle díkuu-ŋai su. Kɛ́lɛ dífa târe m̀ɛni-ŋai su Yâwɛɛ a kɛ̂i.

Zɛlemaya 14:10

Zɛlemaya è ŋɔ́nɔ mò nyɛɛ Yâwɛɛ è lòno é pîlaŋ ǹûai dîa ǹyɛɛi, “Díkaa nɔ́ a pìlaŋ gɔ́ɔ-ma-ƃela. Dífa kpîŋ dísia pere maa kpɛ̂ɛ. M̀ɛni ma, ǹíi fé láa ní díyêei. Dí mɛni nyɔ́mɔɔ-ŋai kíli a pâi lɛɛ̂i ŋ̀á. Ǹyaŋ a pâi díkula-maa kɛ̂i dísɔnyɔ̂ŋ-ŋai mɛ̂ni ma.”

Zɛlemaya 16:17

Ŋ́gaa m̀ɛnii kélee kâai da gɛ̂i. Dɔnɔ kpîŋ fé kɛ̂i ŋ́ɛi pôlu. Ŋ́gaa dísɔnyɔ̂ŋ-ŋai kélee kâai.

Zɛlemaya 17:1

Yâwɛɛ è mò ǹyɛɛi, “Zuda-ƃela, da ká sɔnyɔ̂ŋ pɔ̃yɛ kákili ŋá a kɔlɔ-pɔ̃yɛɛ-sɛŋ nyíi gáa a kɔli, ǹyíŋ kɛ́ ƃò a damaŋ. Dí kásɔnyɔ̂ŋ pɔ̃̀yɛ káɣâla-teƃele-ŋai sônoŋ-su.

Zɛlemaya 2:19

Ka kpɔɔi tua-pere nyɔ̂ŋ a pâi ká kula maa kɛ̂i. Kpɛ́ni fêi káka pôlu tɔ̀ɔ ḿâi, ka pâi mɛni ŋá téɛɛ sɔlɔ ƃôi. Ka pâi gɔ́lɔnîi a gɛɛ mɛni nyɔ́mɔɔ da saa da pâi pâi ká pɔ́ à kɛ̀ ka kápôlu tɔ̀ɔ Yâwɛɛ Káɣâlai ma, ǹyaŋ káfa ŋɔ́nɔ yào ḿâa tɛ̀ɛ ḿbɔ. Ńyãai ŋ́gaa a Ŋ̀wála-wâla kélee Yâwɛɛi, ńyãa ƃé mò tí.”

Zɛlemaya 32:19

Ya mɛni kpɛ̂tɛ a táre pere, íkɛ mɛni kpaya-kpaya-ŋa kɛ̀. Ya núu kélee kpɔ́ kɛ́-mɛni kàa, íkɛ núu kélee féla fè dítûa-pere ma.

Zɛlemaya 4:18

Ítûa-perei da ísɔŋ ƃé pà a m̀ɛnii ŋí yâ. Ǹyaŋ ísɔnyɔ̂ŋ ƃé pà a m̀ɛnii ŋí. Nya ƃe a í sɔ́ɔ í liî ma yɛ̂ɛ ƃóa-sɔkpɔ.

Zɛlemaya 44:21

“Ka gâai yɛ̂ɛ sɛŋ ƃé zâlai-ŋai ka kánâŋ pɔlɔ-ŋai, kákâloŋ-ŋai, kálaa túɛ-ƃelai da ǹûai kélee ká gùla Zuda taa-ŋai su da bere-ŋai ma Zerusâlɛŋ, Yâwɛɛ fé mɛni da kɔ́lɔŋ é pîlaŋ dîa kpaa máŋ a nia dîa? Vé tí.

Izikiɛ 21:29

Zĩai da gaai gáa a lɛ́ɛ. Da pâi lɛ́ɛ worɛ-woo ŋa ƃoi kâa. Díkaa a ŋwana-lɔ̂ɔ da mɛni-nyɔmɔɔ kɛ́ ƃela, nyii-ŋai díkɛ-ŋ̀éniɛi a seri gbɛɛ-ŋai. Dímɛni ŋá-teɛɛ̂i gbɛɛ-ŋai ŋɔtãi a seri.

Osia 12:2

Yâwɛɛ a mɛni ƃôi a Zuda-ƃelai láa. A pâi tɔ̂ŋ kpɛ̂i Eezuɛ-ƃelai dîa yɛ̂ɛ berei dítûa-pere káa lai.

Osia 4:9

Berei máŋ ŋánûai dí sɔnyɔ̂ŋ kɛ̀ lai, ŋa pâi da zâla láa-soŋ-ƃelai dí kula maa kɛ̂i a bɔriɛɛ. Da pâi dísɔnyɔ̂ŋ fela fêi kɛ̂i.

Osia 6:2

Fólo feerɛ a tɛ̀ɛ a pâi kúƃâloi, vóloi zaaƃa ɣelei é kúmu siɣe, kú kɛ́ ɣele ma ŋ̀ɛi túɛ.

Osia 8:13

Dí wɛ́li ní a sâla kuláa. Da sua kûla a sâla dí mii. Kɛ́lɛ, Ńyãa Yâwɛɛ ḿve wɛ́li ní la. Ǹyaŋ ḿve pâi dísɔnyɔ̂ŋ su-mɛni lɛɛ̂i. Ŋa pâi díkula maa kɛ̂i. Ŋa pâi dítɛɛ̂i pôlu Ize lɔii su.

Osia 9:15

Yâwɛɛ è mò ǹyɛɛi, “Dísɔnyɔ̂ŋ-ŋai kélee kɔ́ɔ è pìlaŋ Geega taa-leei su. Ǹaa ƃé ŋá kpɔara kɔ́ɔ pìlaŋ naa dîa. Díŋwana-lɔ̂ɔ tua-ŋai mɛni ma, ŋa pâi díkpɛ̂i ŋápɛrɛi mu. Fé pâi díwɛ̂lii ŋɔ́nɔ. Díkâloŋ-ŋai kélee da tɔɔ ḿâ.

Osia 9:9

Díkaa a ŋwana lɔ̂ɔ-ƃela yɛ̂ɛ berei è wɔ́lɔ kɛ̀ la Giƃia taa-leei sui. Ɣâla fé pâi niâi dísɔnyɔ̂ŋ ŋai dîa. A pâi díkula maa kɛ̂i.

Emɔ 8:7

Ɣâla Yâwɛɛ nyii gáa a Eezuɛ Ŋɔɣâlai a vóo Zeeka ŋɔyoŋkai maa-mɛni ma, ǹyɛɛi, “Tɔ̃yâ ma, fé pâi ŋɔ́nɔ niâi díkɛ-mɛni-ŋai dɔnɔ kpîŋ ma.

Zôna 1:2

“Ímu siɣe í lí Ninivɛ nyii gáa a daa-lêe kɛ́tɛi í díŋwana-lɔ̂ɔi maa mɛ̂ni ƃó dîa. Ye m̀ó dîa a gɛɛ díŋwana-lɔ̂ɔi maa mɛ̂ni a seri ḿâ”

Nɔŋba 32:23

Kɛ́lɛ à kɛ̀ káfe pâi gɛ̂i tí, gɛ̀ ní ka sɔnyɔ̂ŋ kɛ́ a Yâwɛɛ. Gɛ̀ ní tɔ̃yâ ma ka pâi tɔ̂ŋ-kpɛ-maa sɔlɔ ƃôi kásɔnyɔ̂ŋ mɛni ma.

Lûu 12:2

Sɛŋ da fé naa mɛi pɛlɛɛi nyii ve pâi lɛ̂i, kpaa máŋ noɔɔ nyii ve pâi kɔ́lɔnîi.

Kɔleŋtiɛŋ Maa-ŋuŋ 4:5

Mɛni ma káfe mɛni ŋá tèe tãi tuɛ, é lɛ́ɛ zu Kúnuu-namui é pá. A pâi pâi a gbínii ŋɔloo-sãai fíeŋ ŋá e núu-kpune líi su mɛni ƃó. À kɛ̀ tí, gɛ̀ ní, núu kélee a pâi Ɣâla ŋɔlaa-maa-tɛi sɔlɔ ƃôi.

Dutɛrɔnome 32:29

Dîi kɛ̀ a dítareɛɛ, dîi m̀ɛnii ŋí ŋá kàa, dîi pâi gɔlɔnîi m̀ɛnii pâi kɛ̂i a diai.

Ibulu 4:13

Fúlu-sɛŋ kélee da fé loo ní ma, kɛ́lɛ, gélee puɔɔ̂i fíyeŋ ŋá ŋ̀ɛi-tuɛ, nyíi gáa a ǹúui kwa dîa-ni kwa tíi kɛ̀i.