Osia 7:11 - Ŋ̀âla Kɔlɔ Maa Waai

¹¹ Eezuɛ-ƃelai ƃoɔ̂i yɛ̂ɛ tòloŋ. Táre fé díŋuŋ su. Dí lì Ize kpɔŋ-maa mɛni ma. Naa pôlu ma dí lí Asiria kpɔŋ-maa mɛni ma.

Osia 7:11 ပူးပေါင်းရင်းမြစ်များ

Kâloŋ Veerɛi 15:19

Tãi Minaŋɛŋ è kɛ̀ la ŋɔkâloŋ-laai sui, Asiria kaloŋ Tigila Pileza è kɔ́ pɛ̀lɛ Eezuɛ lɔii ma. È fàa ma é kpɔŋ-mâa tɛɛ Minaŋɛŋ pɔ́ naa a gɛɛ é tûa ŋɔkâloŋ-laai su, à kɛ̀ Minaŋɛŋ a fàa ma é sɛŋ kâo kole kpua-kpua ŋɔpãŋ wála buu lɔ́ɔlu mɛi feerɛ káo lɔ́ɔlu mɛi da (76,000) tɛɛ bɔ́.

Kâloŋ Veerɛi 16:7

Zuda kaloŋ Eɣa è worɛ̂ tɛ̀ɛ Asiria kaloŋ Tigila Pileza pɔ́ naa ǹyɛɛ mai, “Ŋ́gaa a íyee-mu-nuu da íloŋ. Kpera yɛ̂, pá í kpɔŋ-mâa tɛɛ ḿbɔ í ŋáfulu-laai maa-kɔ̃ɔ kpɛ́ni fêi, Siria Kaloŋ Leziŋ da Eezuɛ kaloŋ da kɔ́ pɛ́lɛ mâ.”

Táre-woo-ŋa 15:32

Ǹúui va ŋ̀óli tɔ̀ɔ lia-woo mai, a sɛŋ sôli gbîŋ ma, kɛ́lɛ ǹúui a ǹyée sèe lia-woo mui, a táre sɔlɔ ƃô.

Táre-woo-ŋa 17:16

Gáa a ƃoo mɛ̂ni a gɛɛ í sɛŋ kɔ́lɛ ƃoo-nuu ŋɔsɛŋ kɔ́lɔŋ mɛni ma kpɛ́ni fêi táre fé ŋuŋ su.

Táre-woo-ŋa 6:32

Núui a wulu-wulu kɛ̀ a núu da kpɛ́ni ŋɔnɛnîi, gáa a ƃoo nûu. Ǹúui a gɛ̀ tíi, a gbîŋ ŋuŋ-la pìli.

Zɛlemaya 2:18

Lé ƃé ízɔlɔ ƃô a tãi ítìnaŋ la Ize pɔ́ perei, a gɛɛ nɔ́ í íkpele a Ǹâai Ya-leei da? À kɛ̀ ka lì Asiria, lé ƃé ka pâi zɔlɔ ƃôi? A gɛ́ɛ káka kpéle a Yufeletii Ya-leei da?

Zɛlemaya 2:36

Ka gáa berei ka kákpîŋ foɣâŋ la kákɛ tɛ̀ kákɛ yèŋ, kákɛ kátûa pere maa fâleŋ a maa félaai. Ize a pâi kálii tôoi pôlu yɛ̂ɛ ƃerei Asiria è kálii tòo la pôlui.

Osia 11:11

Da pâi kɛ̂i kpɛ̃linii yɛ̂ɛ ŋɔni-ŋa, díkɛ kula Ize lɔii su, da-ni dí kúla Asiria lɔii su yɛ̂ɛ tòloŋ-ŋa. Ŋa pâi pâi a dia pôlu dípɔ-taai tɛi-tɛi. Ńyãa Yâwɛɛ ƃé nyíŋi ƃôi.”

Osia 12:1

Eezuɛ a vãai kpɛ̂i a ɣele láa-ƃoɔɔ su kôyaa. M̀ɛnii kélee da gɛ̀i gáa nɔ́ kpɛ́ni-kpɛni. Da lɛ́ɛ-mɛni támaa kpɛ̀tɛ, díkɛ ŋwana-lɔ̂ɔ kɛ̀, díkɛ laoi-laa kɛ̀ da Asiria lɔii, díkɛ ŋɔ́nɔ lì a wúlɔ Ize-lɔii su a sama-sɛŋ.

Osia 12:2

Yâwɛɛ a mɛni ƃôi a Zuda-ƃelai láa. A pâi tɔ̂ŋ kpɛ̂i Eezuɛ-ƃelai dîa yɛ̂ɛ berei dítûa-pere káa lai.

Osia 14:3

Asiria lɔii fa pɔ̂ri wɔ́lɔ kúkulâi mɛnîi, ǹyaŋ kú kɔ́kɔ-soo-ŋai dí fé pâi kú maa kɔ̃ɔi. Kúfe pâi ŋɔ́nɔ kúkpɛtɛ-sãai tôlii a kúɣâla. Tee-loŋ a maloŋ kâa sɔlɔ ƃô ísarâi.”

Osia 4:11

Yâwɛɛ è mò ǹyɛɛ, “Ŋwã̂ai pɔlɔ da ŋwã̂ai-nina da núu ŋɔtárei kùla ǹyêei.

Osia 4:6

Ŋánûai su a kâra, kpɛ́ni fêi, táre fé díyêei. Káai a zâla láa-soŋ-ƃelai, gáa a kásɔŋ kpɛ́ni fêi, ka kápôlu tɔ̀ɔ ḿâ, ka ŋásɛŋ lɛ́ɛi kpɔara. Berei ka ǹia la ŋátɔ̂ŋ mai, ńyãa máŋ ŋa pâi niâi kálônii dîa.

Osia 5:13

“Tãi Eezuɛ è ŋɔkɔlɔ-felai kàa lai, Zuda é ŋɔkpálai-laai káai, è kɛ̀ tí, Eezuɛ è lì Asiria lɔii su, é gâloŋ kɛ́tɛi worɛ̂ tɛ̀ɛ. Kɛ́lɛ vé kɛ̀ pɔri ní díƃalôi.

Osia 5:4

Dítûa-pere-ŋai da gɛ́ dífa pɔ̂ri pâi pôlu Díɣâlai pɔ́. Kpɛ́ni fêi, wulu-wulu kɛ́-mɛni káa díkponôi dífe ŋ́gɔlɔŋ ńyãa Yâwɛɛ.

Osia 8:13

Dí wɛ́li ní a sâla kuláa. Da sua kûla a sâla dí mii. Kɛ́lɛ, Ńyãa Yâwɛɛ ḿve wɛ́li ní la. Ǹyaŋ ḿve pâi dísɔnyɔ̂ŋ su-mɛni lɛɛ̂i. Ŋa pâi díkula maa kɛ̂i. Ŋa pâi dítɛɛ̂i pôlu Ize lɔii su.

Osia 9:3

Eezuɛ-ŋai dífe pâi lɛɛ̂i Yâwɛɛ ŋɔlɔii su. Kɛ́lɛ ká tá-ŋa ka pâi liî pôlu Ize lɔii su. Ǹûai kpéli-ŋai da pâi liî Asiria lɔii su ƃɛ́i da pâi zãâi mii naa nyii maa fé waa-ni Ɣâla ŋɛi.

Osia 9:6

A nɛ̃ɛ ma ká pú ká kúla Asiria ŋɔmɛni kpɔ̂lui yêei, Ize-ƃelai da pâi ká sonîi dí ká ŋáa tɛ́ ma. Da pâi ká saa loôi Mɛŋfee taa leei su. Gáne-ŋai da pâi kɛ̂i a kala pɔ́ɔ, ŋalêŋ kpɔlɔ é tɛ́ dípɛrɛ-ŋai dîa.

Obadaya 1:7

Íkɔlɛ-ma lɔii-ŋuŋ-ŋai nyii-ŋai ka dîa-ni ká kɔ́ kɔ̀ gîe mai, da pâi ípɛlɛ̂i dí íkpɛ íkpɔɔi lɔii su. Íƃarâai da pâi ípɛlɛ̂i dí íyee mɛi ɣále. Íƃarâai nyii-ŋai í làa a diai, da pâi ƃáre tɛ̂i ímɛni ma nyii ífe pâi gɔ́lɔnîi.”

Maafîu 10:16

“Ka gáa, ŋa kátɛɛ̂i yɛ̂ɛ ƃála-ŋa ƃe díkaa kɔ́li-saŋ su. M̀ɛni ma, ka kɛ́ a kátareɛ yɛ̂ɛ kali, ka ƃo a kálii lɛ́lɛɛ yɛ̂ɛ tòloŋ.