Osia 6:9 - Ŋ̀âla Kɔlɔ Maa Waai

⁹ Yɛ̂ɛ berei mɛni nyɔ́mɔɔ kɛ́-ƃela da kɛ̂ la díkpulu mâ díkɛ núu maa kpɛ̂ŋ a gɛɛ dí sɛŋ kula yêei kɛ̂i, bere ƃé zâla láa-soŋ-ƃelai díkaa la díkîe ma. Da núu pàa Sɛkɛŋ perei ma. Tɔ̃yâ ma, da mɛni nyɔ́mɔɔ kɛ̀ a núu.

Osia 6:9 ပူးပေါင်းရင်းမြစ်များ

Zɛnɛse 12:6

Eberaŋ è sìa-sia ǹɔii su é lɛ́ɛ la zu é seri Morɛ wuru maa wáai mu Sɛkɛŋ kɔlɛ ma. (Tãi tí su Keena lɔii lonii dí kɛ̀ naa.)

Kâloŋ Maa-ŋuŋ 12:25

Nya ƃe Gâloŋ Zɛroboaŋ è Sɛkɛŋ-taai maa tìnaŋ é dóo galai ǹyée lɔii su Ifiraŋ é sée naa. È kùla naa é lí é Pɛnuɛ tɔɔ a taa.

Ɛzura 8:31

Kú kùla ǹyá lêei kɔlɛ nyii a lî Aava taai ma perei, kú lí pôlu Zerusâlɛŋ a ŋ̀áloŋ maa ŋuŋ ŋɔfólo puu káo feerɛ ɣele. Kúɣâlai è kú maa kɔ̃ɔ kúkpɔara-ƃelai yêei da sɛŋ nyɔ́mɔɔ da kpɛ́ni-ŋa kúsia perei su.

Zɛlemaya 11:9

Yâwɛɛ è ŋɔ́nɔ mò ḿâ ǹyɛɛi, “Wôya mɛni kpɛtɛɛ káa Zuda da Zerusâlɛŋ-ƃelai sáma.

Izikiɛ 22:25

Eezuɛ laa-tuɛ ƃelai díkaa yɛ̂ɛ yala-sulu ƃe kpéɣêi gɛ gɔnɔŋ fala-fala. Da ǹûai dífulu laai su kara. Da dísɛŋ-kaoi da dí kɔ̃lîŋ kélee siɣe. Da nɛnî támaa kɛ́ da lɛɛ a pɔɔ-nɛnî Zerusâlɛŋ.

Izikiɛ 22:27

Dílaa túɛ-ƃelai díkaa yɛ̂ɛ baníŋ nyii-ŋai da kɛ́ dí kɔ̃́nɔŋ fala-falai, díkɛ núu pàa, díkɛ ƃò a núu paa-ƃela a gɛɛ díkɛ fili-sãa sɔlɔ ƃô, dítɔɔ a wôya pere.

Izikiɛ 22:9

Nûa díkaa ká sama nyii ŋai da lɛ́ɛ kɛ a díƃaraai láa a gɛɛ dí dípaa. Ǹúui da-ni káa naa da kɛ sâla mii-sɛŋ miî ǹyée ŋai ma. Ǹúui da ni díkɛ díkpîŋ tua-pere ŋa-see kɛ a wulu-wulu kɛ́ɛ.

Izikiɛ 23:27

M̀ɛni ma, ŋa pâi íkperâi íwulu-wulu tua-ŋai kélee ma íkula la Izei. Ŋa pâi gɛ̂i tí a gɛɛ ífa pɔ̂ri íŋuŋ mu siɣêi í Ize-ƃelai káa, kpaa máŋ díkili é lɛ́ɛ íkili-ŋá.”

Osia 2:10

Ǹyaŋ ŋa pâi gaŋ ƃôi ŋɔwɛ́li-ŋai ŋɛ́i. Núu da kélee fé pâi pɔrîi gulâi ńyêei.

Osia 4:2

Ǹûai da Ɣâla láa sìɣe kpɛ́ni-kpɛni, dí lɛ́ɛ kɛ́, dí núu páa, dí ŋúma kɛ́, dí kɛ́ wulu-wulu kɛ̀. Da m̀ɛni-ŋai ŋí kɛ̀ a tãi kélee. Da kɛ̂ nɔ́ mɛni nyɔ́mɔɔ kɛ̂i gîe mɛi a tãi kélee, dí kɛ́ núu pàa nɔ́ gîe mɛi kéleŋ.

Osia 5:1

“Óo zâla láa soŋ-ƃelai, ka káwoli tɔ́ɔ! Óo Eezuɛ-ƃelai, ka káwoli tɔ́ɔ! Ka káwoli tɔ́ɔ, káai a gâloŋ ŋɔpɛ́rɛi mu-ƃelai! M̀ɛni ŋá téɛɛi ŋí tɔɔ̂i kâa. Kpɛ́ni fêi, ka nâa kɛ́ a ƃáre Mizipa taa-leei su, ká ƃò nâa a tuma Tabɔ Yeei mɛi kpɛ́ni fêi káa ƃé ka ǹûai kɛ́ díkɛ Ɣâla da kpɛ́ni-ŋa fɛ̀li naa.

Osia 5:2

Ka lóa kpóŋ kôyaa tée Akasia taa-leei su. Ǹyaŋ ŋa pâi tɔ̂ŋ pûi kákelee kâa.

Osia 7:1

“Ŋá kɛ̀ ŋ̀wɛ̂lii ŋá Eezuɛ ƃálo, ŋá gɛ́ é ƃûu ƃó, kɛ́lɛ gáa nɔ́ nîi ŋɔsɔnyɔ̂ŋ kɛ̂i. Sameria káa nɔ́ ŋwana lɔ̂ɔ kɛ̂i da lɛ́ɛ, ŋ̀uma-ƃelai dí kɛ́ ŋúma kɛ̀, mɛni-nyɔmɔɔ kɛ́-ƃelai dí kɛ́ mɛni nyɔ́mɔɔ kɛ̀.

Maka 3:9

Ka káwoli tɔ́ɔ, káai a Zeeka ŋɔnûai da Eezuɛ-ŋai dímɛi-ƃelai, káai ka tɔ̃yâ-laa kpɔara ka mɛni lɛ́lɛɛ pene a mɛni nyɔ́mɔɔi.

Maka 7:2

Tɔ̃yâ-nuu da kélee fé ŋɔ́nɔ ǹɔii su. Núu kélee fé naa nyii a yào Ɣâla mai. Ǹúui kélee a maa-kpɛ̂ŋ kɛ̂i gɛ́ pere kɔ̂ri a gɛɛ é núu páa. Núu kélee kɛ́ kɔ̀ a gɛɛ é gbɔ́ɔi nuai maa liî tée.

Zɛfɛnâya 3:3

Ŋɔgɔmɛnɛ-ƃelai díkaa yɛ̂ɛ yala-sulu kpéɣɛɛ-ŋa. Ŋɔmɛni-sâa ƃó-ƃelai díkaa yɛ̂ɛ ɣele-wûlii lɔɔ-ɣîla-ŋa nyii-ŋai dífa mii-sɛ̂ŋ kélee lɛ̀ɛ naa é lɛ́ɛ la zu ɣele é ƃɔ.

Mâki 14:1

Ɣele feerɛ è lɛ̀ɛ a gɛ́ɛ Dɛɛ-mɛi kûui é seri da Dɛ́-sɛŋ fé kpoloi maa kûui. Zâla láa soŋ-ƃela kpaya-kpaya da Dɔ̂ŋ lɛ́-ƃelai dí kɛ̀ pere kɔ́rîi a gɛ́ɛ dí Zîsɛ soŋ a gbana pere dí bàa.

Zɔ̂ŋ 11:47

Nya ƃe zâla láa soŋ-ƃela kpaya-kpayai da Faresii-ŋai dí kɔyâŋ tòo dí m̀o, díyɛɛi, “Lé ƃe kwa pɔ̂ri gɛ̂i? Kpɛ́ni fêi, nalôŋ ŋí a ŋɛi-kɛ-maa támaa kɛ̂i.

Zia-ƃelai Kɛ́-mɛni-ŋai 4:24

Nya ƃe díkelee dí Ɣâla fɛ̀li gîe ma dîyɛɛi, “M̀ɛi-nuui, yá ƃé ŋ̀elei kpɛ̀tɛ, ǹɔii, ǹyái da dísu sãa kélee.