Osia 6:4 - Ŋ̀âla Kɔlɔ Maa Waai

⁴ Yâwɛɛ è mò ǹyɛɛi, “Óo Eezuɛ da Zuda, lé ƃé ŋa pɔ̂ri gɛ̂i a káa? Káwɛli-kɛ maai káa yɛ̂ɛ ɣele ƃɔ̂i kpini, yɛ̂ɛ lúu nyii a tɛ̂ɛ a maa félaai.

Osia 6:4 ပူးပေါင်းရင်းမြစ်များ

Zɛlemaya 3:10

M̀ɛni-ŋai ŋí pôlu ma, Eezuɛ ŋɔkáayɔɔi Zuda nyíi ve kɛ́ ní a deniŋ ƃôɔɔi, vé tínaŋ ní ḿbɔ naa a ǹíi kélee, vé tûa ní a téniŋ ƃô pere. Ńyãa Yâwɛɛ ƃé mò tí.”

Zɛlemaya 3:19

Yâwɛɛ ǹyaa kpîŋ è mò ǹyɛɛi, “Ŋá kɛ̀ ŋ̀wɛ̂lii a gɛɛ ŋá ká síɣe a ǹônii sinaa, ŋá lɔii lɛ́lɛɛ tɛ́ɛ ká pɔ́, nyíi pâi kɛ̂i a ká pɔ́ɔ nyíi pâi kɛ̂i a ǹɛ́lɛɛ é tɛ́ɛ ŋ̀éniɛi su lɔii kélee mai. Ŋá kɛ̀ ŋ̀wɛ̂lii a gɛɛ ká ńdoli a kánâŋ, a gɛɛ káfe ŋɔ́nɔ kùla ḿbôlu.

Zɛlemaya 34:15

Kɛ́lɛ, gúu feerɛi ŋí yée mu, ká kálii màa fàleŋ ká ńii láa mɛni kɛ́. Ká kélee ká fàa a gɛɛ ká káƃarâai nyíi-ŋai kɛ̀ káyêei a luɛ-ŋai ŋuŋ ma ƃó. Ká m̀ɛnii ŋí maa kpanaŋ-woo kɛ̀ ŋ́ɛi túɛ Ŋ̀âla-pɛrɛ Kɛ́tɛi mu ƃɛ́i ka ḿvɛ̀li naai.

Zɛlemaya 5:23

Kɛ́lɛ, kákaa a nûa ŋuŋ-su kpanaŋɔɔ nyíi-ŋai da dí pôlu tɔɔ ḿâ. Ka tínaŋ ka kápôlu tɔɔ ḿâ.

Zɛlemaya 5:7

Yâwɛɛ è dímarê kɛ̀, “Ŋa pâi ká sɔnyɔ̂ŋ su-mɛni lɛɛ-pere kɛ̂i léŋ? Kánîa-pɛlɛɛi da dípôlu tɔɔ ḿâ, dí kɛ́ ɣâla-ŋa fɛ̀li nyíi-ŋai dífe a tɔ̃yâ ɣalai. Ŋá dí kɔ̃́nɔŋ kùla dí píla, kɛ́lɛ dí kɛ̀ nɔ́ wulu-wulu kɛ̂i. Díkɛ kîrɛ sìɣe wulu-wulu kɛ́-ƃela dípɛrɛ-ŋai lá.

Zɛlemaya 5:9

À kɛ̀ tí, ḿva pɔ̂ri díkula maa kɛ̂i m̀ɛni-ŋai ŋí mɛ̂ni ma? À kɛ̀ lɔii-ŋuŋ da à dûa sii ŋí kɛ̀, ḿva pɔ̂ri gula maa kɛ̂i?

Zɛlemaya 9:7

M̀ɛni ma Ŋ̀wála-wâla kélee Yâwɛɛ è mò ǹyɛɛi, “Ŋa pâi dímaa-waai, ŋá su kɔ̂ɔŋ tɛɛ dípɔ. Ḿva pɔ̂ri mɛni da kpɛ́ni kɛ̂i. Kpɛ́ni fêi díkaa a ŋánûa.

Osia 11:8

“Óo Eezuɛ, ŋa pâi ńyee kulâi léŋ ímu? Óo Eezuɛ ŋa pâi teêi yâ lé-mɛni ma? Ŋá pɔ̂ri tuâi a yá yɛ̂ɛ berei ŋá gɛ̀ la a Adama kpaa máŋ yɛ̂ɛ Zeboliŋ taa-lee-ŋai? Fa pɔ̂ri nyíŋi kɛ̂i. Ŋáwɛli kɛ́-maai káa nɔ́ kámɛni ma.

Osia 13:3

M̀ɛni ma Eezuɛ a pâi kɛ̂i yɛ̂ɛ ɣele-wala-luu, kpaa máŋ lúu nyii a tâa a sumoɔɔ, kpaa yɛ̂ɛ sɛŋ ƃa vɛ̀ɛi maa kpôlo nyii a kûla lâa sui, kpaa máŋ yɛ̂ɛ luru nyii a kûla wêna lai.

Osia 7:1

“Ŋá kɛ̀ ŋ̀wɛ̂lii ŋá Eezuɛ ƃálo, ŋá gɛ́ é ƃûu ƃó, kɛ́lɛ gáa nɔ́ nîi ŋɔsɔnyɔ̂ŋ kɛ̂i. Sameria káa nɔ́ ŋwana lɔ̂ɔ kɛ̂i da lɛ́ɛ, ŋ̀uma-ƃelai dí kɛ́ ŋúma kɛ̀, mɛni-nyɔmɔɔ kɛ́-ƃelai dí kɛ́ mɛni nyɔ́mɔɔ kɛ̀.

Maafîu 13:21

Kɛ́lɛ, va zame pîlaŋ ǹíi su, a lɔ̂mu nɔ naa a da-loŋ, ǹyaŋ mɛni-kpɔ̂lu da kpɔara da pà bɔ ŋ̀óoi mɛni ma, a tôo pôlu a maa félaa.

M̀ɛni-sâa Ƃó-ƃelai 3:12

Eezuɛ-ŋai dí ŋɔ́nɔ sɔnyɔ̂ŋ kɛ̀ a Yâwɛɛ. Nya ƃe Yâwɛɛ è gɛ̀ Môa-ŋai díkâloŋ Ɛgulɔŋ ŋɔwála-wâlai é tɛ́ɛ dîa.