Osia 6:3 - Ŋ̀âla Kɔlɔ Maa Waai

³ Kwaa kɔ́ kú Yâwɛɛ kɔ́lɔŋ. Ŋɔmɛni kpɛtɛɛi káa a tɔ̃yâ yɛ̂ɛ ɣele ƃɔ́ɔ. A pâi pâi kúpɔ yɛ̂ɛ sama-ya ɣele-tuna nyii a ǹɔii yɔ̂ɔi.”

Osia 6:3 ပူးပေါင်းရင်းမြစ်များ

Samia Veerɛi 23:4

gáa yɛ̂ɛ ɣele ƃɔ̂i kwaa ponoɔɔ, gɛ́ ƃò yɛ̂ɛ fólo ǹɛnɛŋ a pìlaŋ ɣele-kɔlɔŋ kole ma, da tuna nyíi a gala-ŋai kɛ̀ dí pɔmûŋ.’

Zôo 29:23

Da kâa kɛ̀ ḿaa kpɛ́nii yɛ̂ɛ nûa ƃé tuna maa kpɛ́nîi, díŋɛi kɛ́ ƃò ḿberêi yɛ̂ɛ kpâlaŋ ŋá tii-kɛ-nuu à kɛ̀ dunai maa-ŋuŋ maa kpɛ̂nii.

Wule-woo-ŋa 19:4

É máŋ kɛ́ tí, díworɛ̂-wooi a seri ǹɔii gwaa kélee. Nûa da ŋ̀orɛ̂-wooi ŋí mɛ̀ni ŋ̀éniɛi gwaa kélee. Ɣâla è ŋ̀elei kpɛ̂tɛ é naa kɛ́ a vóloi kɛ̂i.

Wule-woo-ŋa 19:6

Vóloi a kûla ǹɔii m̀éla dɔnɔ ma é lí gbéli ma, é tínaŋ é lí gbélii ma pere. Ǹyaŋ núu da fa pɔ̂ri ǹoôi ŋɔzi-zii yêei.

Wule-woo-ŋa 63:8

Ŋ́ganaŋɔ̂ɔi yâ, ǹyaŋ yá ƃé ya ḿaa kɔ̃ɔ.

Wule-woo-ŋa 65:9

Ya gɛ̀ tuna é pú ǹɔii ma é ma yɔɔ, í gɛ́ sí-sãa dí kpɛtɛ. Ya gɛ̀ ǹya-lee-ŋai dí fɛ́ɛ, sí-sãa dí kpɛtɛ ǹɔii mâ. Ǹyaŋ bere ƃé ítûa-perei káa la.

Wule-woo-ŋa 72:6

Tɔɔ gâloŋ maa mɛ̂ni é kɛ́ yɛ̂ɛ fólo lá-ƃoɔɔ tuna nyii à pù, sí-sãa líi a lâai. É kɛ́ yɛ̂ɛ lúu nyii a ǹɔii yɔ̂ɔ, sí-sãa díkɛ kpɛ̀tɛ ma a ǹɛ́lɛɛi.

Táre-woo-ŋa 4:18

Kɛ́lɛ dɔ̃yâ-ƃelai díperei káa yɛ̂ɛ fólo-nɛnɛŋ. A lɛ̂ɛ fôloi é lɛ́ɛ la zu vólo su é kɛ́tɛ.

Azaya 2:3

Núu támaa da pâi pâi dîyɛɛi, “Ka pá kwáa lí Yâwɛɛ ŋɔyéei tôŋ su. Ka pá kwáa lí Zeeka Ŋɔɣâlai Ŋɔpɛ́rɛi mu. Ǹaa ƃé a pâi m̀ɛni-ŋai lɛ̂i naa kûa a gɛ́ɛ kú sía a dia. Nyíŋi ƃé pâi gɛ̂i kú kúɣeniɛi kɛ́ yɛ̂ɛ berei a ŋ̀wɛ̂lii lai. Kɛ́lɛ Yâwɛɛ ŋɔsɛŋ lɛ́ɛi a kûla Zerusâlɛŋ. Zãiyɔŋ Yeei ma ƃé a lôno naa ŋɔnûai pɔ́.”

Azaya 32:15

Ǹaa à kɛ̀ tí, Ɣâla a pâi ŋɔmɔ̂leŋ tɛɛ̂i. Ǹɔii a pâi ŋɔ́nɔ penêi a lɔii lɛ́lɛɛ sí-sãa kpɛtɛ mɛ̂ni ma.

Azaya 44:3

“Ŋa pâi gɛ̂i tuna é pú, ǹɔii kpâlai é yɔɔ. Ŋa pâi gɛ̂i ya-ɣɛli pɛlɛɛ-ŋa dí láa vɛ̃ɛ-kpâlaŋ-ŋai su. Ŋa pâi Ŋámɔ̂leŋ pûi kálônii kponôi, ŋá lûwa láa dîa.

Azaya 5:6

Ŋa pâi ǹɛɛ̂i naa galai yée é tɛ́ɛ m̀a. Ḿve pâi ǹaa kpɛtɛ̂i, kpaa máŋ ŋá galai fála naa. Ǹaa a pâi kɛ̂i nɔ́ a m̀ɛi-pɛlɛɛ a tânaŋ da ŋalêŋ kpɔlɔ. Ŋa pâi m̀ôi ŋ̀elei su ma a gɛɛ vé ŋɔ́nɔ nɛ̀ɛ naa tuna é pú naa.”

Azaya 54:13

“Ńyãa kpîŋ ŋa pâi sɛŋ-lɛ̂i kálônii sinaai dîa. Ŋa pâi gɛ̂i díƃûu ƃó, dílii seɛɛ.

Zɛlemaya 24:7

Ŋa pâi gɛ̂i ḿaa mɛ̂ni é lɛ́ɛ díkili ŋá dí gɔ́lɔŋ a gɛɛ ńyãa ƃa Yâwɛɛ. À kɛ̀ tí, da pâi kɛ̂i a ŋánûa, ńyaŋ ŋ́gɛ ƃò a Díɣâla, kpɛ́ni fêi, da pâi tínanîi ḿbɔ naa pere a dí líi kélee.

Izikiɛ 36:25

Ŋa pâi yá lɛ́lɛɛ kpɛ́mɛnîi kâa. À kɛ̀ tí, gɛ̀ ní ka pâi kɛ̂i a ká maa-waa. Gɛ̀ ní, ŋa pâi ńyee seêi ká mu. Ŋa pâi ká maa waâi ŋa ká kúla m̀ɛni nyɔ́mɔɔ-ŋai su nyii-ŋai gɛ̀ ká maa fé waa nii. Ŋa pâi ká maa waâi ŋa ká kúla ŋ̀âla da kpɛ́ni-ŋai fɛli mɛ̂ni-ŋai su.

Osia 10:12

Ka tɔ̃yâ kɔ́ri. Gáa yɛ̂ɛ sí-sɛŋ kao lɛ́lɛɛ síɣɛɛ ká kpâlaŋ ŋá. Ka tɔ̃yâ mɛni kɛ̀, ka pâi ƃɛlɛ-sêe sɔlɔ ƃôi ńyêei. Gáa yɛ̂ɛ sí-sɛŋ lɛ́lɛɛ ƃâ kuláa. Ka ńyãa Yâwɛɛ ḿvɛ̀li, ŋa pâi lûwa toôi kâa ŋá ká ƃálo. A pâi kɛ̂i yɛ̂ɛ tuna nyii pâi pûi ká sí-sãai dîa a gɛɛ dí ƃɔ̀lɔ.

Osia 14:5

Ŋa pâi kɛ̂i yɛ̂ɛ lúu Eezuɛ-ŋai yêei. Da pâi poâi yɛ̂ɛ wúru. Dísame a pâi lɔ̂i ǹɔii mu yɛ̂ɛ wúru.

Osia 14:6

Zame a pâi táa-tâai ǹɔii mu. Ŋɔlɛ́lɛ-laai a pâi kɛ̂i yɛ̂ɛ ɔ̂le-wuru, gúŋ nɛ̃ɛ yɛ̂ɛ ŋ̀úru-ŋai díkaa Lɛƃanɔŋ-lɔii sui.

Osia 2:20

Ya pâi kɛ̂i a ŋánɛnî. Ŋa pâi íwɛ̂lii a tɔ̃yâ-pere, gɛ̀ ní, ya pâi ńyãa Yâwɛɛ ŋ́gɔlɔnîi.”

Maka 4:2

Núu támaa da pâi pâi dîyɛɛi, “Ka pá kwáa lí Yâwɛɛ ŋɔyéei tôŋ su. Ka pá kwáa lí Zeeka Ŋɔɣâlai Ŋɔpɛ́rɛi mu. Ǹaa ƃé a pâi m̀ɛni-ŋai lɛ̂i naa kûa a gɛ́ɛ kú sía a dia. Nyíŋi ƃé pâi gɛ̂i kú kúɣeniɛi kɛ́ yɛ̂ɛ berei a ŋ̀wɛ̂lii lai. Kɛ́lɛ Yâwɛɛ ŋɔsɛŋ lɛ́ɛi a kûla Zerusâlɛŋ. Zãiyɔŋ Yeei ma ƃé a lôno naa ŋɔnûai pɔ́.”

Maka 5:2

Yâwɛɛ è mò ǹyɛɛi, “Óo Bɛpeleɣɛ̃ɛ Ɛfata, yáai Ifiraŋ lɔii-kpiniŋ sui, íkaa a daa kuro-tei dɔnɔ Zuda taa-ŋai sáma, kɛ́lɛ ǹaa ƃé ǹúu-ŋuŋ túɛ-nuui a pâi kulâi naa Eezuɛ mɛni ma nyii ŋɔnûa pɔlɔ-ŋai dísuu kɔ́ɔ a wɔ́lɔ pìlaŋ kpɔ́ a tãi su kôyaai.”

Maka 5:7

À kɛ̀ tí, Zeeka ŋɔnûai lɛ̀ɛ pôlui, da pâi liî lɔii da kpɛ́ni ŋa su. Da pâi kulâi naa yɛ̂ɛ lúu da tuna da kùla Yâwɛɛ yêei dí pú kala ma nyii va núu maa-kpɛ̂ŋ kpaa máŋ núu-kpune ǹônii.

Zɛkɛrâya 10:1

Yâwɛɛ marê kɛ́ tuna mɛ̂ni ma a fólo-laa-ƃoɔɔ, ǹúui a gɛ̀ tuna kpîni é tóo gɛ́ gɛ̀ ya-kpôloŋ kɛ́ tɛ̀ɛ núu kélee ŋɔkpâlaŋ ŋá.

Malakai 4:2

Kɛ́lɛ káai ka yâo ḿâi ŋátɔ̃yâ-laai a pâi ƃêlai kâa yɛ̂ɛ fólo, gɛ́ pà a ƃálo-laa kápɔ yɛ̂ɛ fólo-kpã̂le. Ka pâi kɛ̂i a ká ŋuŋ-maa-ƃóɔɔ kálii kɛ́ nɛ̃ɛ yɛ̂ɛ da niŋa-lônii kula kóraŋ su díkɛ pìli-pili.

Maafîu 13:11

È díwoo su tòo, ǹyɛɛ diai, “Káa ƃe Ŋ̀âla-taa kâloŋ-laai su loo-mɛni-ŋai kɔ́lɔŋɔɔ tɛɛ̂i kápɔ. Kɛ́lɛ, ve tɛɛ ni dípɔ.

Lûu 1:78

Kúɣâlai ŋɔmaloŋ kaai sârai, tãi ɣele-ƃɔ́i a pâi pâi la kúmɛi é kúla ɣelei póŋ-póŋ,

Zɔ̂ŋ 17:3

Ǹyaŋ wɔlɔ-wɔlɔ fulu-laa ká ŋi a gɛɛ dí íkɔlɔŋ a Dɔ̃yâ Ɣala tɔnɔi, ka Zîsɛ Kôrai nyii ya dɛɛi.

Zɔ̂ŋ 7:17

núu da kélee à ŋ̀wɛli e Ɣâla ǹîa mɛni kɛ́, ǹyaŋ a pâi gɔ́lɔnîi, à kɛ̀ ŋámɛni-lɛɛi a kulâi Ɣâla yêei, kpaa à kɛ̀ ŋ́gaa lônoi a ḿgbɔɔ̂i-wala-wala.

Zia-ƃelai Kɛ́-mɛni-ŋai 17:11

Zûu-ŋai kɛ̀ daai ŋí sui, wɛli-kɛ-maa è kɛ̀ díyêei é tɛ́ɛ Tɛsɛlonaika Zûu-ŋai dîa. Dí díyêei sèe Ɣâla ŋɔwóoi mu a dílii kélee. Dí kɛ̀ Ŋ̀âla-kɔlɔi su kâai a ɣele kélee a gɛ́ɛ dí gáa à kɛ̀ m̀ɛnii ŋí dí mò diai è kɛ̀ a tɔ̃yâ.

Dutɛrɔnome 32:2

Tɔɔ ŋásɛŋ lɛ́ɛi é kɛ́ yɛ̂ɛ tuna ƃé pûi, ŋóo kɛ́ tòo yɛ̂ɛ lúu ƃé pûi. Ŋóo kɛ́ tòo yɛ̂ɛ tuna nyɛmɛ-nyɛmɛ ƃé pûi kala ŋûnu ma. Ŋ́oo kɛ́ pù yɛ̂ɛ tuna kɔlɔ saa mà ƃé pûi sí-sɛŋ tɔɔ ma.

Ibulu 3:14

Kpɛ́ni fêi, kwa pâi Kôrai sɔlɔ ƃôi, à kɛ̀ nɔ́ kwa kúlaa-lai maa-ŋuŋ sôŋ a gbanaŋɔɔ é seri gɔ̃yɛŋ ma.

Pitɛ Veerɛi 1:19

Nyíŋi a ǹɛ kûa a gɛɛ Ɣâla ŋɔlóno-kɛ-ƃelai díwooi káa a tɔ̃yâ. A pâi kɛ̂i a mɛni lɛ́lɛɛ à kɛ̀ kà káwoli tɔ̀ɔ nyíŋi ma yɛ̂ɛ laŋpo ƃe sonîi kpinii é lɛ́ɛ la zu ɣele é ƃɔ́ ŋele-wala pɛmɛlɛŋ kaoi é kúla kálii su.

M̀ɛni-lɛɛi 22:16

“Ńyãa Zîsɛ, ŋá ŋákelai tɛ̀ɛ ípɔnaa a zere-faai ŋí Kôrai-toli-kpɔŋ-ŋai mɛni ma. Ŋ́gaa a Deeƃé ŋɔsame, ŋ́gɛ ƃo a ŋɔsuui-su-nuu, ńyãa ƃe ŋ́gaa a ŋele-wala pɛmɛlɛŋ-kao-foloɔɔi.”