Osia 5:9 - Ŋ̀âla Kɔlɔ Maa Waai

⁹ Yâwɛɛ a pâi tɔ̂ŋ kpɛ̂i Eezuɛ lɔii ma. Nàa a pâi kɛ̂i a pîleŋ ŋá. Ŋa nyíŋi ƃôi zîi-ŋai kélee dîa díkaa Eezuɛ lɔii sui a gɛɛ mɛnii ŋí a pâi kɛ̂i a tɔ̃yâ.

Osia 5:9 ပူးပေါင်းရင်းမြစ်များ

Zôo 12:14

À kɛ̀ Ɣâla a sɛŋ da kàra, núu da fa ŋɔ́nɔ gbɛ̀tɛ naa pôlu ma. À kɛ̀ Ɣâla a núu sòŋ a luɛ, gbɛ̂ɛ ƃa pɔ̂ri maa-nuui tí maa têei? Maa nûu fé ma.

Azaya 37:3

Dí m̀o m̀a dîyɛɛ Ɛsekaya ǹyɛɛi, “Vóloi ŋí káa sâa a lii-too pôlu folo kúmaa mɛ̂ni m̀a. Ƃâa a kula kûa, kúƃɛlɛ a tòo. Kúkaa nɔ́ yɛ̂ɛ nɛnî nyii gáa koi-têe su, kɛ́lɛ gbono fíi-kpɛɛ a gɛ́ɛ é gɛ́ ǹôloŋ é pá.

Azaya 46:10

M̀ɛni-ŋai pâi kɛ̂i é kúla gɔ́ɔ pîlani é tóo gbɛɛ ŋái mai, ŋá wɔ́lɔ dí maa mɛni ƃò kâa. M̀ɛni-ŋai kɛ̂i ŋá dímaa mɛni ƃò kâa tãi su-kôyaa tɛɛ pôlu ma. Ŋá m̀o kâa a gɛ́ɛ m̀ɛnii kélee ŋa m̀ôi, ŋaa see a kɛ̀. Ŋá m̀o kâa a gɛ́ɛ fa ŋ́oo sìɣe pôlu.

Azaya 48:3

Kɛ́lɛ Yâwɛɛ a m̀ôi kâa ǹyɛɛi, “M̀ɛnii ŋa gɛ̂i, ŋá wɔ́lɔ m̀ó a tãi su kôyaa. Ǹyaŋ gélee è kɛ̀ a m̀aa félaa.

Azaya 48:5

M̀ɛni-ŋai kélee kɛ̂i lônii mai, ŋa wɔ́lɔ dímaa mɛni ƃó kâa. Ŋá gɛ̀ tí a gɛ́ɛ káfa la m̀ó la a gɛ́ɛ ɣâla-ŋai ká díkpɛtɛi ƃé gɛ̂i díkɛ kɛ̀.

Azaya 7:16

É lɛ́ɛ pâi kɛ̂i a núu gbîŋ mɛni ma, Eezuɛ da Asiria kaloŋ feerɛi ŋí ka yaôi dîai, da fé pâi kɛ̂i ɣele ma. Núu tɔnɔ kpîŋ fé pâi lɛɛ̂i ǹɔii-ŋai da mà da dímɛi a kâloŋ-ŋai.

Osia 5:12

Ŋa pâi Eezuɛ su-karâi yɛ̂ɛ berei fili a wúru mìi lai ŋá Zuda su kara yɛ̂ɛ berei kpêle à sua su kara lai.

Osia 5:14

Ǹyaŋ ŋa pâi kɛ̂i yɛ̂ɛ yala-sulu Eezuɛ mɛni ma, ŋ́gɛ ƃò yɛ̂ɛ yala-sulu loŋ Zuda mɛni ma. Ńyãa kpîŋ ŋa pâi dífala-falai ŋá dí ɣála-ɣâla. Ŋa pâi liî a dîa, núu da fé pâi dí kulâi ńyêei.

Osia 7:12

Da kɛ̀ liî, ŋa pâi dísonîi a ŋátumai. Ŋa pâi pâi a dia ǹɔii su yɛ̂ɛ ŋɔni-ŋa, ŋá díkula-maa kɛ́ díŋwana lɔ̂ɔ tua-ŋai mɛni ma.

Osia 8:8

Eezuɛ-ƃelai láŋɔɔ̂i. Díkaa nâa lɔii-ŋuŋ da kpɛ́ni-ŋa sáma yɛ̂ɛ sɛŋ-folo saa.

Osia 9:7

Dɔŋ-kpɛ-maa-tãi à sèri, fela-fei-tãi a sèri, Eezuɛ-ŋai da pâi gɔ́lɔnîi. Ka gâai yɛ̂ɛ “Ɣâla ŋɔlóno kɛ́-nuui ƃoɔ̂i, ǹúui m̀ɔlêŋ káa gbonôi táre fé ŋuŋ su.” Kásɔnyɔ̂ŋ da kákpɔara su kɛ̂tɛi nyii ka gɛ́ a Ɣâlai.

Emɔ 3:7

Tɔ̃yâ ma, Ɣâla Yâwɛɛ fa niî mɛni da kɛ̀, fɛ̂ɛ é ŋɔloo-mɛni-ŋai kélee lɛ́ ŋɔlóno kɛ́-ƃelai dîa, nyii-ŋai díkaa a ǹyée mu-ƃelai,

Emɔ 7:17

M̀ɛni ma, Ɣâla Yâwɛɛ è mò, ǹyɛɛ, ‘Ínɛnîi a pâi kɛ̂i a wulu-wulu-nɛnî daa-leei su, ƃóa-sɔkpɔ é ílônii sinaai da ílônii-nɛyaai páa. Ílɔii ŋáa a pâi kɔlɛ̂i a gbua-kpuaa, yá kpîŋ í sáa lɔii su nyii ve Ɣâla mɛni kɔ́lɔŋ, ǹyaŋ da pâi Eezuɛ-ŋai kulâi dílɔii su a tɔ̃yâ dí lí a dia luɛ-laa su.’ ”

Emɔ 7:9

Aise ŋɔsâla-kula kwaa-ŋai ma su a pâi karâi, Eezuɛ ŋɔɣâla-pɛrɛ kpaya-kpayai su é kara, ǹyaŋ ŋa pâi tɔɔ̂i Zɛroboaŋ ŋɔpɛ́rɛi ma a ƃóa-sɔ̂kpɔ.”

Maka 6:13

Mɛ̀ni ma ŋa nâa pɛlɛ ká kula-maa kɛ́ɛ ma, ŋá tée kâa ká sɔnyɔ̂ŋ mɛni ma.

Zɛkɛrâya 1:6

Ŋálono kɛ́-ƃelai sârai, ŋá tɔ̂ŋ tɛ̀ɛ kánuu-pɔ̂lɔ-ŋai pɔ́ da lia-wôo-ŋa, kɛ́lɛ dífe díwoli tɔɔ ní ḿâ, ǹyaŋ dí mɛni-kpɔ̂lu kàa a gɛɛ dí ŋ́gɔlɔŋ a gɛɛ ńyãa ƃa Ŋ̀wála-wâla kélee Yâwɛɛ ŋá díkula maa kɛ̀ yɛ̂ɛ berei è kɛ̀ la a ǹɛ́lɛɛ dímɛni mai, yɛ̂ɛ, berei ŋɔ́nɔ ŋá gbɛ̀tɛ la a gɛɛ ŋá gɛ́ a diai.”

Zɔ̂ŋ 16:4

Kɛ́lɛ, ŋa nyiŋi ƃó kâa a gɛɛ dítãi à pà, é tóo kákili ŋá a gɛɛ ŋá nyiŋi ƃò kâa. “Fe mɛni-ŋai ŋi ƃo ni kâa a maa-ŋuŋ. Kpɛ́ni fêi, ŋá kɛ̀ kákɔlɛ.