Osia 5:8 - Ŋ̀âla Kɔlɔ Maa Waai

⁸ Dúrui fɛ́ɛ Giƃia taa-leei su. Dúrui fɛ́ɛ Lama taa-leei su. Dúrui wóo kúla Bɛɛ-avɛŋ taa-leei su. Óo Bɛŋsima ŋɔnûai, ka lí kɔ́ ma.

Osia 5:8 ပူးပေါင်းရင်းမြစ်များ

Samia Veerɛi 21:6

ǹônii-sinaai ǹɔ́ɔlu mɛi feerɛ ƃé kwa wɛ̂lii í dítɛɛ kúpɔ a gɛ́ɛ kú dísɛ̂lɛŋ Yâwɛɛ ŋɛ́i Yâwɛɛ ŋɔyéei ma Giƃia.” Gâloŋ ǹyɛɛ dîai, “Ŋa pâi dítɛɛ̂i kápɔ.”

Kâloŋ Maa-ŋuŋ 12:29

È dɔnɔ sèe Bɛtɛ é gbélii sée Daŋ.

Azaya 10:29

Dí tɛ̀ɛ a ǹyée su-perei dí tɛ́ Giƃia. Ǹaa ƃé dí nyìi naa. Lama-ƃelai díkpɛ̃̀liŋ a yao, Gâloŋ Sɔ̂ɔ ŋɔnûai kɛ̀ Giƃai, dí pú.

Zɛlemaya 4:5

Lolo too-ƃela, ka lolo tóo Zuda da Zerusâlɛŋ gwaa kélee ma. Láɣi kpɔ́ a íwoo su ponoɔɔ. Mó Zuda da Zerusâlɛŋ-ƃelai dîa dí pú dí lî daa-lêe-ŋai su nyíi-ŋai dí maa tínaŋɔ̂ɔi a siɣãŋ.

Zɛlemaya 6:1

Káai kákaa a Bɛŋsima ŋɔnûai, ka pú ká kúla Zerusâlɛŋ ká ŋuŋ ma ƃô sɔlɔ ƃó. Ka dúrui fɛ́ɛ Tikoa, ká ŋɛi-kɛ-maa lɛ́ Bɛɛ-akɛrɛŋ kpɛ́ni fêi, mɛni kpɔ̂lu a kulâi yá-ŋua pere da su kâra-laa.

Osia 10:5

Sameria-ƃelai kpáaŋɔ̂ɔi díkɛ kpɛ̃liŋ díɣâla niŋa-loŋ pɔkɔɔŋ mɛ̂ni ma Bɛtɛ taa-leei su. Ŋɔnûai da pâi wɔ̂lɔi mɛ̀ni ma. Ŋɔɣâlai ŋɔsâla láa-soŋ-ƃelai da pâi gbêɣe toôi mɛ̀ni ma, kpɛ́ni fêi, ƃaa kɛ́-maa fé ŋɔ́nɔ mà.

Osia 4:15

“Óo Eezuɛ-ƃela, berei máŋ kákaa la a wulu-wulu kɛ́-ƃelai, Zuda-ƃelai dífe kápɔɔ kɔɔŋ. Káfe lì Geega, kpaa máŋ Bɛɛ-avɛŋ Ɣâla fɛlîi, káfe kákono tèe Yâwɛɛ láai su.

Osia 8:1

Yâwɛɛ ǹyɛɛ, “Ka dúruii fɛ̂ɛ. Ŋ́gbɔara-ƃelai díkaa ŋá pɛrɛi mɛi yɛ̂ɛ kuɛ-ŋa, kpɛ́ni fêi, da ŋákpanaŋ-wooi kàra da tɔɔ ŋátɔ̂ŋ ma.

Osia 9:9

Díkaa a ŋwana lɔ̂ɔ-ƃela yɛ̂ɛ berei è wɔ́lɔ kɛ̀ la Giƃia taa-leei sui. Ɣâla fé pâi niâi dísɔnyɔ̂ŋ ŋai dîa. A pâi díkula maa kɛ̂i.

Zooɛ 2:1

Ka dúruii fɛ́ɛ Zãiyɔŋ Yeei ma, ká vɛ́ɛ a ŋ̀óo su kɛ́tɛ ŋáyee maa-waai ma! Tɔɔ ǹɔii su-ƃelai kélee dí kpɛ̃lîŋ. Yâwɛɛ ŋɔtãi a pâi, a nâa lɛ̀ɣɛ.

Zooɛ 2:15

Ka dúruii fɛ́ɛ Zãiyɔŋ Yeei ma, ká ǹûai ŋáa tɛ́ ma dí sûŋ siɣe.

Emɔ 3:6

Da pɔ̂ri kɔ́-turu fɛ̂ɛi taâi, daa-ƃelai dífa yâo? Kpalo a ƃêla kpɛ́ni taa ma, à kɛ̀ Ɣâla Yâwɛɛ fé m̀éla ní?

Zasua 7:2

Zasua è kpakolo-ŋa kùla Zɛleko é dí tɛ́ɛ Eea. Eea káa Bɛɛ-avɛŋ taa-leei su kɔlɛ Bɛtɛ vóloi kulâi-pere È m̀o dîa ǹyɛɛ, “Ka lí ǹyéei ma ká ǹɔii ma kpɛ́ɛ.” Nya ƃe ǹûai dí lì, dí gɛ́ tí.

M̀ɛni-sâa Ƃó-ƃelai 5:14

Gɔ kɔ́-ƃelai dí kula Ifiraŋ lɔii kpiniŋ su ƃɛ́i Amɛlɛka-ŋai dí wɔ́lɔ kɛ̀ seêni naai, dí pá diŋ-tiŋ su. Bɛŋsima suui su-ƃelai díkɛ̀ dítuɛ-pere. Dí kɔ kɔ́-ƃelai láa túɛ-ƃelai dí pà dí kúla Makiɛ. Dí núu kpaya-kpayai dí kùla Zɛbulɔŋ.

Samia Maa-ŋuŋ 15:34

Samia è lì pôlu bɔ́-taai Lama, Sɔ̂ɔ ǹyaŋ é lene pôlu bɔ́-taai Giƃia.

Samia Maa-ŋuŋ 7:17

À kɛ̀ tí, a kâa lì pôlu ŋɔpɛ́rɛi lá Lama ƃɛ́i è kɛ̀ díi sîi tɔnɔi ŋí kɛ̂i naai. È Ɣâla-teƃele kpɛ̀tɛ naa Yâwɛɛ mɛni ma.

Samia Maa-ŋuŋ 8:4

Nya ƃe Eezuɛ láa-tuɛ-ƃelai kélee dí díŋaa tɛ̀ ma dí pá Samia pɔ́naa Lama.