Osia 4:6 - Ŋ̀âla Kɔlɔ Maa Waai

⁶ Ŋánûai su a kâra, kpɛ́ni fêi, táre fé díyêei. Káai a zâla láa-soŋ-ƃelai, gáa a kásɔŋ kpɛ́ni fêi, ka kápôlu tɔ̀ɔ ḿâ, ka ŋásɛŋ lɛ́ɛi kpɔara. Berei ka ǹia la ŋátɔ̂ŋ mai, ńyãa máŋ ŋa pâi niâi kálônii dîa.

Osia 4:6 ပူးပေါင်းရင်းမြစ်များ

Kɔlɔnikɔ Veerɛi 15:3

Tãi su kôyaa yée mu, dɔ̃yâ Ɣalai fé kɛ́ ní ŋɔ́nɔ Eezuɛ. Zâla láa-soŋ-ƃelai dífe kɛ́ ní naa a gɛ́ɛ dí sɛŋ lɛ́. Ɣâla ŋɔtɔ̂ŋ fé kɛ́ ní naa máŋ.

Zôo 36:12

Kɛ́lɛ à kɛ̀ da wàla díwoli tɔ́ɔ, da pâi saâi díƃooi su.

Wule-woo-ŋa 119:139

Ŋa ńii ŋwána kpɔ́ yɛ̂ɛ ŋɔŋ, kpɛ́ni fêi ŋ́gbɔara-ƃelai da díyee kúla ítɔ̂ŋ-ŋai mu.

Wule-woo-ŋa 119:153

Ŋá mɔ̃́lɛ-laai káa, í ḿalo mî, kpɛ́ni fêi, ḿve niî ńyee kula ní ítɔ̂ŋ-ŋai mu.

Wule-woo-ŋa 119:61

Ŋ̀wana-lɔ̂ɔ-ƃelai da ƃáre tɛ́ ḿberêi, kɛ́lɛ, ḿve nîi nia ní ítɔ̂ŋ mâ.

Wule-woo-ŋa 18:27

Ya diai ŋuŋ ma ƃò da tûa a maa yêŋ perei, í kɛ́ zu-mɛni kɛ́tɛ-ƃelai maa yêŋ.

Táre-woo-ŋa 10:21

Tɔ̃yâ-nuu lóno-woo a kpɔŋ-maa tɛ̀ɛ núu támaa pɔ́, kɛ́lɛ ƃoo-nuu lóno-woo a gbîŋ pàa.

Táre-woo-ŋa 19:2

Ǹúu a mɛni kɛ̀ va gíli-ŋa siai vé lɛ́lɛ ní, ǹyaŋ ǹúui gɔ́ɔ-maa félaai, a pɔ̂ara pere ma.

Azaya 1:3

Niŋa-ŋa dí dínuu-namu kɔ́lɔŋ. Wɛlɛ-sôo-ŋa dí ƃɛ́i kɔ́lɔŋ dínuu-nâmu a díkɔnɔ̃ŋ pù naai. Kɛ́lɛ dáre sii ŋí fé ŋánûai Eezuɛ-ŋai ŋuŋ su. Dífa mɛni ŋá kàa a dɔnɔ kpîŋ.”

Azaya 17:10

Eezuɛ-ƃela, kâa ŋɔ́nɔ nia Káɣâlai ma nyíi káŋuŋ-mâ ƃò é kámaa kɔ̃ɔi yɛ̂ɛ kɔnii. Kákaa nâa si-sãa síi ká kɛ́ kákpîŋ kpɛ̀tɛ ɣâla-ŋai fɛli naa.

Azaya 27:11

Ǹaa wuru-ŋai kélee da kpála, díkɛ ɣàle-ɣale. Nɛyâai da lî naa dí kɔi síɣe. Ɣâla nyíi ǹûai ŋí kpɛ̀tɛi, dífe kpáaŋ ní m̀ɛni m̀a. M̀ɛni ma, Ɣâla fé pâi wɔ́lɔ dímalôŋ kâai.

Azaya 28:7

Ɣâla ŋɔlóno kɛ́-ƃelai da zâla láa soŋ-ƃelai dia máŋ da díkpelêi nɔ́. Da lɔɔ kpânaŋ ŋánaa-ŋa kpelêi díkɛ kɛ̀ tàka-taka. Ǹɔɔi a díŋuŋ su kɛ́ wúlee yɛ̂ɛ ƃoo-ƃela. Ɣâla ŋɔlóno kɛ́-ƃelai dífe m̀ɛni-ŋai ŋá kâai nyii Ɣâla a ŋ̀á lɛ̀ dîa zĩ̂a sui. Dífa ŋɔ́nɔ pɔri da maa mɛ̂ni ŋá lɛ̂i núu da kélee ma. Lɔɔ kpéleɛɛ a gɛ́ zâla láa soŋ-ƃelai dífe ŋɔ́nɔ pɔrîi mɛni-sâa da kélee ƃôi dí ŋ̀á tée a ǹɛ́lɛɛ.

Azaya 29:12

À kɛ̀ máŋ yà dɛ̀ɛ núu da pɔ́ nyíi vé kɔlɔ kɔ́lɔŋ yɛ̂ m̀a kpera yɛ̂ gɔlɔ ŋí lóno ḿî, a pâi m̀ôi yâ a gɛɛ vé kɔlɔ kɔ́lɔŋ.

Azaya 3:12

Nîa-pɛlɛɛ da ŋánûai lúanîi. Nɛyâa ƃa dílaa túɛ-ƃelai. Óo ŋánûa, kálaa túɛ-ƃelai dífe káteniŋ tɔɔ̂i a pere sîi sãa. Da gɛ̂i tí a gɛɛ káfe kɛ̀ a bere sãai kɔ́lɔŋɔɔ.

Azaya 45:20

Yâwɛɛ è mò ǹyɛɛi, “Káai kélee ŋuŋ ma ƃô sɔlɔ ƃò ǹɔii ŋuŋ kɛ́tɛi toɔ́ɔ pôlu mai, ka lɛɣɛ a kákîe ni. Káai kélee pù ká kúla ǹɔii ŋuŋ-ŋai yêei, ka káŋa lɛ́ɣɛ gîe ma m̀ɛni-sâa ŋá tée ɣenei ŋá! Diai da ɣâla pɔkɔɔŋ-ŋa fɛli nyíi-ŋai díkpɛtɛɛ̂i a wúru-ŋai, táre fé díŋuŋ su. Da kɛ̂ nɔ́ ɣâla da kpɛ́ni-ŋa fɛlîi ǹyaŋ dífa ŋuŋ ma ƃô sɔlɔ ƃô da yêei.

Azaya 5:13

M̀ɛni ma, da pâi liî a dia luɛ-lâa su. Dílaa túɛ-ƃelai da pâi saâi a puru, dínûai dísaa a kpele wɛ̂li.

Zɛlemaya 2:8

Zâla láa-soŋ-ƃelai dífe kɛ́ ní dîyɛɛ, ‘Mí ƃé Yâwɛɛ káa naai?’ Ŋ́gbɔɔi sala láa-soŋ-ƃelai dífe kɛ́ ní a ŋ́gɔlɔŋɔɔ. Ǹúu láa túɛ-ƃelai dítɔ̀ɔ ḿâ. Ɣâla ŋɔlóno kɛ́-ƃelai dí lôno Bêe láai su, dí kɛ̀ ɣâla-pɔkɔɔŋ fɛ̀li nyíi dífa sɛŋ da kùla zui.”

Zɛlemaya 4:22

Yâwɛɛ è mò ǹyɛɛi, “ŋánûai dífe mɛni ŋá kâai. Dífe ŋ́gɔlɔŋ. Díkaa a ǹîa-pɛlɛɛi nyíi-ŋai táre fé díyêei. Dífa mɛni ŋá kàa. Dítareɛɛi nɔ́ mɛni nyɔ́mɔ kɛ́ mɛni su. Kɛ́lɛ dífe mɛni lɛ́lɛɛ kɛ́ pere kɔ́lɔŋ.”

Zɛlemaya 5:21

Ka káwoli tɔ́ɔ káai táre fé káŋuŋ su ka tûa nɔ́ a ƃoo-perei, káai káŋɛi-gao káa kâa, kɛ́lɛ káfa kwaa kâai, káwoli kɛ́ ƃò kâa, kɛ́lɛ káfa mɛni mɛ̂nii.

Izikiɛ 44:23

“Gáa a sɛŋ zâla láa-soŋ-ƃelai dí sɛŋ lɛ́ ŋánûai dîa nyii maa waai da nyii maa fé waa nii. Gáa a sɛŋ dí sɛŋ lɛ́ dîa é pîlaŋ zɛŋ nyii maa waai sâla kula mɛ̂ni ma da nyii maa fé waa nii.

Osia 13:6

Kɛ́lɛ tãi ká sèri la ǹɔii lɛ́lɛɛi mai, sɛŋ kélee è kɛ̀ káyêei kálii è nɛ̃ɛ. Ká kákpîŋ sìɣe a gɛ́tɛ ká nìa ḿâ.

Osia 2:13

Ǹyaŋ ŋa pâi tɔ̂ŋ kpɛ̂i m̀a gúui mɛni ma a gɛ̀ Bêe m̀â dîa gɛ́ m̀aa-ɣiri a m̀aa ɣîri-sãa lɛ́lɛɛ-ŋa, gɛ́ lì ŋɔwɛ́li-ŋai pɔ́ naa, gɛ́ nìa ḿɛni mai.”

Osia 4:1

È mò ǹyɛɛi, “Teniŋ ƃô-nuu tɔnɔ kpîŋ fé naa. Dífa ŋ́oo sìɣe a gbanaŋɔɔ. Dífe ŋɔ́nɔ ŋ́gɔlɔŋ a Díɣâla.

Osia 4:12

Ŋánûai díkaa wúru-gbua marê kɛ̂i nyii da gbɛ̀tɛ a díɣâlai sɛŋ da mɛni ma, díkɛ ŋɔ́nɔ dímarê kɛ̀ a gɛɛ dí m̀ɛnii lɛ́ dîa nyii pâi kɛ̂i nàa tuɛi. Wulu-wulu kɛ́ɛ a díkula berei ma, da ńɛɛ díkɛ Ɣâla da kpɛ́ni fɛ̀li.

Osia 4:14

Fé pâi kálônii-nɛyãai kula-maa kɛ̂i à kɛ̀ da wulu-wulu kɛ̀, kpaa máŋ kálônii sinaai dínɛyâai, à kɛ̀ da wulu-wulu kɛ̀. Zinâai dia kpîŋ da lî ŋ̀uru-wulu kɛ́ nɛyaa-nɛyãai pɔ́, díkɛ sâla kùla ŋ̀uru-wulu kɛ́ nɛyãai díkpɛ̀tɛ ɣâla-ŋai dîa. Diai táre fé díyêei dísu a pâi karâi.

Osia 5:4

Dítûa-pere-ŋai da gɛ́ dífa pɔ̂ri pâi pôlu Díɣâlai pɔ́. Kpɛ́ni fêi, wulu-wulu kɛ́-mɛni káa díkponôi dífe ŋ́gɔlɔŋ ńyãa Yâwɛɛ.

Osia 6:6

Ŋá wɛli-kɛ-maa su kpanaŋɔɔ wɛ́li ní é tɛ́ɛ sâla kúlaa ma, ŋ́gɛ ŋwɛ̀li a gɛɛ ká Ɣâla ŋɔtárei wɛ́li é tɛ́ɛ kéreŋ-sala kúlaa ma.

Osia 7:11

Eezuɛ-ƃelai ƃoɔ̂i yɛ̂ɛ tòloŋ. Táre fé díŋuŋ su. Dí lì Ize kpɔŋ-maa mɛni ma. Naa pôlu ma dí lí Asiria kpɔŋ-maa mɛni ma.

Osia 7:9

Ŋɔ̃ya-ŋa da ŋɔwála-walai kúla ǹyêei, kɛ́lɛ vé gɔ́lɔŋ. Ŋuŋ pôa a too zu, kɛ́lɛ vé gɔ́lɔŋ.

Osia 8:1

Yâwɛɛ ǹyɛɛ, “Ka dúruii fɛ̂ɛ. Ŋ́gbɔara-ƃelai díkaa ŋá pɛrɛi mɛi yɛ̂ɛ kuɛ-ŋa, kpɛ́ni fêi, da ŋákpanaŋ-wooi kàra da tɔɔ ŋátɔ̂ŋ ma.

Osia 8:12

Ŋá máŋ tɔ̂ŋ wála puu pɔ̃yɛ Eezuɛ-ŋai mɛni ma, da pâi díyee kulâi dímu dí díkaa yɛ̂ɛ mɛni nina.

Osia 8:14

“Eezuɛ-ŋai da nia ḿâ. Da kâloŋ pɛrɛ-ŋa tɔ̀ɔ díkpîŋ mɛni ma. Ǹyaŋ Zuda a taa-lêe kpaya-kpaya tɔ̀ɔ siɣãŋ tínaŋɔɔ dîa. Kɛ́lɛ ŋa pâi ŋɔŋ tɛɛ̂i daa-ŋai tí su. Ǹyaŋ díkili kɛ́-maa taa-ŋai da pâi kérenîi.”

Osia 9:17

Ŋáɣâlai a pâi díkpɛ̂i, kpɛ́ni fêi, dífe niî díwoli tɔɔ ní ŋ̀óo ma. Da pâi kɛ̂i a pilaŋ gɔ́ɔ ma-ƃela ǹɔii-ŋûŋ-ŋai su.

Maafîu 1:6

Zɛse kɛ́ ƃò a gâloŋ Deeƃé ǹâŋ. Deeƃé kɛ́ ƃò a Saloma ǹâŋ, nyii da Yuraya ŋɔnɛnîi dí zɔlɔ ƃôi.

Maafîu 15:14

Ka dílɛɛ naa. Díkaa a ŋɛ́i-pu-ƃela tuɛ-ƃela ŋɛ́i puɔɔ. Ǹyaŋ à kɛ̀ ŋɛ́i-pu-nuu a pere kûla a m̀arâŋ-ŋɛi-pu-nuu, dífeerɛ da pâi toôi lôai.”

Maafîu 15:8

‘Ǹûai ŋí da ƃâa kɛ̀ ḿâ a díla-gbɔ, kɛ́lɛ, dílii su kôyaai ḿâ.

Samia Maa-ŋuŋ 2:12

Ǹyaŋ Ilai ǹônii dí kɛ̀ a sɔnyɔ̂ŋ-ƃela. Ƃaa kɛ́ maa fé kɛ́ ní díyêei Yâwɛɛ mɛni ma.