Osia 4:3 - Ŋ̀âla Kɔlɔ Maa Waai

³ M̀ɛni ma ǹɔii káa wɔ̂lɔi, zu sɛŋ kélee kpalâai, zua-ŋai, ŋɔni-ŋai, da nyɛ̃ɛ-ŋai da pâi saâi.”

Osia 4:3 ပူးပေါင်းရင်းမြစ်များ

Azaya 33:9

Ǹɔii a lɛɛ a lɔii kpâla. Va ŋɔ́nɔ sí-sɛŋ da kpɛ̀tɛ. Lɛƃanɔŋ wola-ŋai su wuru-ŋai da kpála. Salɔŋ tiŋ-tiŋ su lɔii lɛ́lɛɛ-ŋai da pene a fɛ̃ɛ-kpâlaŋ. Basãŋ da Kamɛɛ Yeei ma wuru-ŋai da kpála, dílaa kɛ́ pù.

Zɛlemaya 12:4

Tãi ɣɛɛlu ƃé ǹɔii a pâi kɛ̂i la maloŋ tôo maa su, galai kɛ́ kpàla nɔ́ ǹɔii su? Kpɛ́ni fêi, ǹûai díkaa ǹɔii sui, dísɔŋ nyɔ́mɔɔ̂i. Vɛnɛ-sãai da ŋ̀ɔni-ŋai da saa. Ǹaa pôlu ma, ǹûai da môi dîyɛɛi, ‘Vé pâi m̀ɛnii kâai kwa gɛ̂i.’ ”

Zɛlemaya 23:10

Ǹɔii láa fɛ̂ɛi a ǹûai nyíi-ŋai téniŋ ƃô fé díyêei é pîlaŋ Yâwɛɛ mai. Da tûa nɔ́ a ŋwana lɔ̂ɔ-pere, dí kɛ́ tíi nyɔ́mɔɔ kɛ̀ a díwala-wala laai. Kpɛ́ni fêi Yâwɛɛ a ǹɔii fôoi, ǹɔii a kpála, ǹûai dí kɛ́ malôŋ-see ƃò.

Zɛlemaya 4:25

Ŋá ǹaa kàa kɛ́lɛ ḿve núu da káa ní naa. Ŋá gàa a gɛɛ ŋɔni-ŋai kélee da koôŋ da lí.

Zɛlemaya 9:10

Ŋá mò ńyɛɛi, “Ŋa pâi wɔ̂lɔi ǹyée kɛ́tɛi mɛ̂ni ma. Ŋa láɣi vɛ̃ɛ-kpâlaŋ su taa-tulɛi láa mii mɛni ma. Ǹaa a lɛɛ a bûŋ, núu da fa tɛ̂ɛ naa. Núu fa ŋɔ́nɔ ǹiŋa-ŋai wɔ́lɔ-woo mɛni naa. Ŋ̀ɔni-ŋai díkaa ŋ̀elei su díkelee da pú. Vɛnɛ-sãai da lí.”

Zɛlemaya 9:9

À kɛ̀ tí, gɛ̀ ní ḿva pɔ̂ri díkula maa kɛ̂i m̀ɛni-ŋai ŋí mɛ̂ni ma? Ŋá pɔ̂ri ŋ̀áa têei. À kɛ̀ tí, ḿva pɔ̂ri tɔɔ̂i ǹɔii-ŋuŋ kɛ́ɛ ŋí ma?”

Izikiɛ 38:20

Ǹyɛ̃ɛ-ŋai, ŋɔni-ŋai, vɛnɛ-sãai, da dɔara-sãai, é pɛ́lɛ ǹûai kélee díkaa ǹɔii sui, díkelee da pâi kpɛ̃lînii a tãi da pâi ŋá kɛ̀ naa laai kâai lai. Ǹyée kpaya-kpayai da pâi wôloi dítoo ǹɔii ma dí táa tâa. Bɛ́rɛ kâŋ-ŋai máŋ da pâi wôloi dí táa tâa ǹɔii ma.

Zooɛ 1:18

Zua-ŋai da nyîɛi! Daa-tûlɛ-ŋai kíli-ŋa púɔɔ, kpɛ́ni fêi, dí liî fé ŋɔ́nɔ ma, m̀ála-ŋai máŋ da mɔ̃lɛ̂i.

Emɔ 1:2

Emɔ è mò ǹyɛɛi, “Yâwɛɛ kpéɣe-woo è kùla Zãiyɔŋ, ŋ̀óo é kúla Zerusâlɛŋ. Ǹyaŋ gala ŋûnu lɔii a pâi wɔ̂lɔi, Kamɛɛ Yeei tôŋ é kpála.”

Emɔ 5:16

M̀ɛni ma Ɣâla Yâwɛɛ ǹyaa kpîŋ ǹyɛɛi, “Wɔ́lɔ-woo a pâi kɛ̂i gwaa-ŋai kélee ma nûa da kpɔ̂ŋ naai. Da pâi lâɣii bere-lee-ŋai kélee mâ, dîyɛɛi, ‘Óo! Óo!’ Da pâi gbâlaŋ ŋá tii kɛ́-ƃelai tôlii ŋ̀ɔ́lɔi mɛni ma, da diai dí wɔ́lɔ-pere kɔ́lɔŋ.”

Emɔ 8:8

Nyíŋi mɛni ma, ǹɔii a pâi kpɛ̃lînii, zu-ƃelai kélee dí wɔ́lɔ, ǹɔii kélee é túmo, gɛ́ tɛ̀ gɛ́ yèŋ pôlu ŋɔ́nɔ yɛ̂ɛ Ǹâai Ya-leei Izei.”

Neeuŋ 1:4

A gɛ́ Yúo é kpála da ǹyá lêe-ŋai kélee. A gɛ́ Basãŋ lɔii da Kamɛɛ Yeei ma wuru-ŋai dí fãya, Lɛƃanɔŋ wuru poa-ŋai dí kpála.

Zɛfɛnâya 1:3

núu-kpune da lɔɔ-sûa kélee, ŋá ŋɔni-ŋai su kara da ǹyɛ̃ɛ-ŋai. Ŋa pâi ŋ̀wana-lɔ̂ɔ-ƃelai yée mɛi ɣâlei, ŋa núu-kpune kula ǹɔii ma. Núu tɔnɔ kpîŋ fé pâi lɛɛ̂i ɣele ma.

Zɛkɛrâya 5:4

Ŋ̀wála-wâla kélee Yâwɛɛ è mò a gɛɛ foo-wôo káa gwaa kélee, a pâi ŋúma-nuu ŋɔpɛ́rɛi mu da ǹúui a vòo a lɛ́ɛi ŋɔpɛ́rɛi mu. A pâi lɛɛ̂i dípɛrɛ-ŋai mu é lɛ́ɛ la zu é gélee wólo.”