Osia 4:2 - Ŋ̀âla Kɔlɔ Maa Waai

² Ǹûai da Ɣâla láa sìɣe kpɛ́ni-kpɛni, dí lɛ́ɛ kɛ́, dí núu páa, dí ŋúma kɛ́, dí kɛ́ wulu-wulu kɛ̀. Da m̀ɛni-ŋai ŋí kɛ̀ a tãi kélee. Da kɛ̂ nɔ́ mɛni nyɔ́mɔɔ kɛ̂i gîe mɛi a tãi kélee, dí kɛ́ núu pàa nɔ́ gîe mɛi kéleŋ.

Osia 4:2 ပူးပေါင်းရင်းမြစ်များ

Zɛnɛse 4:8

Nya ƃe Kîŋ è mò ǹêɣe Ebɛɛ ma ǹyɛɛi, “Kú lí gbâlaŋ ŋá.” Tãi dí kɛ̀ la gbâlaŋ ŋái, Kîŋ è pɛ̀lɛ ǹêɣe Ebɛɛ ma é bàa.

Azaya 24:5

Ǹûai díŋwana-lɔ̂ɔ tuai a ǹɔii lá-fɛɛ. Dɔ̂ŋ Yâwɛɛ è gbɛ̀tɛ dímɛni ma wɔ́lɔ-wɔlɔ da wɔlɔ-wɔlɔi, da gàra.

Azaya 48:1

Káai a Eezuɛ-ŋai kùla Zuda ŋɔsuui sui, ka káwoli tɔ́ɔ ḿâ. Ká káfòo a Yâwɛɛ láa a gɛ́ɛ Eezuɛ Ŋɔɣâlai ǹyaa tɔnɔ nɔ́ ƃé ka pâi kɛ̂i vɛlîi. Kɛ́lɛ ka lɛ́ɛ kɛ̂i.

Zɛlemaya 51:5

Ǹyãai ŋ́gaa a Ŋ̀wála-wâla-kélee Yâwɛɛi, ḿve niî ḿbôlu tɔ̀ɔ ní Eezuɛ da Zuda-ƃelai dîa, berei máŋ dí sɔnyɔ̂ŋ kɛ̀ là a ńyãa dí lɔii gwaa kéleei. Ŋ́gaa a Eezuɛ Ŋɔɣâla Maa Waai.

Zɛlemaya 6:7

Ŋwana lɔ̂ɔ a kûla Zerusâlɛŋ taa leei su yɛ̂ɛ berei yá a kûla la ya-ɣɛ̂li sui. Núu a mɛni nyɔ́mɔɔ da mɛni su kara mɛni maa mɛ̂ni m̀ɛni naa. Pala da kɔlɔ-fela díkaa nɔ́ m̀a.

Zerusâlɛŋ Karáa Maa Wɔ̂lɔ-wooi 4:13

Kɛ́lɛ Ɣâla ŋɔlóno kɛ́-ƃelai da zâla láa-soŋ-ƃelai dísɔnyɔ̂ŋ ƃé gɛ̀ nyíŋi é kɛ́. Dí gɛ̀ nûa sɔŋ lɛ́lɛɛ-ŋa dí sáa daa lêei su.

Izikiɛ 7:23

“Ǹɔii gwaa kélee mâ a pâi kɛ̂i wúlee. Kpɛ́ni fêi, ǹɔii láa a fɛ́ɛ a núu pâa. Ǹyaŋ daa-leei-ŋai láa a fɛ́ɛ a làa-sâa.

Osia 10:13

Ká sɔnyɔ̂ŋ sì, ka m̀á kúla a wôya-mɛni. Ka kálɛɛ kɛ́ɛi m̀á miî. “Kpɛ́ni fêi kákili tɔɔ̂i kákpîŋ wala-wala-laai ma da kákɔ kɔ́-ƃelai.

Osia 10:4

Da lôno nɔ́ kpɛ́ni-kpɛni dí kɛ́ kono-têe kɛ̀ a foo-wôo kpɛ́ni-kpɛni. M̀aa mɛ̂ni ma, mɛni ŋá-téɛɛ nyɔ́mɔɔ káa dísama yɛ̂ɛ kala nyɔ́mɔɔ a kùla kpâlaŋ ŋá.

Osia 11:12

Eezuɛ a lɛ́ɛ kɛ́ ḿâ. Eezuɛ a ḿbɛlɛ̂i. Kɛ́lɛ Zuda-ƃelai díkaa nɔ́ niî ŋ́gbɔarâi ńyãai a gili-kɛ-zu Ɣala Maa-Waai.

Osia 12:14

Eezuɛ-ŋai da Yâwɛɛ líi ŋwána a gbɛɛ pôlu. Ǹɛ̂lɛɛi dí sáa. Yâwɛɛ a pâi tɔ̂ŋ kpɛ̂i dîa m̀aa-kula-maai mɛni ma dí gɛ̀ lai.

Osia 5:2

Ka lóa kpóŋ kôyaa tée Akasia taa-leei su. Ǹyaŋ ŋa pâi tɔ̂ŋ pûi kákelee kâa.

Osia 6:8

Gilia taa-leei káa a taa-lêe nyii ǹáa fɛ̂ɛi a sɔnyɔ̂ŋ-ƃela da núu paa-ƃela.

Osia 6:9

Yɛ̂ɛ berei mɛni nyɔ́mɔɔ kɛ́-ƃela da kɛ̂ la díkpulu mâ díkɛ núu maa kpɛ̂ŋ a gɛɛ dí sɛŋ kula yêei kɛ̂i, bere ƃé zâla láa-soŋ-ƃelai díkaa la díkîe ma. Da núu pàa Sɛkɛŋ perei ma. Tɔ̃yâ ma, da mɛni nyɔ́mɔɔ kɛ̀ a núu.

Osia 7:1

“Ŋá kɛ̀ ŋ̀wɛ̂lii ŋá Eezuɛ ƃálo, ŋá gɛ́ é ƃûu ƃó, kɛ́lɛ gáa nɔ́ nîi ŋɔsɔnyɔ̂ŋ kɛ̂i. Sameria káa nɔ́ ŋwana lɔ̂ɔ kɛ̂i da lɛ́ɛ, ŋ̀uma-ƃelai dí kɛ́ ŋúma kɛ̀, mɛni-nyɔmɔɔ kɛ́-ƃelai dí kɛ́ mɛni nyɔ́mɔɔ kɛ̀.

Osia 7:3

“Díŋwana-lɔ̂ɔ tuai su dí gâloŋ líi nɛ̃ɛ, ǹyaŋ gâloŋ ǹônii da ǹíi nɛ̃ɛ a dí lɛ́ɛ lono-ŋai.

Osia 7:4

Díkelee dímaa fãai wulu-wulu kɛ́ mɛni ma. Díkɛ̂ɛi yɛ̂ɛ kpólo kpɛtɛ lêɣi fãa nyii a gbólo kpɛtɛ-nuui kɛ̀ va ŋɔŋ ŋá tɛ̀ ŋɔ́nɔ, é lɛ́ɛ la zu é kpɛ́ɛ a gbóloi yɔ́ɔŋɔɔ, é lɛ́ɛ pâi ŋɔŋ ŋá tɛ̂i.

Maka 3:2

Kɛ́lɛ ka mɛni lɛ́lɛɛ kpɔ̀ara, ká ǹyɔ́mɔɔi wɛ́li, ka ŋánûai kɔlɔ kúla, ká díluu kúla díkao ma yɛ̂ɛ kɔ́li a sua sôŋ.

Maka 3:9

Ka káwoli tɔ́ɔ, káai a Zeeka ŋɔnûai da Eezuɛ-ŋai dímɛi-ƃelai, káai ka tɔ̃yâ-laa kpɔara ka mɛni lɛ́lɛɛ pene a mɛni nyɔ́mɔɔi.

Maka 6:10

Tɔɔ-sãa díkaa zɔnyɔ̂ŋ-ƃelai dípɛrɛ-ŋai mu nyii dífe zɔlɔ ƃó ní a tiniŋ ƃô perei. Da sɛŋ kɔ̂ɔŋ a nyɔ́mɔɔ nyii ŋ̀wɛ̂li fé ḿâi.

Maka 7:2

Tɔ̃yâ-nuu da kélee fé ŋɔ́nɔ ǹɔii su. Núu kélee fé naa nyii a yào Ɣâla mai. Ǹúui kélee a maa-kpɛ̂ŋ kɛ̂i gɛ́ pere kɔ̂ri a gɛɛ é núu páa. Núu kélee kɛ́ kɔ̀ a gɛɛ é gbɔ́ɔi nuai maa liî tée.

Zɛfɛnâya 3:1

Kpalo ƃêlaai Zerusâlɛŋ taa-leei ma dɔɔ̂i Ɣâla mai, gɛ́ ŋɔnûai lûaŋ!

Zɛkɛrâya 5:3

È mò ḿâ ǹyɛɛi, “Foo-wôo pɔ̃yɛ̂ɛi ma gɛ́ lì ǹɔii gwaa kélee. Gɔlɔi m̀éla tɔnɔ a môi a gɛɛ ǹúui a ŋúma kɛi, da pâi gulâi ǹɔii ma. M̀éla gbélii kɛ́ mò a gɛɛ ǹúui a vòo a lɛ́ɛi, da pâi gulâi ǹɔii ma máŋ.

Zɛkɛrâya 7:9

“Ká mɛni-sâa ŋá tée a zã́a, ká mɛni lɛ́lɛɛ kɛ́ kákîe-ni dîɛ, ká kákîe-ni malôŋ káa.

Maafîu 23:35

a gɛɛ dɔ̃yâ-ƃelai kélee paa-mɛni é lɛ́ɛ kâa ǹɔii ma ƃɛ é síɣe Ebɛɛ paa-mɛni ma, nyii kɛ̀ a tɔ̃yâ-nuu, é tóo Zɛkɛraya, nyii kɛ̀ a Barakai ǹóŋ, paa-mɛni ma, nyii ká bàa Ŋ̀âla-pɛrɛ Kɛ́tɛi da Ŋ̀âla-teƃelei loai.

Zia-ƃelai Kɛ́-mɛni-ŋai 7:52

Ɣâla ŋɔlóno kɛ́-ƃelai nênɛ ƃé vé mɛni-soli káa ní kánâŋ-ni yêei? Kánâŋ-ni dí Ɣâla ŋɔworɛ̂-woo ƃó-ƃelai kélee pàa a nyíi-ŋai kɛ̀ Dɔ̃yâ Nuui pá mɛni ƃôi nàa túɛi. Káa kpîŋ ka káyee kúla Dɔ̃yâ Nuui ŋí mu ka bàa.

Dutɛrɔnome 5:11

“ ‘Káfe Káɣâlai Yâwɛɛ láa tòli kpɛ́ni-kpɛni. Kpɛ́ni fêi, vé pâi diai su-mɛni lɛɛi da ǹáa tòli kpɛ́ni-kpɛnii.

Dutɛrɔnome 5:18

“ ‘Káfe wulu-wulu kɛ̀.

Dutɛrɔnome 5:19

“ ‘Káfe ŋúma kɛ̀.

Tɛsɛlôniɛŋ Maa-ŋuŋ 2:15

Dí Kúnuu-namui Zîsɛ pàa da Ɣâla ŋɔlóno kɛ́-ƃelai, dí kúkpɛ̂. Dífe Ɣâla líi laa ni. Dí tɔɔ núu kélee ma.

M̀ɛni-lɛɛi 17:6

Ŋá nɛnîi kâa Ŋ̀âla-ƃelai ŋãa a gɛ́, da diai dí dílɛ̂wo sèe a sɛ́ɣɛ Zîsɛ mɛni mai díŋãa. Tãi ŋá nɛnîi kâa lai, ńaa è kpàla mâ a ŋ̀ánaa.