Osia 4:16 - Ŋ̀âla Kɔlɔ Maa Waai

¹⁶ Yɛ̂ɛ berei niŋa-loŋ wôlii kpɔ̂lɔi lai, bere nɔ́ ƃé Eezuɛ-ƃelai wôlii kpɔ̂lɔi la. Ńyãa Yâwɛɛ ŋa pɔ̂ri díŋaa kɔnîi yɛ̂ɛ dia ƃé kala kpûlu su?

Osia 4:16 ပူးပေါင်းရင်းမြစ်များ

Wule-woo-ŋa 78:8

a gɛɛ dífe kɛ̀ yɛ̂ɛ dínâŋ pɔlɔ-ŋai nyii-ŋai kɛ̀ a dítɔɔ Ɣâla mai. Dílaa-laai su fé kɛ́ ní a gbanaŋɔɔ Ɣâla mɛni ma. Kili-kɛ-zu fé kɛ́ ní díyêei m̀ɛni ma.

Azaya 22:18

A pâi ípilîi ítoo lɔii da kpɛ́ni su yɛɛ da kɔni pîli wolâ pùŋ su. Ya pâi saâi naa íkɔ kɔ́-keleŋ-ŋai kɔlɛ nyíi-ŋai ya yoŋka têei a diai, kpɛ́ni fêi ya ƃâa kula ínuu-namui ŋɔpɛ́rɛi ma.

Azaya 30:23

A pâi gɛ̂i tuna é pú kási-sãai dîa, dí kpɛtɛ, dí ƃá a zu-kɛ́tɛ. A pâi gɛ̂i kátaa-tûlɛ-ŋai kɔ́nɔŋ kɛ́ ƃò ma dí ƃûu ƃó díkɛ̂i lɛ́lɛɛ kɛ́ ƃò ma a tɛɛ-ŋa.

Azaya 5:17

Ƃála lônii-ŋa da pâi kɛ̂i dílaa miî daa pîleŋ-ŋai ŋá, ƃoli lônii-ŋa dia máŋ díkɛ díkɔnɔ̃ŋ sɔlɔ ƃô naa.

Zɛlemaya 14:7

Ŋánûai díwɔ̀lɔ dîyɛɛi, ‘Berei kúsɔnyɔ̂ŋ-ŋai da kú lɛ́ lai, Yâwɛɛ, ye kpɔŋ kûa a gɛɛ ǹûai dí íkɛtɛ-laai káa. Tãi támaa yée-mu, kwa kú pôlu tɔɔ yâ, kú sɔnyɔ̂ŋ kɛ́ a yá.

Zɛlemaya 3:11

Nya ƃe Yâwɛɛ è mò ḿâ a gɛɛ berei Eezuɛ fé teniŋ ƃô ní lai, è tùa a zã́a é tɛ́ɛ ŋɔkáayɔɔi Zuda ma nyíi vé teniŋ ƃô-nii.

Zɛlemaya 3:6

Tãi Zosaya è wɔ́lɔ kɛ́ la a kâloŋ, Yâwɛɛ è mò ḿâ ǹyɛɛi, “Ya zɛŋ kâai Eezuɛ nyíi vé téniŋ ƃô níi káa gɛ̂i? A kula ḿbôlu gɛ́ lì ǹyée tɔɔ-ŋai tôŋ-su ŋ̀úru-ŋai mu gɛ́ lɔ-pɔ̂rɔŋ kɛ̀ naa ŋɔɣâla da kpɛ́ni-ŋa fɛliɛi su.

Zɛlemaya 3:8

Tãi ŋá ǹaa kàa lai, ŋá ŋ̀ulu-wulu kɛ́ Eezuɛi lɛ̂ɛ ŋá táa-laa kɔlɔ tɛɛ bɔ́, ŋá dɛɛ pôlu, kpɛ́ni fêi, è wulu-wulu kɛ̀. Kɛ́lɛ ŋɔkáayɔɔi Zuda nyíi vé teniŋ ƃô-nii, vé yao ní a gɛɛ ŋa pâi gula maa kɛ̂i. Ǹyaa máŋ è bôlu tɔ̀ɔ ḿâ, gɛ́ wulu-wulu kɛ̀, é pɛ́lɛ ɣâla da kpɛ́ni-ŋa fɛlîi.

Zɛlemaya 31:18

“Ŋá Eezuɛ-ƃela wóo mɛ̀ni a lii-too pôlu pere, ‘Yâwɛɛ, kúkaa yɛ̂ɛ lɔɔ-fɛnɛ sãa. Kɛ́lɛ í kú tɔ̀ɔ a gɛɛ kú íwoo mɛni. Pá a kûa pôlu. Kwa kúkpîŋ kpɛtɛ a gɛɛ kú pá pôlu ípɔ naa. Yá ƃa Yâwɛɛ nyíi gáa a Kúɣâlai.

Zɛlemaya 5:6

M̀ɛni ma, yala-sulu-ŋa da pâi kulâi ǹɔɔi sú dí dípaa. Bala-ŋa da pâi kulâi vɛ̃ɛ-kpâlaŋ su dí pá dí dípaa. Kɔ́li-ŋa da pâi díyee-ŋa ƃôi dítaa-ŋai su. À kɛ̀ núu da a tòo dísama, da pâi vála fálâi. Kpɛ́ni fêi dísɔnyɔ̂ŋ a táma, da dípôlu tɔ́ɔ Ɣâla mà a tãi kélee.

Zɛlemaya 7:24

Kɛ́lɛ, dífe ŋ́oo mɛni ní, kpaa máŋ dí díwoli tɔ́ɔ ḿâ. Kɛ́lɛ dítùa a dínîa-pere. Dí liî su kpanaŋɔ̂ɔi a mɛni nyɔ́mɔɔ kɛ́ɛ. Díkɛ lí pôlu pere dífa lî tuɛ-pere.

Zɛlemaya 8:5

Lé ƃé ŋaŋ kɛ̀ ǹûai ŋí da dípôlu tɔɔ ḿâ dífa lène pôlui? Da kánaŋ nɔ́ núu pɛlɛ́ɛ ma dífa kpêra ma.

Osia 10:11

“Eezuɛ è kɛ̀ yɛ̂ɛ niŋa nyii ŋ̀áa kɔŋɔɔ̂i, gɛ́ tíi fii-kpɛ̂ɛ kɛ̀. Kɛ́lɛ ŋá gbɛ̀tɛ a gɛɛ ŋá kɔŋ ma-kpɔnɔ too gɔŋ ma. Zuda ŋɔtíi ƃa é ǹɔii síŋ, Zeeka ǹyaŋ é pɔ̂rɔ wólo é zu táa-tâa.

Osia 11:6

Ƃóa-sɔkpɔ a pâi dítaa-lêe-ŋa maa tínaŋɔɔ a siɣãŋ su karâi, é ŋánûai páa dítua-pere nyɔ̂ŋ-ŋai mɛni ma.

Osia 11:7

Ŋánûai ŋuŋ su kpanaŋɔ̂ɔi. Díkaa nɔ́ liî díkpîŋ-kwaa-ŋa ma. Da pâi kɔŋ-ma-kpɔnɔ toôi díkɔŋ ma. Da pâi kɛ̂i wɔ̂lɔi kpɔŋ maa mɛni ma kɛ́lɛ núu da fé pâi kɛ̂i naa é gula díkɔŋ ma.

Levetekɔ 26:33

Ŋa pâi gɛ̂i kákpɔara-ƃelai dí kɔ́ pɛ́lɛ kâa kátaa-tàa lɔii ŋuŋ da kpɛni-ŋa su. Ŋa pâi kálɔii su karâi kátaa-lee-ŋai dílɛɛ a pilêŋ ŋá.

Zɛkɛrâya 7:11

“Kɛ́lɛ dífe díwolii tɔɔ ní, dí díkoôŋ tɛ̀ a dia dí díwoli láa tɛ́ a gɛɛ dífe mɛni mɛ̂ni,

Samia Maa-ŋuŋ 15:11

“Sɔ̂ɔ aâ ŋóo píli. Malôŋ toɔɔ̂i ḿâ a gɛ́ɛ ŋá gɛ̀ a kâloŋ.” Samia è líi è tòo pôlu é pɛ́lɛ wɔ̂lɔi ma é lɛ́ɛ la zu ɣele é ƃɔ́.