Osia 4:12 - Ŋ̀âla Kɔlɔ Maa Waai

¹² Ŋánûai díkaa wúru-gbua marê kɛ̂i nyii da gbɛ̀tɛ a díɣâlai sɛŋ da mɛni ma, díkɛ ŋɔ́nɔ dímarê kɛ̀ a gɛɛ dí m̀ɛnii lɛ́ dîa nyii pâi kɛ̂i nàa tuɛi. Wulu-wulu kɛ́ɛ a díkula berei ma, da ńɛɛ díkɛ Ɣâla da kpɛ́ni fɛ̀li.

Osia 4:12 ပူးပေါင်းရင်းမြစ်များ

Kâloŋ Veerɛi 17:7

Mɛni-ŋai ŋí kélee dí kɛ̀, kpɛ́ni fêi, Eezuɛ-ƃelai dí sɔnyɔ̂ŋ kɛ̀ dí dípôlu tɔɔ Díɣâlai Yâwɛɛ ma nyii díŋuŋ ma ƃò é dí kúla Ize lɔii su ƃɛ́i dí kɛ̀ naa a luɛ-ŋai. Dí kɛ̀ Ɣâla-pɔkɔɔŋ-ŋa fɛlîi.

Kɔlɔnikɔ Veerɛi 21:13

Kɛ́lɛ ya tûa nɔ́ yɛ̂ɛ Eezuɛ kaloŋ-ŋai ǹyaŋ yâ gɛ́ Zuda da Zerusâlɛŋ-ƃelai da tûa yɛ̂ɛ Eɣa ŋɔnûai. Yâ ílêɣe-ni paa da ínâŋ ŋɔkáayɔɔ-ŋai. Ǹûai ŋí tûa-pere è kɛ̀ a ǹɛ́lɛɛ é tɛ́ɛ yâ.

Wule-woo-ŋa 106:39

Dífe kɛ́ ní a díteniŋ ƃôɔɔ Ɣâla mɛni ma. Dí díkpîŋ maa lîƃi a tua pere nyɔ̂ŋ.

Wule-woo-ŋa 73:27

Diai dífe kpáaŋ ní ímaa mɛ̂ni mai, da pâi saa tí-ti ƃôi. Diai dífe teniŋ ƃô níi, ya pâi dísu karâi.

Zɛlemaya 10:8

Da tûa a ƃoo-pere, dífa mɛni ŋá kàa. Dísɛŋ lɛ́-nuui ƃa ŋ̀âlai nyíi dí gbɛ̀tɛ a wúru nyíi kɛ̂i fé mai.

Zɛlemaya 2:27

Káai kélee mò a gɛɛ wúru káa a kánâŋ, kɔni kɛ́ ƃò a káleei, ƃâa a pâi kulâi kâa. M̀ɛnii ŋí a pâi kɛ̂i kpɛ́ni fêi, ká kápôlu tɔ̀ɔ ḿâ, káfe tínani ḿbɔ naa-pere. Kɛ́lɛ, tãi ka kɛ̂ la mɛni kpɔ̂lu sui, m̀aa tãi ƃé ka tînaŋ la ḿbɔ naa-pere kákɛ m̀arê kɛ a gɛɛ ŋá káŋuŋ ḿâ ƃó.

Zɛlemaya 23:13

Ŋa zɔnyɔ̂ŋ káa nyíi Ɣâla ŋɔlóno kɛ́-ƃelai da gɛ̂i Sameriai. Díkaa lônoi Bêe ɣalai láai su, ǹyaŋ da gɛ́ ŋánûai dámaa da kula berei ma.

Izikiɛ 20:32

Ka gbɛ̀tɛ kákili ŋa a gɛɛ ka ŋ̀wɛ̂li ká kɛ yɛ̂ɛ ǹɔii ŋuŋ ŋai díkaa ká kɔlɛ mai, ká kɛ yɛ̂ɛ ǹûai díkaa ká kɔlɛ ǹɔii ŋai sui a gɛɛ ká kɛ ŋ̀úru-ŋai da gɔni-ŋai fɛli. Kɛ́lɛ, vé pâi kɛ̂i a dɔnɔ kpîŋ.

Izikiɛ 21:21

Kpɛ́ni fêi Babelɔŋ kaloŋ káa tɔɔ̂i bere-taɣãŋ la ƃɛi bere feerɛi è pìlaŋ náa gîe mai, gɛ berei nyii kɔ̂ri a pɔ̂ri lɛɛ̂i m̀ai. È ŋɔ sɔlai tôo a gɛɛ é berei kɔlɔŋ a pɔri lɛ̂ɛi mai. È zala-sɔlai líî-pere maa kpɛ̂ɛ a gɛɛ é berei kɔlɔŋ a pɔ̂ri lɛ̂ɛi m̀ai.

Osia 14:3

Asiria lɔii fa pɔ̂ri wɔ́lɔ kúkulâi mɛnîi, ǹyaŋ kú kɔ́kɔ-soo-ŋai dí fé pâi kú maa kɔ̃ɔi. Kúfe pâi ŋɔ́nɔ kúkpɛtɛ-sãai tôlii a kúɣâla. Tee-loŋ a maloŋ kâa sɔlɔ ƃô ísarâi.”

Osia 5:4

Dítûa-pere-ŋai da gɛ́ dífa pɔ̂ri pâi pôlu Díɣâlai pɔ́. Kpɛ́ni fêi, wulu-wulu kɛ́-mɛni káa díkponôi dífe ŋ́gɔlɔŋ ńyãa Yâwɛɛ.

Osia 6:10

Ŋa mɛni nyɔ́mɔɔ káa Eezuɛ lɔii su. Wulu-wulu kɛ́ɛ káa naa. Eezuɛ maa fé waa ní.

Osia 9:1

Eezuɛ-ƃela, káfe lii-nɛ̃ɛ kùla. Káfe lii-nɛ̃ɛ kùla yɛ̂ɛ lɔii da kpɛ́ni su-ƃela. Kpɛ́ni fêi, káfe a tɔ̃yâ-ƃela Káɣâlai mɛni ma. Ka pîlaŋ ŋ̀ulu-wulu kɛ́-nɛyaai pôlu zãâ-taŋ kwaa-ŋai ma.

Levetekɔ 17:7

Eezuɛ-ŋai dífe kɛ̀ a sɔnyɔ̂ŋ-ƃela dí kɛ́ sâla kùla daa-tûlɛ-ŋai paa ƃoli nyinaŋ ma, díkɛ díwɛli-kɛ-mai lɛ̀ ma. Dɔ̂ŋ ŋí káa dísuui mɛni ma wɔlɔ-wɔlɔ da wɔlɔ-wɔlɔ.

Levetekɔ 20:5

gɛ̀ ní ńyãa kpîŋ ŋa pâi ŋ̀ɛ́i seêi maa nuui ḿâ da ŋɔnûai é pɛlɛ diai kélee da pîlaŋ gɔ́ɔ pɔɔi a gɛɛ dí Molɛ fɛlii. Ǹyaŋ dífe pâi ŋɔ́nɔ kɛ̂i a ŋánûai da.

Maka 2:11

“Núui nɔ́ zɛŋ-kula yêei-kɛ-ƃelai da díwoli tɔ̀ɔ mai, ǹyaa ƃa lɛ́ɛ ɣâla-woo ƃó nuu nyii a kɛ̂ tɛɛ̂i gɛ́ mò ǹyɛɛi, ‘Ŋá pà Ɣâla-woo ƃôi káa a gɛɛ ká lɔɔ támaa sɔlɔ ƃó ká gbèle.’

Abaku 2:19

Kpalo ƃêlaai ǹúui ma a mò wúru gbua ma, “Íŋɛi lá ƃó.” Gɛ́ mò kɔni ma nyii vá mɛni mɛ̂nii, “Ímu siɣe í tɔ́ɔ!” Nyíŋi a pɔ̂ri mɛni lɛ̂i? Gáa, gbɛtɛɛ̂i a gôo da káne, ǹyaŋ ǹɛ̂wo fé gbonôi.

Nɔŋba 15:39

Vílii ŋí a pâi kɛ̂i a kili-too-ŋa kámɛni ma. Tãi kà gàa lai, ŋa-tɔ̂ŋ-ŋai maa-mɛni a pâi toôi kákili ŋa ká dímɛi káa. Gɛ̀ ní káfe pâi kápôlu tɔɔ̂i ḿâ ká pîlaŋ kánîa-mɛni-ŋa pôlu yɛ̂ɛ berei ka ŋ̀wɛ̂lii ká gɛ́ lai.

Dutɛrɔnome 31:16

È mò Mose mà ǹyɛɛi, “Yaâ pá liî ínûa pɔlɔ-ŋai pɔ́. Ǹûai ŋí da pâi tínanîi ɣâla da kpɛ́ni-ŋai pɔ́ naa pere. Dia ƃa ŋ̀âla-ŋai nyii-ŋai díkaa ǹɔii su da liî naai. Da pâi díyee kulâi ḿû da gbanaŋ-wooi ŋá gɛ̀ díyêei.

M̀ɛni-sâa Ƃó-ƃelai 18:5

Gɛ́ɛ tíi, dí mò ma dîyɛɛi, “Kpera yɛ̂, ye Ɣâla marê kɛ́ à kɛ̀ kúsiai a pâi kɛ̂i a ǹɛ́lɛɛ.”